ஸ்விக்கி, ஸோமேட்டோவுக்கு செக்... களமிறங்கியது ராபிடோவின் 'ownly'

Mar 06, 2026,10:27 AM IST

பெங்களூரு : ஆன்லைன் உணவு விநியோகத் துறையில் (Food Delivery) தற்போது ஸ்விக்கி மற்றும் ஸோமேட்டோ ஆகிய இரு நிறுவனங்கள் மட்டுமே ஆதிக்கம் செலுத்தி வருகின்றன. இந்நிலையில், இவர்களுக்கு கடும் போட்டி கொடுக்கும் வகையில், பைக் டாக்ஸி சேவையில் முன்னணியில் உள்ள ராபிடோ (Rapido) நிறுவனம், 'Ownly' என்ற புதிய உணவு விநியோக செயலியை அறிமுகப்படுத்தியுள்ளது.


இந்த 'Ownly' செயலியின் மிக முக்கியமான சிறப்பம்சமே அதன் 'கமிஷன் இல்லா' (Zero Commission) கொள்கை தான். பொதுவாக ஸ்விக்கி, ஸோமேட்டோ போன்ற நிறுவனங்கள் உணவகங்களிடம் இருந்து குறிப்பிட்ட சதவீதத்தை கமிஷனாக வசூலிக்கும். இது உணவின் விலை உயர்வதற்கும், சிறிய ஹோட்டல் உரிமையாளர்களின் லாபம் குறைவதற்கும் காரணமாக அமைந்தது. ஆனால், ராபிடோவின் இந்த புதிய முயற்சியில் உணவகங்களிடம் கமிஷன் வசூலிக்கப்படாது என அறிவிக்கப்பட்டுள்ளது. 


இதனால் ஹோட்டல் உரிமையாளர்கள் மகிழ்ச்சியில் உள்ளனர். இது வாடிக்கையாளர்களுக்கும் குறைவான விலையில் உணவு கிடைக்க வழிவகை செய்யலாம் என எதிர்பார்க்கப்படுகிறது.


முதற்கட்டமாக பெங்களூருவில்...




ராபிடோவின் இந்த 'Ownly' சேவை தற்போது முதற்கட்டமாக கர்நாடக மாநிலம் பெங்களூருவில் மட்டும் அறிமுகம் செய்யப்பட்டுள்ளது. அங்கு கிடைக்கும் வரவேற்பைப் பொறுத்து, சென்னை உள்ளிட்ட இந்தியாவின் மற்ற முக்கிய நகரங்களுக்கும் இந்த சேவை விரைவில் விரிவுபடுத்தப்படும் என்று தெரிகிறது.


ஏன் இந்த அதிரடி மாற்றம்?


ஏற்கனவே இந்தியா முழுவதும் வலுவான டெலிவரி நெட்வொர்க்கை வைத்துள்ள ராபிடோ, அதன் மூலம் உணவு விநியோகத் துறையிலும் கால்பதிக்கத் திட்டமிட்டுள்ளது. "Just Good Food: Clear. Fair. Everyday." என்ற தாரக மந்திரத்தோடு களமிறங்கியுள்ள 'Ownly', மற்ற நிறுவனங்களுக்குப் பெரிய சவாலாக இருக்கும் எனத் தெரிகிறது. ஆன்லைன் உணவு ஆர்டர்களில் ஒரு புதிய புரட்சியை ராபிடோ ஏற்படுத்துமா என்பதை பொறுத்திருந்து பார்ப்போம்!

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

அனல் பறக்கத் தொடங்கியுள்ள .. மே மாதம்.. என்னவெல்லாம் காத்திருக்கு தெரியுமா?

news

Pooranavalli Sekar Tamil Short Story: துணிச்சலான முடிவு !

news

Tamil Short Story: தெர்மாஸ் பிளாஸ்க்!

news

ஆப்பிளை சுவைத்தபடி.. ராவி ஆற்றங்கரை ஓரமாக.. (அமர்நாத் யாத்திரை அனுபவங்கள்.. 4)

news

சிந்தனைச் சிதறல்.. உணவும் ஓய்வுமே உழைப்பிற்கான ஆற்றல் மூலம்!

news

tn result 2026 தேர்தல் ரிசல்ட் 2 நாட்களில்... 'வார் ரூம்களை' வலுப்படுத்தும் திமுக - அதிமுக

news

Sripriya Story: தன்னம்பிக்கை கதை.. விளக்கேற்றிய விரல்கள்!

news

Cell Broadcast Alert System: உங்க செல்போனில் சத்தத்துடன் மெசேஜ் வந்தா பயப்படாதீங்க.. டெஸ்ட்டிங்!

news

மதுரை குலுங்கக் குலுங்க.. பச்சைப் பட்டுடுத்தி.. வைகை ஆற்றில் இறங்கிய கள்ளழகர்

அதிகம் பார்க்கும் செய்திகள்