T20 Cricket World Cup Finals: அகமதாபாத்தை அதிர விட்ட இந்தியா.. அடுத்தடுத்து பல உலக சாதனைகள் காலி!

Mar 08, 2026,08:55 PM IST

அகமதாபாத்: அகமதாபாத் நரேந்திர மோடி ஸ்டேடியத்தில் நடந்து வரும் டி 20 உலகக் கோப்பை இறுதிப் போட்டியில் இந்திய அணி பல உலக சாதனைகளை முறியடித்துள்ளது.

உலகக்கோப்பை இறுதிப்போட்டியில் அதிகபட்ச ஸ்கோர் என்பது இந்தியாவின் முக்கிய சாதனையாக இன்று அமைந்தது. டி20 உலகக்கோப்பை இறுதிப்போட்டி வரலாற்றிலேயே ஒரு அணி எடுத்த அதிகபட்ச ஸ்கோர் என்ற சாதனையை இந்தியா இன்று படைத்துள்ளது.

20 ஓவர் முடிவில் இந்தியா 5 விக்கெட் இழப்புக்கு 255 ரன்கள் குவித்தது. இதற்கு முன்பு 2024-ல் தென்னாப்பிரிக்காவுக்கு எதிராக இந்தியா எடுத்த 176 ரன்களே சாதனையாக இருந்தது.

பவர்பிளேயில் அதிரடி சாதனையையும் இந்தியா செய்தது. ஆரம்பத்திலேயே அதிரடி காட்டிய அபிஷேக் சர்மா மற்றும் சஞ்சு சாம்சன் இணை, முதல் 6 ஓவர்களில் 92 ரன்கள் விளாசி புதிய உலக சாதனை படைத்தனர். இது எந்த ஒரு டி 20 உலகக்கோப்பை போட்டியிலும் எடுக்கப்பட்ட அதிகபட்ச பவர்பிளே ஸ்கோர் ஆகும்.

தொடக்க வீரர்களின் சாதனை - அபிஷேக் சர்மா மற்றும் சஞ்சு சாம்சன் ஜோடி முதல் விக்கெட்டுக்கு 98 ரன்கள் சேர்த்தது. இது ஒரு டி 20 உலகக்கோப்பை இறுதிப்போட்டியில் எடுக்கப்பட்ட அதிகபட்ச தொடக்க பார்ட்னர்ஷிப் ஆகும் (முந்தைய சாதனை: 48 ரன்கள், பாகிஸ்தான் - 2009).

தனி ஒரு வீரராக அதிக ரன்களை எடுத்த சாதனையையும் இந்தியா இன்று படைத்தது. சஞ்சு சாம்சன் 89 ரன்கள் எடுத்து, டி20 உலகக்கோப்பை இறுதிப்போட்டி ஒன்றில் அதிக ரன்கள் எடுத்த வீரர் என்ற சாதனையைத் தன்வசப்படுத்தினார்.

இதுதவிர மேலும் சில அதிரடிகளையும் இன்று இந்தியா வெளிப்படுத்தியது. அபிஷேக் சர்மா இறுதிப்போட்டியில் வெறும் 18 பந்துகளில் அரைசதம் கடந்து அசத்தினார்.

இந்தப் போட்டியில் இந்தியா வென்றால் மேலும் சில சாதனைகளை அது படைக்கும்.. அதாவது தொடர்ச்சியாக இரண்டு முறை டி 20 உலகக்கோப்பையை வென்ற முதல் அணி என்ற வரலாற்றுச் சாதனையை இந்தியா படைக்கும்.

அதேபோல டி 20 உலகக்கோப்பையைச் சொந்த மண்ணில் வென்ற முதல் நாடு என்ற பெருமையையும் இந்தியா படைக்கும். அதையும் இந்தியா இன்று செய்யுமா என்பதை பொறுத்திருந்து பார்ப்போம்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

அறிவுக்கும் ஒரு திருக்கோவில் இருக்கு.. ஆழியாறு போனா இதை மறக்காதீங்க!

கோப்பையை ராகுல் டிராவிட், லட்சுமணுக்கு அர்ப்பணிக்கிறேன்.. கெளதம் கம்பீர் நெகிழ்ச்சி

தோல்விகள் பாடங்களைக் கற்பிக்கலாம்,.. ஆனால் வெற்றிகள் மட்டுமே வரலாற்றை எழுதும்!

India T20 World Cup Champion: அகமதாபாத்தில் புதிய வரலாறு.. 3வது டி 20 உலகக் கோப்பையை வென்றது இந்தியா

T20 Cricket World Cup Finals: அகமதாபாத்தை அதிர விட்ட இந்தியா.. அடுத்தடுத்து பல உலக சாதனைகள் காலி!

இந்திய பேட்டிங் வேகத்தை சீர்குலைத்த ஜிம்மி நீஷம்.. சுத்த மோசம்.. ஒரே ஓவரில் 3 விக்கெட்கள்!

ஹாட்ரிக் அரை சதம்.. நரேந்திர மோடி ஸ்டேடியத்தில் வித்தை காட்டிய சஞ்சு சாம்சன்!

பேச வேண்டிய நேரத்தில் பேட் பேசும்.. சுனில் கவாஸ்கரின் வாயை.. அதிரடியாக மூடிய அபிஷேக் சர்மா!

அபிஷேக் - சஞ்சு சாம்சன் அதிரிபுதிரி ஆட்டம்.. பாகிஸ்தான் உலக சாதனையை முறியடித்த இந்தியா!

T20 Cricket World Cup Finals: அகமதாபாத்தை அதிர விட்ட இந்தியா.. அடுத்தடுத்து பல உலக சாதனைகள் காலி!

Comments

சமீபத்திய செய்திகள்

அதிகம் பார்க்கும் செய்திகள்