"திருமண உறவிலிருந்து நான் வெளியேறுகிறேன்".. நடிகை ஷீலா திடீர் அறிவிப்பு

Dec 02, 2023,05:58 PM IST

சென்னை: நடிகை ஷீலா திருமண உறவிலிருந்து விலகுவதாக டிவீட் போட்டு திரையுலகில் பரபரப்பை ஏற்படுத்தியுள்ளார்.

கூத்துப்பட்டறையிலிருந்து வந்த கலைஞர்தான் ஷீலா. அட்டகாசமான நடிகை.. அதை விட முக்கியமாக அருமையான டான்ஸர். பரதநாட்டியம் மட்டுமல்லாமல் பல்வேறு நடனங்களிலும் சிறந்தவர். கலைஞர் டிவியில் ஒளிபரப்பாகி வந்த நாளைய இயக்குநர் நிகழ்ச்சியின் மூலம் வெளிச்சத்திற்கு வந்தவர். குறும்படங்கள்தான் இவரது முதல் அடையாளம்.

ஆறுவது சினம் மூலம் பெரிய திரைக்கு வந்த ஷீலா, பின்னர் டிவிக்குத் திரும்பினார். அழகிய தமிழ் மகள் சீரியல் இவருக்கு பெரும் பிரபலத்தைக் கொடுத்தது. சில சீரியல்களில் நடித்த ஷீலா மீண்டும் சினிமாவுக்கு வந்தது அசுரவதம் படம் மூலமாக. டூலெட் படம்தான் இவர் நாயகியாக நடித்த முதல் படம். அப்படத்தில் இவரது ரோல் பேசப்பட்டது.

தொடர்ந்து மலையாளத்தில் வெளியான கும்பளங்கி நைட்ஸ், நம்ம வீட்டுப் பிள்ளை என சிறு சிறு வேடங்களில் நடித்து வந்த ஷீலாவுக்கு பெரிய பிரேக் கொடுத்தது திரவுபதி படம்தான். ஜாதி அரசியல் குறித்துப் பேசிய அப்படம் ஷீலாவுக்கு பெரிய அடையாளத்தை ஏற்படுத்தியது.

தொடர்ந்து ஏராளமான படங்களில் நடித்த ஷீலாவுக்கு மண்டேலா படமும் நல்ல பெயரைப் பெற்றுக் கொடுத்தது. யோகிபாபு ஜோடியாக இதில் நடித்திருப்பார். பிச்சைக்காரன் 2, நூடுல்ஸ் என பல படங்களில் நடித்துள்ள ஷீலா கடைசியாக நடித்த படம் ஜிகர்தண்டா டபுள் எக்ஸ். இதுதவிர பேட்டைக்காளி என்ற வெப் தொடரிலும் நடித்துள்ள ஷீலா தற்போது தனது திருமண உறவை முறித்துக் கொள்வதாக டிவீட் செய்துள்ளது பேசு பொருளாகியுள்ளது.

இவரது கணவர் பெயர் தம்பி சோழன். இவரும் கூத்துப்பட்டறையைச் சேர்ந்தவர்தான். இது காதல் திருமணம். வீட்டினரின் கடும் எதிர்ப்பையும் மீறி இருவரும் திருமணம் செய்து கொண்டவர்கள். அதுவும் நடுக் கடலில் படகில் வைத்து கல்யாணம் நடந்ததாம். திருமண பந்தம் முறிவுக்கான காரணம் என்ன தெரியவில்லை.. !

சமீபத்திய செய்திகள்

தமிழகத்தில் தீவிரமடையும் வடகிழக்கு பருவமழை: 27 மாவட்டங்களுக்கு கனமழை எச்சரிக்கை!

"பொய் வழக்கு...தில்லுமுல்லு அரசியல்!" – மன்னன் கைதுக்கு எடப்பாடி பழனிசாமி, செல்லூர் ராஜு கண்டனம்

கொளத்தூர் தவெக எம்எல்ஏ வி.எஸ்.பாபு டிஸ்சார்ஜா? அமைச்சர் அருண்ராஜ் விளக்கம்

கோவை பெரியார் அறிவுலகத்தில் ஊழல்? எழுத்தாளர் பெருமாள் முருகன் குற்றச்சாட்டிற்கு அமைச்சர் விளக்கம்

அதிமுக பிரமுகர் மன்னன் கைது: தவெக எம்எல்ஏ-விடம் ரூ.30 கோடி பேரம் பேசிய விவகாரத்தில் நடவடிக்கை!

தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!

Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்

தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!

ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!

"திருமண உறவிலிருந்து நான் வெளியேறுகிறேன்".. நடிகை ஷீலா திடீர் அறிவிப்பு

Comments

சமீபத்திய செய்திகள்

அதிகம் பார்க்கும் செய்திகள்