தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2025 ஆம் ஆண்டு டிசம்பர் 09 ம் தேதி, செவ்வாய்கிழமை இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம். 

இன்றைய பஞ்சாங்கம் :

விசுவாவசு வருடம், கார்த்திகை 23ம் தேதி செவ்வாய்கிழமை

இன்று இரவு 08.41 வரை பஞ்சமி திதியும், பிறகு சஷ்டி திதியும் உள்ளது. காலை 08.55 வரை பூசம் நட்சத்திரமும், பிறகு ஆயில்யம் நட்சத்திரமும் உள்ளது. இன்று முழுவதும் சித்தயோகம் உள்ளது.

நல்ல நேரம்: காலை 07.45 முதல் 08.45 வரை; மாலை - 04.45 முதல் 05.45 வரை

கெளரி நல்ல நேரம் : 10.45 முதல் 11.45 வரை ; மாலை 07.30 முதல் 08.30 வரை

ராகு காலம் - பகல் 3 முதல் மாலை 04.30 வரை

குளிகை - பகல் 12 முதல் 01.30 வரை 

எமகண்டம் - காலை 9 முதல் 10.30 வரை

சந்திராஷ்டமம் - மூலம், பூராடம்

இன்றைய ராசிபலன் :

மேஷம் - மேஷ ராசிக்காரர்களுக்கு, சுயதொழில் செய்யும் பெண்கள், குறிப்பாக அழகு நிலையம் வைத்திருப்பவர்களுக்கு பாராட்டும் பணமும் கிடைக்கும். பழைய நண்பர்களின் ஆதரவு உண்டு. மாணவர்கள் ஆடம்பரச் செலவுகளைத் தவிர்ப்பது நல்லது. புதிய முயற்சிகள் வெற்றி பெறும். தேகம் பொலிவு பெறும். இவர்களின் அதிர்ஷ்ட நிறம் வெள்ளை.

ரிஷபம் - ரிஷப ராசிக்காரர்களுக்கு, உத்யோகஸ்தர்கள் மன உளைச்சலில் இருந்து விடுபடுவர். பணவரவு அதிகரிக்கும். அரசு சம்பந்தப்பட்ட டெண்டர்களில் வெற்றி நிச்சயம். நடைபாதை வியாபாரிகளுக்கு நல்ல லாபம் கிடைக்கும். காலை உணவைத் தவிர்க்க வேண்டாம். உடல் நலத்தில் கவனம் தேவை. இவர்களின் அதிர்ஷ்ட நிறம் ஊதா.

மிதுனம் - மிதுன ராசிக்காரர்களுக்கு, சொந்தத் தொழில் செய்பவர்களுக்கு மனநிறைவு கிடைக்கும். தம்பதிகளின் ஒற்றுமைக்குக் குறையிருக்காது. வியாபாரத்தில் உள்ளவர்கள் புதிய அணுகுமுறைகளைக் கையாண்டு அதிக லாபம் ஈட்டுவார்கள். மாணவ மாணவிகளுக்குப் படிப்பில் ஆர்வம் கூடி நல்ல மதிப்பெண்களைப் பெறுவார்கள். தேக ஆரோக்கியம் மேம்படும். இவர்களின் அதிர்ஷ்ட நிறம் வெள்ளை.

கடகம் - கடக ராசிக்காரர்களுக்கு, குடும்பத் தலைவிகளுக்குச் சகோதர சகோதரிகள் விருந்திற்கு வந்து செல்வர். பிள்ளைகள் மேல் படிப்பிற்காக வெளிநாடு செல்வர். வேலை தேடுபவர்களுக்கு விரும்பிய உத்தியோகம் கிடைக்கும். மாமியார் தொல்லை அகலும். பெண்களுக்கு மாதவிடாய் பிரச்சனை நீங்கும். இவர்களின் அதிர்ஷ்ட நிறம் மஞ்சள்.

சிம்மம் - சிம்ம ராசிக்காரர்களுக்கு, சுபகாரியப் பேச்சுவார்த்தைகள் சுபமாக முடியும். வியாபாரத்தில் ஆதாயம் காணலாம். மனைவியிடம் ஆத்திரப்பட வேண்டாம். குடும்பத் தலைவிகள் வீட்டிற்கு அத்தியாவசியப் பொருட்களான வாஷிங் மெஷின், மிக்ஸி போன்றவற்றை வாங்குவார்கள். பொறுமையைக் கையாள்வது நன்மை தரும். இவர்களின் அதிர்ஷ்ட நிறம் பச்சை.

கன்னி - கன்னி ராசிக்காரர்களுக்கு, சொந்தத் தொழில் செய்பவர்களுக்கு அலைச்சல்கள் அதிகரிக்கும், அதற்கு ஏற்ப லாபம் கிடைக்கும். தள்ளிப்போன வெளியூர் பயணம் இன்று செல்ல ஆயத்தமாவீர்கள். பெண்கள் அக்கம் பக்கத்தினரிடம் பேசும்போது வாய் நிதானம் தேவை. மாணவ மணிகளுக்குக் கல்விக்கடன் கிடைக்கும். இவர்களின் அதிர்ஷ்ட நிறம் நீலம்.

துலாம் -   துலா ராசிக்காரர்களுக்கு, பிரபலங்கள் வீட்டு விசேஷங்களில் கலந்துகொள்ளும் அளவிற்கு நெருக்கமாவீர்கள். புதியவர்களின் நட்பு பலக்கும். வேலைக்குச் செல்பவர்களுக்கு மேல் அதிகாரிகள் ஆதரவு தருவர். குடும்பத் தலைவிகளுக்குத் தம்பதிகளிடையே இணக்கம் அதிகரிக்கும். இவர்களின் அதிர்ஷ்ட நிறம் நீலம்.

விருச்சிகம் - விருச்சிக ராசிக்காரர்களுக்கு, உத்யோகஸ்தர்களுக்குச் சக ஊழியர்களால் ஆதரவுகள் ஏற்படும். சொந்தத் தொழில் செய்பவர்களுக்கு லாபம் இரட்டிப்பாகும். கலைஞர்களுக்கு நல்ல வாய்ப்புகள் கதவைத் தட்டும். தம்பதிகள் இணைந்து திருமணம், சீமந்தம், கிரகப் பிரவேசம் போன்ற நிகழ்ச்சிகளில் கலந்து கொள்வார்கள். உடல் நலம் சிறக்கும். இவர்களின் அதிர்ஷ்ட நிறம் சாம்பல்.

தனுசு -  தனுசு ராசிக்காரர்களுக்கு, இன்று சந்திராஷ்டமம் என்பதால் மிகவும் கவனமாக இருக்க வேண்டும். யாரிடமும் வாக்குவாதங்கள் செய்ய வேண்டாம். மனக்குழப்பங்கள் ஏற்படும் என்பதால் மிகவும் கவனம் தேவை. இறைவனை மட்டும் பிரார்த்திப்பது நல்லது. பல காரியத் தடைகள் இருப்பதால் புதிய முயற்சிகளை எடுக்காமல் இருப்பது நல்லது. இவர்களின் அதிர்ஷ்ட நிறம் வெள்ளை.

மகரம் - மகர ராசிக்காரர்களுக்கு, வெளியூர் பயணங்கள் மேற்கொள்வர். அதில் ஆதாயமும் பெறுவர். பொருளாதாரத்தில் உயர்வு உண்டு. பிள்ளைகளின் உணர்வுகளைப் புரிந்துகொள்ளுங்கள். எதிர்பார்த்த ஒரு தொகை கிடைக்கும். மாணவர்களுக்குப் படிப்பு மற்றும் விளையாட்டுத் துறையில் ஆர்வம் மிகும். இவர்களின் அதிர்ஷ்ட நிறம் ஆரஞ்சு.

கும்பம் - கும்ப ராசிக்காரர்களுக்கு, நடைபாதை மற்றும் கடை வியாபாரிகளுக்கு நல்ல லாபம் கிடைக்கும். குடும்பத் தலைவிகள் பிள்ளைகளுக்குத் தேவையானதை நிறைவேற்றுவர். சிக்கன நடப்பதால் சேமிப்பை உயர்த்துவர். உடல் நலத்தில் கவனம் தேவை. கணவருடன் கோவில் குளங்களுக்குச் சென்று வருவர். இவர்களின் அதிர்ஷ்ட நிறம் பொன்வண்ணம்.

மீனம் - மீன ராசிக்காரர்களுக்கு, அரசியல்வாதிகள் பேச்சில் நிதானம் தேவை. பொறுமை அவசியம். மனைவி கணவர் போக்கே சென்று அவர்களை உங்கள் வழியில் வரவழைக்க வேண்டும். மார்க்கெட்டிங் பிரிவினர்கள் இலக்குகளை எட்டிவிடுவார்கள். அக்கம் பக்கத்து வீட்டுக்காரரிடம் அளவாக வைத்துக்கொள்வது நல்லது. இவர்களின் அதிர்ஷ்ட நிறம் சிவப்பு.