234 தொகுதிகளிலும் தவெக தனி ஆவர்த்தனம்.. வேட்பாளர் பட்டியலை வெளியிடுகிறார் விஜய்!
சென்னை: தமிழக அரசியல் களத்தில் பெரும் எதிர்பார்ப்பை ஏற்படுத்தியுள்ள தமிழக வெற்றி கழகத்தின் தலைவர் விஜய், 2026 தமிழ்நாடு சட்டமன்றத் தேர்தலுக்கான 234 வேட்பாளர்களின் பட்டியலை இன்று முறைப்படி வெளியிடுகிறார்.
தேமுதிக ஆரம்பித்தபோது அக்கட்சியின் தலைவர் கேப்டன் விஜயகாந்த் 234 தொகுதிகளிலும் தனித்துப் போட்டியிட்டார். பின்னர் அது கூட்டணி அரசியலுக்குப் போய் விட்டது. அதன் பிறகு நாம் தமிழர் கட்சிதான் இதுவரை 234 தொகுதிகளிலும் தனித்துப் போட்டியிட்டு வருகிறது. அந்தக் கட்சிக்குப் பிறகு அந்த வரலாற்றைப் படைக்கவுள்ளார் விஜய்.
ஏற்கனவே தி.மு.க மற்றும் அ.தி.மு.க கூட்டணிகள் தங்களது வேட்பாளர் பட்டியலை வெளியிட்டுள்ள நிலையில், விஜய்யின் இந்த அதிரடி அறிவிப்பு தேர்தல் களத்தை மேலும் சூடாக்கியுள்ளது.
எந்தக் கட்சியுடனும் கூட்டணி வைக்காமல், தமிழகத்தின் 234 தொகுதிகளிலும் தவெக தனித்துப் போட்டியிடுகிறது. விஜய் சென்னை பெரம்பூர் தொகுதியில் போட்டியிடுவது கிட்டத்தட்ட உறுதியாகியுள்ளது. இதற்காக அந்தத் தொகுதியில் தேர்தல் அலுவலகப் பணிகள் ஏற்கனவே தீவிரமடைந்துள்ளன.
தவெக அரசியல் களத்திற்குப் புதிது என்பதால் அதன் வேட்பாளர்களும் புதியவர்களாகவே அதிக அளவில் இருக்க வாய்ப்புள்ளது. இந்தப் பட்டியலில் இளைஞர்கள், பெண்கள் மற்றும் சமூக ஆர்வலர்களுக்கு அதிக முன்னுரிமை அளிக்கப்பட்டுள்ளதாகத் தெரிகிறது. குறிப்பாக, கல்வி மற்றும் சமூகப் பணியில் ஈடுபாடு கொண்டவர்களுக்கு விஜய் வாய்ப்பளித்துள்ளதாகத் தகவல்.
புதுச்சேரியிலும் தவெக தனித்தே போட்டியிடுகிறது. மார்ச் 22 அன்று புதுச்சேரியின் 30 தொகுதிகளுக்கும் வேட்பாளர்களை அறிவித்து விஜய் முதற்புள்ளி வைத்தார் என்பது குறிப்பிடத்தக்கது. தற்போது தமிழ்நாட்டில் விஜய் அறிவிக்கப் போகும் வேட்பாளர்கள் குறித்து பெரும் எதிர்பார்ப்பு நிலவி வருகிறது.
சமீபத்திய செய்திகள்
தமிழகத்தை உலுக்கிய.. தூத்துக்குடி பிளஸ் 2 மாணவி கொலை வழக்கில்.. தர்ம முனீஸ்வரனுக்கு மரண தண்டனை
விவசாயிகளின் பயிர்க்கடன் தள்ளுபடி: தமிழக முதல்வர் சி. ஜோசப் விஜய் அதிரடி அறிவிப்பு!
புதிய படங்களை 7 நாட்களுக்கு 5 காட்சிகள் திரையிடலாம்.. தியேட்டர்களுக்கு விஜய் ஹேப்பி நியூஸ்!
TVK: குதிரை வேகத்தில் நடக்கும் குதிரை பேரம்.. திமுக தலைவர் மு.க.ஸ்டாலின் கண்டனம்
அதிமுக எம்.எல்.ஏ-க்கள் 3 பேர் திடீர் ராஜினாமா - தவெக.வில் இணைந்ததால் பரபரப்பு!
காலியான 4 எம்எல்ஏ தொகுதிகள், ஒரு ராஜ்யசபா எம்.பி. பதவி.. தவெக.,விற்கு அடிக்கிறதா ஜாக்பாட்?
ADMK metldown: வேகமாக கரையும் அதிமுக.. மொத்தம் 47 - இபிஎஸ் 27; வேலுமணி 17; ராஜினாமா 3!
ஓங்குகிறதா எடப்பாடி பழனிசாமியின் கை? .. அடுத்தடுத்து வீட்டிற்கு படையெடுக்கும் எம்.எல்.ஏ-க்கள்
சிஎம் விஜய் ஸ்டேட்டா.. வட மாநிலங்களிலும் வேகமாக பரவியிருக்கும் தமிழ்நாட்டு அரசியல்..!
{{comments.comment}}