கடவுளே காப்பாத்து.. காங்கிரசிற்காக காலையிலேயே கோவிலுக்குப் போன பிரியங்கா!

May 13, 2023,11:12 AM IST

சிம்லா : கர்நாடக சட்டசபை தேர்தலில் காங்கிரசின் வெற்றிக்காக சிம்லாவில் உள்ள அனுமன் கோவிலில் காங்கிரஸ் தலைவர் பிரியங்கா காந்தி காலை முதல் பிரார்த்தனை செய்து வருகிறார்.

கர்நாடக சட்டசபை தேர்தல் ஓட்டு எண்ணிக்கை விறுவிறுப்பாக நடந்து வருகிறது. காங்கிரஸ் பெரும்பான்மைக்கும் அதிகமான இடங்களில் முன்னிலையில் உள்ளதால் தற்போதே வெற்றியை உறுதி செய்து விட்டார்கள் அக்கட்சியினர். இருந்தாலும் யாருக்கு எத்தனை இடங்கள் கிடைக்க போகிறது என ஆர்வத்துடன் காத்திருக்கிறார்கள்.

இந்நிலையில் கர்நாடகா மற்றும் நாட்டு மக்களின் அமைதி மற்றும் வளத்திற்காக வேண்டிக் கொள்வதற்காக சிம்பாவின் ஜக்கு பகுதியில் உள்ள அனுமன் கோவிலுக்கு காலையிலேயே சென்றுள்ளார். பிரியங்கா தியானம் செய்து, வழிபடும் போட்டோ மற்றும் வீடியோக்கள் சோஷியல் மீடியாவில் வேகமாக பரவி வருகிறது.

கர்நாடக சட்டசபை தேர்தலில் ஓட்டு எண்ணிக்கை துவங்கிய ஒரு மணி நேரத்திலேயே காங்கிரஸ் பெரும்பான்மை அளவை விட இடங்களில் முன்னிலையில் இருக்க துவங்கியது. பாஜக, மதசார்பற்ற ஜனதா தளத்தை விட காங்கிரஸ் மிக அதிகமான சீட்கள் வித்தியாசத்தில் முன்னிலையில் உள்ளது. இதனால் காங்கிரசின் வெற்றி ஏறக்குறைய உறுதியாகி விட்டது என்றே சொல்லலாம்.

224 இடங்களைக் கொண்ட கர்நாடக சட்டசபையில் 130 க்கும் அதிகமான இடங்களை நிச்சயம் கைப்பற்றுவோம் என காங்கிரஸ் தலைவர் முழு நம்பிக்கையுடன் தெரிவித்து வருகின்றனர். ஒருவேளை காங்கிரஸ் வெற்றி பெறும் பட்சத்தில், அடுத்ததாக மிகப் பெரிய சவால் ஒன்று காத்துக் கொண்டிருக்கிறது. சித்தராமைய்யா, டி.கே.சிவக்குமார் இருவரில் யாரை அக்கட்சி முதல்வர் வேட்பாளராக அறிவிக்க போகிறது என்பது தான்.

தேர்தலுக்கு பிந்தைய கருத்து கணிப்பில் 10 க்கு இரண்டு கருத்து கணிப்புக்கள் கர்நாடகாவில் காங்கிரஸ் வெற்றி பெறும் என கூறி இருந்தன. அதே சமயம் 7 கருத்து கணிப்புக்கள் தொங்கு சட்டசபையே அமையும் என கூறி இருந்தன. கருத்து கணிப்புக்கள் சரியாக இருக்க போகின்றனவா அல்லது பொய்யாக போகின்றனவா என்பதை பொறுத்திருந்து தான் பார்க்க வேண்டும்.

சமீபத்திய செய்திகள்

நவராத்திரி சிறப்புகள்: நவராத்திரியில் பொம்மை கொலு ஏன் வைக்கப்படுகிறது?

பழங்குடியினருக்கு சாதி சான்றிதழ் வழங்க மறுப்பது சமூக அநீதி: டாக்டர் அன்புமணி ராமதாஸ்!

3 ஆண்டுகளுக்கான தமிழ்நாடு அரசின் கலைமாமணி விருதுகள் அறிவிப்பு!

இன்று நவராத்திரி 3ம் நாள்...அம்பிகை வழிபாட்டிற்கான கோலம், நிறம், பிரசாதம் முழு விபரம்

அதிரடியாக உயர்ந்து வந்த தங்கம் விலை இன்று சற்று குறைந்தது... எவ்வளவு தெரியுமா?

தீபாவளிக்கு விஜய் குரலில் தளபதி கச்சேரியா.. ஜனநாயகன் ஃபர்ஸ்ட் சிங்கிள் எப்ப ரிலீஸ்?

அதிமுக தலைமை அலுவலகத்திற்கு வெடிகுண்டு மிரட்டல்.. போலீஸ் சோதனையில் புரளி என கண்டுபிடிப்பு

12 ராசிகளுக்குமான இன்றைய ராசிபலன் செப்டம்பர் 24, 2025... இன்று வெற்றிகள் தேடி வரும்

உஷார் மக்களே உஷார்... கோவை மற்றும் நீலகிரிக்கு வார்னிங் கொடுத்த வானிலை மையம்!

கடவுளே காப்பாத்து.. காங்கிரசிற்காக காலையிலேயே கோவிலுக்குப் போன பிரியங்கா!

Comments

சமீபத்திய செய்திகள்

அதிகம் பார்க்கும் செய்திகள்