தமிழக தேர்தல் 2026 தேதி இன்று மாலை 4 மணிக்கு அறிவிப்பு

Mar 15, 2026,01:39 PM IST

டில்லி : தமிழ்நாடு, கேரளா, அசாம், கேரளா, புதுச்சேரி, மேற்குவங்கம் ஆகிய 5 மாநிலங்களுக்கான சட்டசபை தேர்தல் தேதியை இந்திய தேர்தல் கமிஷன் இன்று மாலை 4 மணிக்கு அறிவிக்க உள்ளதாக அதிகாரப்பூர்வ தகவல் வெளியிடப்பட்டுள்ளது.

தமிழ்நாடு, கேரளா,புதுச்சேரி, அசாம், மேற்குவங்கம் ஆகிய மாநிலங்களில் உள்ள நடப்பு சட்டசபைகளின் பதவிக்காலம் இந்த ஆண்டு மே மற்றும் ஜூன் மாதங்களில் நிறைவடைகிறது. அதற்கு முன்பாக இந்த மாநிலங்களில் சட்டசபை தேர்தல்களை நடத்தி முடிக்க தேர்தல் கமிஷன் முடிவு செய்துள்ளது. இதற்கான தேர்தல் தேதியை இன்று மாலை 4 மணிக்கு நடைபெறும் செய்தியாளர்கள் சந்திப்பில் தலைமை தேர்தல் கமிஷனர் ஞானேஷ் குமார் அறிவிக்க உள்ளார்.

தமிழகம், கேரளா, புதுச்சேரி, அசாம் ஆகிய 4 மாநிலங்களில் ஒரே கட்டமாகவும், மேற்குவங்கத்தில் மட்டும் இரண்டு அல்லது மூன்று கட்டங்களாகவும் தேர்தல் நடத்தப்படலாம் என சொல்லப்படுகிறது. இன்று மாலை தேர்தல் தேதி அறிவிக்கப்பட்ட உடன் உடனடியாக தேர்தல் நடத்தை விதிமுறைகள் அமலுக்கு வந்து விடும். அதற்கு பிறகு இந்த 5 மாநிலங்களில் அரசு தொடர்பான எந்த ஒரு முடிவுகளை எடுப்பதற்கும் தேர்தல் கமிஷனின் அனுமதி பெற வேண்டியது அவசியமாகி விடும்.

நாடே எதிர்பார்த்து காத்திருக்கும் இந்த 5 மாநில தேர்தல்கள் குறித்த அறிவிப்பு இன்று வெளியாக உள்ளதால் அனைவரின் கவனமும் தற்போது தேர்தல் கமிஷனின் அறிவிப்புக்களை கவனித்து வருகிறது.