சென்னை : தமிழகத்தில் வளிமண்டல சுழற்சி மற்றும் வெப்பச்சலனம் காரணமாக மாநிலத்தின் பல்வேறு பகுதிகளில் மழை பெய்து வருகிறது. இந்நிலையில், சென்னை வானிலை ஆய்வு மையம் இன்று (அக்டோபர் 10) வெளியிட்டுள்ள வானிலை முன்னறிவிப்பின்படி, தமிழகத்தின் பல மாவட்டங்களில் மிதமான மழையும், சில மாவட்டங்களில் கனமழையும் பெய்ய வாய்ப்புள்ளது எனத் தெரிவிக்கப்பட்டுள்ளது.   

3 மாவட்டங்களில் கனமழை எச்சரிக்கை:

தமிழகத்தில் நிலவும் சாதகமான வானிலை சூழல் காரணமாக, இன்று (அக்.10) கோவை மாவட்டத்தின் மலைப் பகுதிகள், நீலகிரி மற்றும் தேனி ஆகிய 3 மாவட்டங்களில் ஓரிரு இடங்களில் கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. மலைப்பிரதேசங்களுக்குச் செல்லும் வாகன ஓட்டிகளும், பொதுமக்களும் தேவையான முன்னெச்சரிக்கை நடவடிக்கைகளை மேற்கொள்ளுமாறு அறிவுறுத்தப்படுகிறார்கள்.   

இன்று மிதமான மழை பெய்யக்கூடும் மாவட்டங்கள்:

கனமழை எச்சரிக்கை விடுக்கப்பட்டுள்ள மாவட்டங்களைத் தவிர்த்து, தமிழகத்தின் தென் மற்றும் மத்திய மாவட்டங்களில் இன்று மிதமான மழைக்கு வாய்ப்புள்ளது. திண்டுக்கல், விருதுநகர்,மதுரை, சிவகங்கை, ராமநாதபுரம், தூத்துக்குடி, தென்காசி,நெல்லை, கன்னியாகுமரி ஆகிய மாவட்டங்களில் இன்று (அக்.10) மிதமான மழை பெய்யக்கூடும் எனத் தெரிவிக்கப்பட்டுள்ளது.   

நாளை (அக்.11) மழை வாய்ப்பு நிலவரம்:

நாளை தமிழகத்தின் பல மாவட்டங்களில் மழை நீடிக்கக்கூடும். குறிப்பாக, மேற்கு தொடர்ச்சி மலையை ஒட்டிய பகுதிகள் மற்றும் தென் மாவட்டங்களில் மிதமான மழை பெய்ய வாய்ப்புள்ளது. 

நீலகிரி  

கோவை   

திண்டுக்கல்   

விருதுநகர்   

மதுரை   

சிவகங்கை   

ராமநாதபுரம்   

தூத்துக்குடி   

தேனி   

தென்காசி   

நெல்லை   

கன்னியாகுமரி   

ஆகிய மாவட்டங்களில் நாளை மிதமான மழை பெய்யக்கூடும் என வானிலை மையம் கணித்துள்ளது.   

பொதுமக்கள் மற்றும் மீனவர்களுக்கான அறிவுறுத்தல்:

மழை பெய்யும் நேரங்களில் தாழ்வான பகுதிகளில் தேங்கும் நீரினால் போக்குவரத்து பாதிப்பு ஏற்பட வாய்ப்புள்ளதால், வாகன ஓட்டிகள் கவனமாக செல்ல அறிவுறுத்தப்படுகிறார்கள். மேலும், மலைப் பகுதிகளில் லேசான நிலச்சரிவு மற்றும் திடீர் வெள்ளப்பெருக்கு ஏற்பட வாய்ப்புள்ளதால் சுற்றுலாப் பயணிகள் எச்சரிக்கையுடன் இருக்குமாறு கேட்டுக் கொள்ளப்படுகிறார்கள். கடலோரப் பகுதிகள் மற்றும் சூறாவளிக் காற்று வீசக்கூடும் கடல் பகுதிகளுக்கு மீனவர்கள் செல்வது குறித்து வானிலை மையத்தின் கூடுதல் அறிவிப்புகளைக் கவனிக்கவும்.