விஜய்யின் தளபதி 67 டைட்டில்.. தாறுமாறாக ஹிட்டாகும் டைட்டில் அறிமுக வீடியோ!

Feb 04, 2023,02:53 PM IST

சென்னை : வாரிசு படத்திற்கு பிறகு விஜய்யின் அடுத்த படமான தளபதி 67 படத்தை இயக்குகிறார் டைரக்டர் லோகேஷ் கனகராஜ். இந்தப் படத்தை செவன் ஸ்கிரீன் ஸ்டூடியோஸ் தயாரிக்க உள்ளதாக சமீபத்தில் அதிகாரப்பூர்வ அறிவிப்பு வெளியிடப்பட்டது.

விஜய்- லோகேஷ் கனகராஜ் கூட்டணியில் உருவான மாஸ்டர் பிளாக்பஸ்டர் வெற்றி பெற்றதால், தளபதி 67 படம் பற்றிய எதிர்பார்ப்பு எகிறி வருகிறது. படத்தில் வேறு யாரெல்லாம் இருக்கிறார்கள், என்ன கதை என அனைவரும் எதிர்பார்த்துக் கொண்டிருக்கையில் யாரும் எதிர்பாராத விதமாக படத்தின் டைட்டில் பற்றிய ப்ரோமோ வீடியோ ஒன்றை செவன்ஸ்கிரீன் ஸ்டூடியோஸ் வெளியிட்டுள்ளது.

இதில் சாக்லேட்கள் குவித்து வைக்கப்பட்டுள்ள டேபிள், அதன் அருகில் கொக்கோ விதைகளை சரிபார்க்கும் விஜய், ஒரு பக்கம் சாக்லேட் தயாரிப்பதாகவும், மற்றொரு பக்கம் பெரிய வாள் ஒன்றை பட்டறையில் இரும்பை உருக்கி விஜய்யே தயாரிப்பது போதும் காட்டப்படுகிறது. மற்றொரு பக்கம் இரவு நேர மலைப்பாதையில் அணிவகுத்து வரும் கார்கள் என த்ரில்லிங், அதிரடி நிறைந்ததாக இந்த இன்ட்ரோ வீடியோ அமைக்கப்பட்டுள்ளது.

இந்த வீடியோவின் இறுதியில் உருக்கிய சாக்லேட் கலவைக்கும் நீளமாக வாளை, தோய்த்து எடுத்து வாளில் உள்ள சாக்லேட்டை ருசி பார்க்கும் விஜய், Bloody sweet என வசனம் பேசுகிறார். தளபதி 67 படத்திற்கு "லியோ" என டைட்டில் வைக்கப்பட்டுள்ளது. காபி, சாக்லேட் தயாரிப்பு கம்பெனியின் பின்னணியில் படத்தின் கதை அமைக்கப்பட்டுள்ளது என்பதை படத்தின் டைட்டில் மற்றும் டைட்டில் இன்ட்ரோ வீடியோ உறுதி செய்துள்ளது.

த்ரில்லிங், ஆக்ஷன் நிறைந்ததாக இந்த படம் அமைந்துள்ளது என்பது உறுதியாகி உள்ளது. வீடியோவின் இறுதியில் நாணயம் ஒன்று சுழன்று வர அதில் லியோ என எழுதப்பட்டு, சிங்க முகமும் காட்டப்படுகிறது. லியோ என்ற சொல்லுக்கு காபி என்று மட்டுமல்ல சிங்கம் என்று ஒரு அர்த்தமும் உள்ளது. எதை அர்த்தப்படுத்தி படத்திற்கு இந்த டைட்டில் வைத்துள்ளார்கள். எந்த அர்த்தத்தை மையப்படுத்தி கதை இருக்க போகிறது என்பது போக போகத் தான் தெரியும்.

வழக்கமாக விஜய் படங்களில் பாதி ஷூட்டிங் முடிக்கப்பட்ட பிறகு, விஜய்யின் பிறந்தநாளில் தான் படத்தின் டைட்டில், ஃபர்ஸ்ட்லுக் ஆகியவற்றை வெளியிடுவார்கள். மாஸ்டர், பீஸ்ட், வாரிசு படங்களுக்கு இந்த முறை தான் கடைபிடிக்கப்பட்டது. ஆனால் லியோ படத்திற்கு படத்தின் மற்ற நடிகர், நடிகைகள் பற்றிய அப்டேட் முழுவதுமாக வெளியாவதற்கு முன்பே டைட்டிலை, அதுவும் வீடியோவாகவே வெளியிட்டு உள்ளார்கள். இதனால் இந்த படம் பற்றிய எதிர்பார்ப்பு ரசிகர்களிடம் பல மடங்கு அதிகரித்துள்ளது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

டி20 உலகக்கோப்பையில் திருப்பம்.. ‘புறக்கணிப்பு’ முடிவிலிருந்து பாகிஸ்தான் யூ-டர்ன்?

எழுந்தது முதல்.. இரவில் படுக்கையில் சாயும் வரை.. எங்கெங்கும் ஏஐ..!

Propse Day: காதலுக்கு முன்பு.. அன்பை வெளிப்படுத்துங்க.. அதை உணர்த்துங்க!

பொறுமையை சோதிக்கும் கூட்டணிக் கட்சிகள்.. அமைதியாக இருக்கும் திமுக.. என்ன நடக்கும்?

தமிழகத்தை வஞ்சிக்கும் மத்திய பட்ஜெட்:பிப்ரவரி 12ல் மதிமுக சார்பில் மாபெரும் கண்டன ஆர்ப்பாட்டம்: வைகோ

தமிழகத்தில் ஆட்சியாளர்களை எதிர்த்து எதிர்மறை வாக்குகள் அதிகரித்து வருகிறது: ஜி.கே.வாசன் பேட்டி

ராமதாஸ் பாமக வந்தால் திமுக கூட்டணியில் இருந்து வெளியேறுவோம்...திருமாவளவன் உறுதி

கிச்சனில் இருக்கும்போது கவனம் தோழியரே.. எண்ணெய் தீ விபத்தை.. தடுப்பது எப்படி?

ஒரு வாரத்துக்கு நகைக் கடை பக்கமே போகாமல் இருந்தால் தங்கம் விலை குறையுமா!?