கனடாவின் ரிச்மண்ட் ஹில் ஆலயத்தில் புத்தாண்டு கொண்டாட்டம்!

Jan 02, 2025,04:58 PM IST

கனடாவின் அன்டாரியோ மாகாணத்தின் தென் பகுதியில் உள்ள ரிச்மண்ட் ஹில்லில் அமைந்துள்ள இந்துக்கோவில் 2025ம் ஆண்டு புத்தாண்டு சிறப்பாக கொண்டாடப்பட்டுள்ளது. சிறப்பு பூஜைகள் உள்ளிட்டவற்றுடன் நடைபெற்ற இவ்விழாவில் ஏராளமான இந்துக்கள் கலந்து கொண்டனர்.

1 / 5
Share

Image Courtesy: Swarnalakshmi

கனடாவின் ரிச்மண்ட் ஹில் பகுதியில் 40 ஆண்டுகளுக்கும் மேலாக செயல்பட்டு வருகிறது இந்த இந்துக் கோவில். கனடாவின் மிகப் பெரிய இந்துக் கோவில்களில் ஒன்றாக இருக்கும் இந்த கோவில் சோழர் காலத்தில் தஞ்சை பெரிய கோவிலை கட்டிய ஸ்தபதி குடும்பத்தை சேர்ந்தவர்களால் வடிவமைக்கப்பட்டு, கட்டப்பட்டதாகும்.

2 / 5
Share

Image Courtesy: Swarnalakshmi

ஆகம சாஸ்திர விதிகளின் படி கட்டப்பட்டு, பூஜைகள் நடத்தப்பட்டு வரும் இக்கோவிலில் தான் உலகிலேயே மிக உயரமான முருகன் சிலை கருவறையில் பிரதிஷ்டை செய்யப்பட்டுள்ளது. வட அமெரிக்காவின் முதல் பெரிய இந்துக் கோவில் என்ற பெருமையும் ரிச்மண்ட் ஹில் இந்து ஆலயத்திற்கு உண்டு.

3 / 5
Share

Image Courtesy: Swarnalakshmi

இந்த ஆலயத்தில் 12 ஆழ்வார்களும் பிரதிஷ்டை செய்யப்பட்டுள்ளதால் மார்கழி மாத வழிபாடுகளும், நாலாயிர திவ்ய பிரபந்த பாராயணமும் ஆண்டுதோறும் வெகு சிறப்பாக நடத்தப்பட்டு வருகிறது.

4 / 5
Share

Image Courtesy: Swarnalakshmi

விநாயகர், முருகன், பெருமாள் உள்ளிட்ட அனைத்து தெய்வங்களின் சன்னதிகளையும் கொண்டுள்ள இக்கோவிலில் டிசம்பர் 31, ஜனவரி 01 ஆகிய இரண்டு நாட்களும் சிறப்பு நிகழ்ச்சிகள் நடத்தப்பட்டு, முழு நேரமும் ஆலயம் திறந்து வைக்கப்பட்டது.