அச்சச்சோ.. தங்கம் விலை உயர்ந்துருச்சு.. இன்றைய விலை என்ன தெரியுமா?

Nov 02, 2023,01:41 PM IST

சென்னை: தங்கம் விலை இன்று உயர்ந்துள்ளது. கடந்த 3 நாட்களாக குறைந்திருந்த தங்கம் விலை இன்று உயரத் தொடங்கியுள்ளது.

தீபாவளி மற்றும் முகூர்த்த நாட்களை முன்னிட்டு தங்கம் விலை தாறுமாறாக ஏறும் என்று நிபுணர்கள் தெரிவித்துள்ளனர். இன்று சவரனுக்கு ரூ. 72 அதிகரித்துள்ளது. இந்த விலை ஏற்றம் வாடிக்கையாளர்களிடையே சற்று கலக்கத்தை ஏற்படுத்தியுள்ளது. தங்கம் விலை ஏற ஆரம்பித்துள்ளது.

பண்டிகை நாட்களில் அனைத்து தரப்பு மக்களும் நகை வாங்குவது என்பது முக்கிய மான ஒன்றாகி உள்ளதால், நகையின் விலையும் உயர தொடங்கி விட்டது. இன்றை விலை என்ன தெரியுமா..!

1 கிராம் 22 கேரட் ஆபரண தங்கத்தின் விலை 5695 ரூபாயாக உள்ளது. இது நேற்றைய விலையில் இருந்து 9 ரூபாய் அதிகரித்து சவரனுக்கு ரூ.72 அதிகரித்துள்ளது. 8 கிராம் ஆபரண தங்கத்தின் விலை 45560 ரூபாயாக உள்ளது. 1 கிராம் 24 கேரட் தங்கத்தின் விலை 6213 ரூபாயாக உள்ளது. இது நேற்றைய விலையில் இருந்து 10 ரூபாய் அதிகமாகும். 8 கிராம் 24 கேரட் தங்கத்தின் விலை ரூ.49704 ஆக உள்ளது.

தங்கம் விலை உயர்ந்துள்ள நிலையில், வெள்ளியின் விலையும் உயர்ந்துள்ளது. இன்று 1 கிராம் வெள்ளி விலை ரூபாய்.74.80 காசாக உள்ளது. 8 கிராம் வெள்ளி விலை ரூபாய் 598.40 காசாக உள்ளது.

தங்கத்தின் விலை எவ்வளவு கூடினாலும் அதன் தேவை குறைய போறது கிடையாது. தங்கம் விலை ஏற்றம் கண்டு வருவதினால் முதலீட்டாளர்களும் தங்கத்தின் மீது அதிகளவில் முதலீடு செய்யத் தொடங்கியுள்ளனர். இதனால் சரிவில் இருந்த தங்கம் தேவை அதிகரித்ததன் காரணத்தினால் உயரத்தொடங்கியுள்ளது.