இன்று தங்கம் வாங்க போறீங்களா.. உங்களுக்கு ஒரு ஹேப்பி நியூஸ்!

Sep 30, 2023,11:00 AM IST

சென்னை: கடந்த 10 நாட்களுக்கு மேலாகவே தங்கம், வெள்ளியின் விலை சரிவில் உள்ளது. இது தங்கம் வாங்கும் வாடிக்கையாளர்கள் மத்தியில் மகிழ்ச்சியை ஏற்படுத்தியுள்ளது.

தமிழகத்தில் உள்ள மக்களையும் தங்கத்தையும் பிரித்து பார்க்க முடியாது. அந்த அளவிற்கு தங்கம் மீதான மோகம் தமிழக மக்களிடையே புரையோடி போய் இருக்கு என்றால் அது மிகையாகாது. தங்க நகை என்பது அணிந்து மகிழ மட்டும் அல்ல.. அது அருமையான முதலீடும் கூட. தற்பொழுது உள்ள காலகட்டத்தில் தங்கத்தின் மீதான முதலீடும் அதிகரித்துக்கொண்டே தான் உள்ளது.

அப்படிபட்ட தங்கத்தின் இன்றைய விலை நிலவரத்தை சற்று பார்ப்போமா?

இன்றைய (30-9-23) தங்கம் விலை 1 கிராம் 22 கேரட் ஆபரண தங்கத்தின் விலை 5360 ரூபாயாகும். இது நேற்றைய விலையில் இருந்து 30 ரூபாய் குறைந்துள்ளது. 8 கிராம் ஆபரண தங்கத்தின் விலை 42880 ரூபாயாக உள்ளது. 1 கிராம் 24 கேரட் தங்கத்தின் விலை 5847 ரூபாயாக உள்ளது. இது நேற்றைய விலையில் இருந்து 30 ரூபாய் குறைவாகும்.

தங்கம் விலை இப்படி இருக்க இன்றைய வெள்ளி 1 கிராம் விலை 76.00 ரூபாயாகும். இது நேற்றைய விலையை விட 1.50 காசுகள் குறைந்துள்ளது. பிறகென்ன கிளம்புங்க.. தேர்வு பண்ணி ஜம்முன்னு ஒன்னை வாங்கிட்டு வாங்க.