- கா.சா.ஷர்மிளா

திருவருட்பிரகாச வள்ளலார் என்றும் வடலூர் வள்ளலார் என்று போற்றப்படும் இராமலிங்க அடிகளார் அக்டோபர் 5, 1823 ராமையா பிள்ளை, சின்னம்மையாருக்கும் ஐந்தாவது மகனாக பிறந்தார் ,

சிறுவயதிலேயே தந்தையை இழநதார், தன் ஒன்பதாவது வயதில் முருகப்பெருமான் மீது தெய்வ மணிமாலை என்ற பாடலை பாடினார்,  தன் இளம் பருவத்திலிருந்து ஜாதி மத இன வேறுபாடுகளை கடுமையாக எதிர்த்தார்.

இவர்  19-ஆம் நூற்றாண்டின் தலைசிறந்த ஆன்மிக ஞானி, கவிஞர் மற்றும் சமூக சீர்திருத்தவாதி ஆவார். கடலூர் மாவட்டம் மருதூரில் பிறந்த இவரது பிறந்தநாள், தமிழக அரசால் தனிப்பெருங்கருணை நாள் எனக் கடைப்பிடிக்கப்படுகிறது.

இவருடைய முக்கியக் கொள்கைகளும் ,பங்களிப்பும், ஜீவகாருண்யம்: "வாடிய பயிரைக் கண்டபோதெல்லாம் வாடினேன்" என்ற வரிகளுக்கு ஏற்ப, மனிதர்கள் மட்டுமின்றி அனைத்து உயிர்களிடத்தும் இரக்கமும் அன்பும் செலுத்த வேண்டும் என்பதை வாழ்வின் அடிப்படை நெறியாகக் கற்பித்தார்.

அணையா அடுப்பு (சத்திய தரும சாலை): ஏழைகளின் பசிப்பிணியைப் போக்க 1867-ஆம் ஆண்டு வடலூரில் 'சத்திய தரும சாலை'யைத் தொடங்கினார். 

அவர் ஏற்றி வைத்த அந்த அடுப்பு, 150 ஆண்டுகளுக்கும் மேலாக இன்று வரை அணையாமல் தொடர்ந்து பசித்தவர்களுக்கு உணவளித்து வருகிறது.

சமரச சுத்த சன்மார்க்கம்: சாதி, மதம், இனம் கடந்து மக்கள் அனைவரும் ஒருமைப்பாட்டுடன் வாழ 'சமரச சுத்த சன்மார்க்க சத்திய சங்கம்' கண்டார்.

ஜோதி வழிபாடு: வடலூரில் சத்திய ஞான சபையை நிறுவி, உருவ வழிபாட்டிற்கு மாற்றாக இறைவனை பேரொளியாகக் கருதும்  ஒளியாக வணங்க வேண்டும் என்று கருதினார்,

இவர் ஜனவரி 30 1874 வடலூரில் உள்ள மேட்டுக்குப்பத்தில் உள்ள சித்தி வலகத்தில் ஜோதி வடிவமாக  இறைவனுடன் கலந்தார் ,

அருட்பெருஞ்ஜோதி அருட்பெருஞ்ஜோதி .. தனிப்பெரும் கருணை அருட்பெருஞ்ஜோதி!

(கா.சா.ஷர்மிளா, ஆசிரியர், புவனகிரி, கடலூர் மாவட்டம்.  வீரத்தமிழரசி வேலுநாச்சியார் இலக்கிய சமூக இயக்கம்- புதுவை, கடலூர் மாவட்ட பொறுப்பாளர்)