சிந்தனைச் சிதறல்.. புன்னகை ஒன்றையே விதைத்திடுவார்!
- அ. தாமஸ்
தன் ஆண்மையின் ஆற்றலை பெண்மைக்குள் விதைத்து, பெற்றிடும் மகவை பெரும்பேராய் நினைத்து, தினம் அதன் மகிழ்வையே தன் மகிழ்வென வாழ்ந்திடுவார். தன் உதிரத்தால் உதித்ததாலோ, சிறு துளி வியர்வைக்கும் கூட அதிர்ந்து, கண்ணினும் மேலாய் காத்திடுவார்.
உழைக்க விரும்பாது ஊர் சுற்றித் திரிந்தவர், உற்றவளுக்கும் பெற்றவருக்குமாய் ஓடி ஓடி உழைத்திடுவார்; உள்ளதை அனைத்தையும் கொடுத்திடுவார்; அவர்களின் மகிழ்வினிலே தன் மகிழ்வினைத் தொலைத்திடுவார்.
மகவின் கனவே மகத்தானதென, தன் கனவையும் கை காசையும் தொலைத்தாலும், அவர்களின் வளர்ச்சியிலும் வெற்றியிலுமே பேரானந்தம் அடைந்திடுவார்; உடல் உள்ள வலிகளையும் உள்ளுக்குள் மறைத்திடுவார்; பிறர் அறிய, புன்னகை ஒன்றையே விதைத்திடுவார்.
கண்டதற்கெல்லாம் உணர்ச்சி கண்டவர், இன்று தன் உறவுகளுக்காக உணர்ச்சியற்று, உயிரற்ற மரம் என நடித்திடுவார். பிடித்ததை எல்லாம் உண்டு களித்தவர், பிடிக்கவில்லை என பாசாங்கு செய்து, பிள்ளைக்குப் பிடித்ததை எல்லாம் கொடுத்திடுவார்; தன் ஆசை அனைத்தையும் மீசைக்குள்ளே மறைத்திடுவார்.
இத்தகு உறவே உலகில் உயர்வென நினைத்தே, ஒவ்வொரு நிலையிலும் காத்திடுவோம்.அவர்களின் மகிழ்வே நம் மகிழ்வென வாழ்ந்திடுவோம்.
(அ.தாமஸ் MSc, Bed, MPhil, MSc(psycho), Fscp(psycho), ஆசிரியர், வாணி கிராமம், சிவகங்கை மாவட்டம்)
சமீபத்திய செய்திகள்
தீபாவளி பண்டிகை 2026: தென்காசி, கன்னியாகுமரிக்கு சிறப்பு ரயில்கள்; நாளை புக்கிங் தொடக்கம்
பள்ளிகளுக்கு அங்கீகாரம் வழங்கிய விவரகாம் : அன்பில் மகேஷ் மனைவி ஜனனியிடம் விசாரணை நடத்த திட்டம்!
‘முரசு’ புயல் எச்சரிக்கை: சென்னை, திருவள்ளூருக்கு ஆரஞ்சு அலர்ட் வானிலை மையம் எச்சரிக்கை
செட்டிநாடு ரெசிப்பி.. தீபாவளிக்கு ஸ்பெஷல் ஸ்வீட்.. தித்திக்கும் கந்தரப்பம்
சிறைச்சாலை பாதுகாப்பில் கவன குறைவாக செயல்பட்டால்... முதல்வர் விஜய் போட்ட அதிரடி உத்தரவு
இரவும் பகலும் முதல் பூவாசம் வரை.. மறக்க முடியாத தென்னகத்து ஜேம்ஸ்பாண்ட்!
அன்பில் மகேஸுக்கு நவம்பர் 4 வரை போலீஸ் காவல்: சென்னை ஊழல் தடுப்பு சிறப்பு நீதிமன்றம் உத்தரவு!
அந்த பிரியாணி.. இந்த பிரியாணியை விடுங்க.. அவரைக் கொட்டை பிரியாணி சாப்பிட்டிருக்கீங்களா??
லஞ்ச வழக்கு: முன்னாள் அமைச்சர் கே.என்.நேருவின் மனுவை தள்ளுபடி செய்தது உச்சநீதிமன்றம்!
{{comments.comment}}