அட என்னாச்சு.. தொடர் சரிவில் இருந்து எழுந்த தங்கம்.. விலை உயர்ந்தது!

Oct 05, 2023,11:56 AM IST

சென்னை: தொடர்ந்து சரிவில் இருந்த தங்கம், வெள்ளி விலை இன்று சற்று உயர தொடங்கியுள்ளது. ஒரு சவரனுக்கு ரூபாய் 80 என உயர்ந்துள்ளது.

தங்கத்தின் விலை தொடர்ந்து சரிந்தபடி இருந்தது. இதனால் பொதுமக்கள் மகிழ்ச்சி அடைந்தனர். விலை தொடர்ந்து குறைந்து வந்ததால் தங்கம் வாங்க பலரும் ஆர்வம் காட்டினர். இந்த நிலையில் வாரத்தின் 4ம் நாளான இன்றும் தங்கம் வெள்ளி விலை உயர்ந்துள்ளது.

செப்டம்பர் மாதத்தில் சரிவில் இருந்த தங்கம் விலை அக்டோபர் ஆரம்பத்திலும் குறைந்தே இருந்தது. இன்று சற்று உயரத் தொடங்கியுள்ளது. இந்த விலையேற்றம் வாடிக்கையாளர்களை ஆச்சரியத்தில் ஆழ்த்தியுள்ளது. அடடா, வாங்கலாம்னு நினைக்கிறப்போ உயர்ந்திருச்சே என்று பலரும் அங்கலாய்க்கின்றனர்.

தங்கத்தின் இன்றைய விலை நிலவரம் இதுதான்.. 1 கிராம் 22 கேரட் ஆபரண தங்கத்தின் விலை 5295 ரூபாயாகும். இது நேற்றைய விலையில் இருந்து 10 ரூபாய் அதிகரித்துள்ளது. 8 கிராம் ஆபரண தங்கத்தின் விலை 42360 ரூபாயாக உள்ளது. 1 கிராம் 24 கேரட் தங்கத்தின் விலை 5776 ரூபாயாக உள்ளது. இது நேற்றைய விலையில் இருந்து 11 ரூபாய் அதிகமாகும்.

தங்கம் விலை சற்று உயர்ந்துள்ள நிலையில், வெள்ளியின் நேற்றைய விலை அப்படியே தொடர்கிறது. 1 கிராம் வெள்ளி விலை ரூபாய்.70.70 காசாக உள்ளது. 8 கிராம் வெள்ளி விலை ரூபாய் 565.60 காசாக உள்ளது.