என்னங்க சொல்றீங்க.. தளபதி 68 ல் விஜய்க்கு வில்லன் இவரா?!

May 23, 2023,09:25 AM IST

சென்னை : தளபதி 68 படம் பற்றிய அதிகாரப்பூர்வ அறிவிப்பை ஏஜிஎஸ் என்டர்டைன்மென்ட் நிறுவனம் வெளியிட்டது முதல் சோஷியல் மீடியாவில் விஜய் ரசிகர்கள் இதனை கொண்டாடி வருகின்றனர். இதை கொண்டாடி முடிப்பதற்குள் தளபதி 68 படம் பற்றிய அடுத்த அப்டேட் வந்துள்ளது.

விஜய்யின் 68 வது படமான தளபதி 68 படத்தை வெங்கட் பிரபு இயக்க உள்ளார். யுவன் சங்கர் ராஜா இந்த படத்திற்கு இசையமைக்க உள்ளார். ஏஜிஎஸ் என்டர்டைன்மென்ட் நிறுவனத்தின் 25 வது படமாக தளபதி 68 உருவாக உள்ளது. ஆகஸ்ட் மாதத்தில் இந்த படத்தின் ஷூட்டிங் துவங்கப்பட்டு, 2024 ம் ஆண்டு பண்டிகை நாளில் இந்த படத்தை ரிலீஸ் செய்ய திட்டமிட்டுள்ளனர்.

இந்நிலையில் தளபதி 68 படத்தில் விஜய்க்கு வில்லனாக நடிக்க வைக்க எஸ்.ஜே.சூர்யாவை, வெங்கட் பிரபு ஏற்கனவே முடிவு செய்து விட்டதாக தகவல் வெளியாகி உள்ளது. எஸ்.ஜி.சூர்யா தவிர இன்னும் சில பெரிய நடிகர்களும் வில்லன் ரோலில் இந்த படத்தில் நடிக்க இருக்கிறார்களாம். இதற்கான தேர்வு தற்போது நடைபெற்று வருகிறதாம்.

ஏற்கனவே விஜய் நடித்த குஷி படத்தை இயக்கிய எஸ்.ஜே.சூர்யா, அவருடன் நண்பன், மெர்சல், வாரிசு ஆகிய படங்களில் நடிக்கவும் செய்துள்ளார். இன்றைய தேதியில் கோலிவுட்டின் டாப் வில்லன்களில் எஸ்.ஜே.சூர்யா தான் முதலிடத்தில் உள்ளார். ஏற்கனவே வெங்கட் பிரபு இயக்கிய பிளாக்பஸ்டர் படமான மாநாடு படத்தில் எஸ்.ஜே.சூர்யா, சிம்புவிற்கு வில்லனாக நடித்திருந்தார்.

தற்போது மார்க் ஆன்டனி, கேம் சேஞ்சர், ஜிகர்தண்டா 2 உள்ளிட்ட பல படங்களில் எஸ்.ஜே.சூர்யா வில்லனாக நடித்து வருகிறார். இந்த படங்கள் இந்த ஆண்டில் அடுத்தடுத்து ரிலீசாக உள்ளன. இதற்கிடையில் தளபதி 68 படத்திலும் வில்லன் ரோலுக்கு எஸ்.ஜே.சூர்யாவின் பெயர் பேசப்பட்டு வருவதால் ரசிகர்கள் செம குஷியாகி உள்ளனர்.

விஜய் ரசிகர்களுக்கும் பிடித்த வில்லன் எஸ்.ஜே. சூர்யாதான். அவரை விஜய்யின் ராசியான இயக்குநராகவும், நல்ல நண்பராகவும், விஜய் ரசிகர்கள் பார்க்கிறார்கள் என்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

மேகதாது அணை விவகாரம்: கர்நாடகா செல்ல முடிவு செய்தது ஏன்? முதல்வர் விஜய் சட்டசபையில் விளக்கம்

சபாஷ் சரியான போட்டி.. தமிழ்நாடு சட்டசபையில் அனல் பறந்த காரசார விவாதங்கள்

முதல்வர் விஜய் மீதான விவாகரத்து வழக்கை வாபஸ் பெற்றார் மனைவி சங்கீதா

மேகதாதுவுக்காக முதலில் கூட்டம் போடுங்க.. எம்.பிக்கள் கூட்டத்துக்கு வர்றோம்.. திமுக நிபந்தனை

முன்னாள் அமைச்சர் பொன்முடிக்கு எதிராக பிறப்பிக்கப்பட்ட பிடிவாரண்ட் ரத்து

Whatsapp Groups: வாட்ஸ்அப் ஃபேமிலி குரூப் அட்டகாசங்கள்.. ஒரு 'நோ எக்சிட்' காமெடி த்ரில்லர்!

டாஸ்மாக் கடைகளில் கூடுதல் தொகை வசூலித்தால் உடனே FIR: சென்னை உயர் நீதிமன்றம் அதிரடி

வெள்ளிக்கிழமை இரவு.. "நான் தான் கெத்து!".. Weekend புத்துணர்ச்சி கலாட்டாக்கள்!

தமிழ்நாடு மதிப்பு கூட்டு வரி சட்ட திருத்த முன்வடிவு சட்டசபையில் ஒரு மனதாக நிறைவேறியது