காதலர் தினத்தை அலங்கரித்த.. பேரன்பும் பெருங்கோபமும்.. நியூ மூவி போஸ்டர்

Feb 15, 2025,11:34 AM IST

காதலர் தினத்தை முன்னிட்டு இசைஞானி இளையராஜா இசையமைப்பில் உருவாகி வரும் பேரன்பும் பெருங்கோபமும் திரைப்படத்திற்கான வாலன்டைன் போஸ்டர் வெளியாகி படம் குறித்த எதிர்பார்ப்பை எகிற வைத்தது. இந்த போஸ்டர்கள் காதலர்களை பிரதிபலிப்பதால் இளைய தலைமுறையினரிடையே பெரும் வரவேற்பு பெற்றுள்ளது.

1 / 4
Share

Image Courtesy: PRO Johnson

பேரன்பும் பெருங்கோபமும் என்ற திரைப்படத்தை இயக்குனர் சிவப்பிரகாஷ் இயக்கி உள்ளார். இவர் பாலு மகேந்திராவின் சினிமா பட்டறையில் மாணவராக பணிபுரிந்து பிறகு இப்படத்தின் மூலம் இயக்குனராக அறிமுகமாகியுள்ளார் என்பது குறிப்பிடத்தக்கது.

2 / 4
Share

Image Courtesy: PRO Johnson

e5 என்டர்டைன்மென்ட் தயாரித்துள்ள இப்படத்தில் இயக்குனர் தங்கர்பச்சானின் மகன் வினித் பச்சான் நாயகனாக நடித்துள்ளார். இவருக்கு ஜோடியாக புதுமுக நடிகை ஷாலி நிவேகாஸ் நாயகியாக அறிமுகமாகிறார். இவர்களுடன் மைம் கோபி, அருள்தாஸ், லோகு, சுபத்ரா, தீபா, சாய் வினோத் உள்ளிட்ட பலர் நடித்துள்ளனர். படத்தொகுப்பு பணிகளை ராமர் கையாள, கலை இயக்கத்தை சரவணன் கவனித்திருக்கிறார்.

3 / 4
Share

Image Courtesy: PRO Johnson

கதாநாயகனின் வாழ்வில் மூன்று வெவ்வேறு காலகட்டங்களில் நடைபெறும் சம்பவங்களை மையமாகக் கொண்டு உருவாகியுள்ள இப்படத்தில் நாயகன் சமூகத்தால் இழைக்கப்பட்ட தீமைகளை எப்படி எதிர்கொள்கிறான் என்பதை விறுவிறுப்பான காட்சிகளுடனும் சுவாரசியமான திருப்பங்களுடன் திரைக்கதை அமைக்கப்பட்டுள்ளதாக இயக்குனர் தெரிவித்துள்ளார்.

4 / 4
Share

Image Courtesy: PRO Johnson

இப்படத்தின் இறுதி கட்ட பணிகள் விறுவிறுப்பாக நடைபெற்று வரும் நிலையில் தற்போது காதலர் தினத்தை முன்னிட்டு பேரன்பும் பெருங்கோபமும் படத்தின் வாலன்டைன் போஸ்டர் வெளியாகி உள்ளது. இது ரசிகர்கள் மத்தியில் பெரும் வரவேற்பு பெற்றுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்