பகவதி அம்மன் கோவில்.. எழில் கொஞ்சும் குமரி முனையில்.. குடி கொண்டுள்ள தேவி கன்னியாகுமரி

Jan 01, 2025,11:31 AM IST

கன்னியாகுமரி மாவட்டத்தின் மிக முக்கியமான கோவில்களில் ஒன்றுதான் இந்த அருள்மிகு பகவதி அம்மன் கோவில். இந்தக் கோவிலில்தான் தேவி கன்னியாகுமரி குடி கொண்டு அருள் பாலிக்கிறார்.

1 / 8
Share

Image Courtesy: Tamilnadu Tourism

2 / 8
Share

Image Courtesy: Tamilnadu Tourism

கடலோரத்தில் அழகுற அமைந்துள்ளது பகவதி அம்மன் கோவில். இந்தக் கோவிலுக்கு ஆண்டுதோறும் லட்சக்கணக்கானோர் வந்து செல்கின்றனர். குமரிக்கு வரும் அனைவருமே இந்தக் கோவிலுக்கும் செல்வதற்கு தவறுவதில்லை.

3 / 8
Share

Image Courtesy: Tamilnadu Tourism

உலகின் மிக மிக அழகான கோவில்களில் இதுவும் ஒன்றாக வர்ணிக்கப்படுகிறது. அந்த அளவுக்கு இங்குள்ள கோவில் கட்டடம் அமைந்துள்ளது. கடலோரத்தில் அமைந்திருப்பதாலும், கோவில் கட்டுமானம் மனதைக் கொள்ளை கொள்ளும் வகையிலும் உள்ளதால் இந்தக் கோவிலுக்கு வர பலரும் விரும்புகின்றனர்.

4 / 8
Share

Image Courtesy: Tamilnadu Tourism

108 சக்தி பீடங்களில் இதுவும் ஒன்றாகும். கிட்டத்தட்ட 3000 ஆண்டு வரலாறு கொண்டது இந்தக் கோவில். கல் சுவர்களால் சூழப்பட்ட அழகிய கோவில் இது. இந்தக் கோவிலின் பிரதான தெய்வம் தேவி கன்னியாகுமரி. அவரைத்தான் நாம் பகவதி அம்மன் என்று அழைக்கிறோம். இக்கோவிலுக்குள் சூரிய தேவர், விநாயகர், ஐயப்பன், பால சுந்தரி, விஜய சுந்தரி ஆகிய தெய்வங்களுக்கும் தனித் தனி சன்னிதி உண்டு.

5 / 8
Share

Image Courtesy: Govindan N

இந்தக் கோவிலில் இரண்டு நுழைவாயில்கள் உள்ளன. அதில் வடக்கு நுழைவாயில்தான் பொதுவாக முக்கிய நுழைவாயிலாக பயன்படுத்தப்படுகிறது. கிழக்கில் உள்ள கதவு எப்போதும் மூடப்பட்டிருக்கும். விசேஷ தருணங்களில் மட்டுமே அது திறக்கப்படும்.

6 / 8
Share

Image Courtesy: Quora

இந்தக் கோவில் எப்படி வந்தது தெரியுமா.. பானாசுரன் என்ற அரக்கன் கடவுளிடம் ஒரு வரம் பெற்றிருந்தான். அதாவது ஒரு கன்னிப் பெண்ணால் மட்டுமே தனக்கு மரணம் சம்பவிக்கும் என்பதே அந்த வரமாகும். இதனால் அவனை யாராலும் கொல்ல முடியாத நிலை ஏற்பட்டது. இதையடுத்து அன்னை பராசக்தி, கன்னிப் பெண் உருவில் வந்து பானாசுரனை அழித்தார். கன்னிப் பெண்ணாக வந்த அன்னைதான் இங்கு கன்னியாகுமரியாக, பகவதி அம்மனாக காட்சி தருகிறார்.

7 / 8
Share

Image Courtesy: Rudraksharatna.com

கலியுகம் முடியும் வரை இங்கேயே இதே கோலத்தில் இருக்க வேண்டும் என்று நாரதரும், பரசுராமரும் கேட்டுக் கொண்டதற்கிணங்க அன்னை பராசக்தி, கன்னியாகுமரியாக இங்கேயே தங்கியிருப்பதாக ஐதீகம் உள்ளது. இந்தக் கோவிலை கட்டியதும் பரசுராமர்தான் என்று கோவில் தல புராணம் சொல்கிறது.

8 / 8
Share

Image Courtesy: Wikipedia

திருவனந்தபுரம், மதுரை, கோவை, புதுச்சேரி, சென்னை உள்ளிட்ட ஊர்களிலிருந்து பஸ்கள் நிறைய உள்ளன. அருகாமையில் உள்ள விமான நிலையம் திருவனந்தபுரம் ஆகும். கன்னியாகுமரி ரயில் நிலையம் கோவிலிலிருந்து 1 கிலோமீட்டர் தொலைவில் உள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

மறக்க முடியுமா!

பாட்டிகள் பற்றிய சுவாரஸ்யமான கட்டுரை!

செம்மொழியான தமிழ் மொழியே

தாங்கி பிடிக்க தாயும் தூக்கி நிறுத்த தந்தையும் இருந்தால்!

இயற்கை நீதி!

பால் முதல் மின்சாரம் வரை...110 விதியின் கீழ் முதல்வர் விஜய் இன்று வெளியிட்ட 6 அறிவிப்புக்கள்

ஒரே நாளில் மதுவிலக்கு கொண்டு வர முடியும்...அமைச்சர் ஆதவ் அர்ஜூனா பேச்சால் அதிர்ந்த சட்டசபை

மாற்றுத்திறனாளிகளுக்கு புதிய அறிவிப்புகள்: இலவச ஸ்கூட்டர், பஸ்களில் இலவச பயணத் திட்டம்

கொளத்தூர் தேர்தல் வழக்கு: தீர்ப்பை தள்ளிவைத்து சென்னை உயர்நீதிமன்றம் உத்தரவு

பகவதி அம்மன் கோவில்.. எழில் கொஞ்சும் குமரி முனையில்.. குடி கொண்டுள்ள தேவி கன்னியாகுமரி

சமீபத்திய செய்திகள்

அதிகம் பார்க்கும் செய்திகள்