"நான்தான் திருமணம் செய்து வைத்தேன்".. மாரிமுத்து மறைவுக்கு வைரமுத்து கண்ணீர் அஞ்சலி!

Sep 08, 2023,05:17 PM IST

சென்னை: தேனியில் நான்தான் திருமணம் செய்துவைத்தேன் இன்று அவன்மீது இறுதிப் பூக்கள் விழுவது கண்டு இதயம் உடைகிறேன் என்று நடிகர் மாரிமுத்துவின் மறைவுக்கு கவிஞர் வைரமுத்து இரங்கல் தெரிவித்துள்ளார்.

நடிகர் மாரிமுத்து, கவிஞர் வைரமுத்துவிடம் உதவியாளராக பணியாற்றி தனது வாழ்க்கையை துவக்கியவர். பிறகு படிப்படியாக உயர்ந்து நடிகர், இயக்குனர் என வளர்ந்தவர். தற்போது சினிமாக்களிலும், சின்னத்திரை சீரியல்கள் சிலவற்றிலும் நடித்து வந்தார். இன்று காலை டப்பிங் பேசிக் கொண்டிருந்த போது மாரிமுத்துவிற்கு திடீரென பயங்கர நெஞ்சுவலி ஏற்பட்டது. உடனடியாக மருத்துவமனைக்கு கொண்டு செல்லப்பட்ட அவரை பரிசோதித்த டாக்டர்கள், மாரடைப்பால் மாரிமுத்து உயிரிழந்து விட்டதாக தெரிவித்தனர்.

மாரிமுத்துவின் இந்த திடீர் மரணத்திற்கு சினிமா பிரபலங்கள், சின்னத்திரை பிரபலங்கள் என பலரும் இரங்கல் தெரிவித்து வருகின்றனர். இந்நிலையில் கவிஞர் வைரமுத்துவும் இரங்கல் தெரிவித்துள்ளார். கவிஞர் வைரமுத்துவின் பிரியத்துக்குரியவர் மாரிமுத்து. அவரிடம்தான் முதல் முறையாக மாரிமுத்து உதவியாளராகச் சேர்ந்தார். அவரது அன்பைப் பெற்றவர். வைரமுத்துவிடமிருந்துதான் மாரிமுத்துவின் திரையுலகப் பயணம் தொடங்கியது.

மாரிமுத்து மறைவு தொடர்பாக வைரமுத்து விடுத்துள்ள கவிதை அஞ்சலி:

தம்பி மாரிமுத்துவின்

மரணச் செய்தி கேட்டு

என் உடம்பு ஒருகணம்

ஆடி அடங்கியது

சிகரத்தை நோக்கிச்

சென்றுகொண்டிருந்தவனை

மரணத்தின் பள்ளத்தாக்கு

விழுங்கிவிட்டது

என் கவிதைகளின்

உயிருள்ள ஒலிப்பேழை அவன்

என் உதவியாளராய் இருந்து

நான் சொல்லச் சொல்ல எழுதியவன்

தேனியில் நான்தான்

திருமணம் செய்துவைத்தேன்

இன்று அவன்மீது

இறுதிப் பூக்கள் விழுவதுகண்டு

இதயம் உடைகிறேன்

குடும்பத்துக்கும்

கலை அன்பர்களுக்கும்

கண்ணீரைத் துடைத்துக்கொண்டே

ஆறுதல் சொல்கிறேன் என்று கூறியுள்ளார் வைரமுத்து.

"தம்பி மாரிமுத்துவின்

மரணச் செய்தி கேட்டு

என் உடம்பு ஒருகணம்

ஆடி அடங்கியது

சிகரத்தை நோக்கிச்

சென்றுகொண்டிருந்தவனை

மரணத்தின் பள்ளத்தாக்கு

விழுங்கிவிட்டது

என் கவிதைகளின்

உயிருள்ள ஒலிப்பேழை அவன்

என் உதவியாளராய் இருந்து

நான் சொல்லச் சொல்ல எழுதியவன்

தேனியில் நான்தான்

திருமணம் செய்துவைத்தேன்

இன்று அவன்மீது

இறுதிப் பூக்கள் விழுவதுகண்டு

இதயம் உடைகிறேன்

குடும்பத்துக்கும்

கலை அன்பர்களுக்கும்

கண்ணீரைத் துடைத்துக்கொண்டே

ஆறுதல் சொல்கிறேன்"

இவ்வாறு வைரமுத்து குறிப்பிட்டுள்ளார்.

சமீபத்திய செய்திகள்

முட்டி மோதிய சென்னை சூப்பர் கிங்ஸ்.. மீண்டும் தோல்வி.. தட்டித் தூக்கிய ஹைதராபாத்!

ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்

துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி

ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!

பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!

ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!

எல்லைக் கட்டுப்பாட்டுக் கோட்டுப் பகுதியில்.. துப்பாக்கிச் சூட்டில் இறங்கிய பாக்.. இந்தியா பதிலடி

முதல்வர் மு.க.ஸ்டாலினுக்கு மே 3ம் தேதி பாராட்டு விழா: அமைச்சர் கோவி செழியன் அறிவிப்பு

ஆளுநர் ஆர். என். ரவி கூட்டிய ஊட்டி மாநாடு.. அரசு பல்கலைக்கழக துணைவேந்தர்கள் பங்கேற்கவில்லை

"நான்தான் திருமணம் செய்து வைத்தேன்".. மாரிமுத்து மறைவுக்கு வைரமுத்து கண்ணீர் அஞ்சலி!

Comments

சமீபத்திய செய்திகள்

அதிகம் பார்க்கும் செய்திகள்