ஏக்நாத் ஷிண்டேவுக்கு ஆப்பு வைக்கப் போகிறது பாஜக.. தேசியவாத காங்கிரஸ் கருத்து

Jul 03, 2023,10:22 AM IST

மும்பை: தேசியவாத காங்கிரஸ் கட்சியின் தலைவர் அஜீத் பவாரை தேசிய ஜனநாயகக் கூட்டணியில் சேர்த்துள்ளதன் மூலம், சிவசேனாவிலிருந்து கட்சி தாவி தற்போது முதல்வராக இருக்கும் ஏக்நாத் ஷிண்டேவின் அதிகாரம் அடியோடு குறையப் போகிறது. அவர் டம்மியாக்கப்படுவார் என்று தேசியவாத காங்கிரஸ் கட்சியின் தலைவர்களில் ஒருவரான ஜெயந்த் பாட்டீல் கூறியுள்ளார்.

எப்படி சிவசேனாவை உடைத்து பாஜக மகாராஷ்டிராவில் ஆட்சி அமைத்ததோ தற்போது தேசியவாத காங்கிரஸ் கட்சியை அது உடைத்துள்ளது. ஏக்நாத் ஷிண்டே தலைமையில் சிவசேனா உடைத்து தரைமட்டமாக்கப்பட்டது. அதன் தேர்தல் சின்னம் உள்ளிட்ட எல்லாவற்றையும் அது ஷிண்டேவிடம் இழந்து விட்டது.

ஏக்நாத் ஷிண்டேவை முதல்வராக்கி விட்டு, முன்னாள் முதல்வரான தேவேந்திர பட்னாவிஸை துணை முதல்வராக்கியது பாஜக. இப்போது தேசியவாத காங்கிரஸ் கட்சியின் அஜீத் பவார், பிரபுல் படேல் மற்றும் 29 எம்எல்ஏக்களை பிரித்து தேசியவாத காங்கிரஸ் கட்சியை உடைத்துள்ளது பாஜக. அஜீத் பவார் துணை முதல்வராகியுள்ளார்.

ஆனால் இத்தனை களேபரம் நடந்தும் கூட தேசியவாத காங்கிரஸ் தலைவர் சரத் பவார் பெரிதாக அதிர்ச்சி அடைந்தவர் போலவே இல்லை. ரொம்ப கேஷுவலாகத்தான் இருக்கிறார். இதெல்லாம் தேசியவாத காங்கிரஸுக்குப் புதிதல்ல என்று ரொம்ப சாதாரணமாக பேசுகிறார். பெரிதாக அவர் அலட்டிக் கொண்டது போலவே தெரிகிறது.

இந்த நிலையில், தேசியவாத காங்கிரஸ் கட்சியின் மூத்த தலைவர் ஜெயந்த் பாட்டீல் இதுகுறித்துக் கூறுகையில், இந்த செய்தி ஏக்நாத் ஷிண்டேவுக்கு நல்லதில்லை. அவருக்கும் பட்னாவிஸுக்கும் இடையே ஏற்கனவே நிறைய உரசல்கள் உள்ளன. இனி ஷிண்டேவின் அதிகாரங்கள் குறைக்கப்படும். அவர் விரைவில் டம்மியாக்கப்படுவார்.

ஏக்நாத் ஷிண்டேவின் செயல்பாடுகள் குறித்து ஏற்கனவே அங்குள்ள பலருக்கு அதிருப்தி உள்ளது. அஜீத் பவாரை உள்ளே கொண்டு வந்ததே ஷிண்டேவை ஓரம் கட்டத்தான். விரைவில் அது வெடிக்கும். பிரச்சினை உருவாகும் என்றார் அவர்.

முன்னதாக செய்தியாளர்களிடம் பேசிய ஷிண்டே கூறுகையில், முன்பு டபுள் என்ஜின் அரசாக இது இருந்தது. தற்போது ஒரு முதல்வர், 2 துணை முதல்வர்கள் என டிரிபிள் என்ஜின் அரசாக மாறியுள்ளது. இது மாநிலத்திற்கு நல்லது என்றார் அவர்.

சமீபத்திய செய்திகள்

உங்களுடன் ஸ்டாலின்.. முதல்வர் பெயரை பயன்படுத்த தடையில்லை.. சி.வி. சண்முகத்திற்கும் Fine!

அன்புமணி அறிவித்த பொதுக்குழுவிற்கு தடை விதிக்கக் கோரி டாக்டர் ராமதாஸ் வழக்கு

ஆகஸ்ட் 9ம் தேதி வரை தமிழகத்தில் கனமழை வாய்ப்பு: சென்னை வானிலை ஆய்வு மையம் தகவல்!

சிறப்பு எஸ்.ஐ., கொலை... எடப்பாடி பழனிச்சாமி, நயினார் நாகேந்திரன், அண்ணாமலை கண்டனம்!

ஆகஸ்ட் 17ம் தேதி பொதுக்குழுவைக் கூட்ட இது தான் காரணமா?.. டாக்டர் ராமதாசின் அடுத்த அதிரடி

உடுமலை அருகே எஸ்ஐ சண்முகவேல் வெட்டிக்கொலை: 5 தனிப்படைகள் அமைப்பு

ஓபிஎஸ் எக்ஸ் பக்கத்தைக் கவனித்தீரா.. 2 நாட்களாக ஒருவரை மட்டுமே வறுக்கிறார்.. யாரைத் தெரியுமா?

தவெக மாநில மாநாடு.. புதிய தேதியை அறிவித்த விஜய்.. எப்போது கிடைக்கும் அனுமதி?

ராமதாஸ் போன் ஒட்டுக்கேட்பு.. போலீசில் புகார்.. அதிரடி காட்டும் தைலாபுரம்.. அடுத்து என்ன நடக்கும்?

ஏக்நாத் ஷிண்டேவுக்கு ஆப்பு வைக்கப் போகிறது பாஜக.. தேசியவாத காங்கிரஸ் கருத்து

Comments

சமீபத்திய செய்திகள்

அதிகம் பார்க்கும் செய்திகள்