மக்களே உஷார்... தர்பூசணி பழத்தினால் புற்றுநோய் ஏற்படும் அபாயம்!

Mar 21, 2025,04:40 PM IST

கிருஷ்ணகிரி மாவட்டம் ஒசூர் அருகே தர்பூசணிக்குள் நிறத்திற்காக ஊசி மூலம் ரசாயன நிறமிகள் செலுத்தப்பட்டுள்ள சம்பவம் தற்போது அதிர்ச்சியை ஏற்படுத்தியுள்ளது. மக்களையும், குழந்தைகளையும் கவர்வதற்காக இந்த ரசாயன நிறமிகள் ஊசிகளின் மூலம் செலுத்தப்பட்டு வருகிறது.

1 / 4
Share

Image Courtesy: FREEPIK

இந்த பழங்களை சாப்பிடுவதினால் புற்று நோய் ஏற்படும் அபாயம் உள்ளதாக உணவு பாதுகாப்பு துறை அதிகாரிகள் எச்சரித்துள்ளனர். இந்த ரசாயன நிறமிகள் குழந்தைகளை அதிக அளவில் பாதிக்கும் என்று தெரிவித்து வருகின்றனர்.

2 / 4
Share

Image Courtesy: FREEPIK

இது குறித்து உணவு பாதுகாப்பு துறை அதிகாரிகள் கூறுகையில், எரித்ரோசின், Ponceau 4r பவுடர் போன்ற ரசாயனங்களை ஊசி மூலம் செலுத்தி இருப்பது கண்டறியப்பட்டுள்ளது என தெரிவித்துள்ளனர். இந்த ரசாயனத்தினால், தலைவலி, காய்ச்சல் ஏற்படும் என்றும், அத்துடன் புற்றுநோய் போன்ற கொடிய நோய்களையும் ஏற்படுத்தும் என்றும் தெரிவித்துள்ளனர்.

3 / 4
Share

Image Courtesy: FREEPIK

நிறமூட்டப்பட்ட தர்பூசணிகளை கண்டறிய, தர்பூசணிகளை சிறு துண்டுகளாக வெட்டி தண்ணீரில் போட்டால், நிறம் தனியாக பிரிந்து வந்துவிடும் என்றும், அது மட்டுமின்றி பஞ்சு அல்லது டிஷ்யூ பேப்பரை வைத்து தர்பூசணியை துடைத்தால், சிவப்பு நிறம் அதில் ஒட்டிக்கொள்ளும் என்றும் அவர்கள் தெரிவித்துள்ளனர்.

4 / 4
Share

Image Courtesy: FREEPIK

உணவு பாதுகாப்புத்துறை அதிகாரிகள் தொடர்ந்து பல்வேறு பகுதிகளில் ஆய்வு செய்து வருகின்றனர். நிறமூட்டிய தர்பூசணி பழங்களை பறிமுதல் செய்து அழித்தும் வருகின்றனர். இந்த செயலில் ஈடுபடுபவர்கள் மீது கடுமையான நடவடிக்கை எடுக்கப்படும் என்றும் தெரிவித்து வருகின்றனர்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்