இன்றெனக்கு விடுதலை கிடைத்தது!

Su.tha Arivalagan

Aug 15, 2026,02:21 PM IST

- சசிகலா விஸ்வநாதன்

விடுதலை கிடைத்தது,

இன்றெனுக்கு

அமெரிக்க விமான நிலையத்தில்:

காலி மனத்தின்

வெற்று புன்னகை;

மனம் தொடா

நன்றி நவிலல்;

புரியாத அமெரிக்க ஆங்கிலம்;

நித்தம் நித்தம்

நிலையில்லா பணி பயம்;

விசா மறுப்பின் திகில்;

சுழலில் தவிக்கும்

என் நாட்டு இளையோரின் துயரிலிருந்து!

போதைப்பொருளில் சிக்கிய அமெரிக்க இளைஞர்களின் சிதைவு;

அன்றாடம் துப்பாக்கி வன்முறை;

ஒற்றைப் பெற்றோரின் அவலம்;

பல்கலைக்கழக மாணவர்களின் கடன் சுமை;

தோல்வியைத் தாங்க திடமில்லா

அமெரிக்க இளையோரின்

மன உளைச்சலில் இருந்து;

எனக்கு விடுதலை!

தாய் மண்ணே!

வணக்கம்!

தாயகம் திரும்பும்

பெற்றோரின்

மனம் அழுத்தம்

சொல்லும் பாடம்;

பாருக்குள்ளே நல்ல நாடு!

அவரவர்க்கும்,

அவருடைய நாடே!

(சசிகலா விஸ்வநாதன் - தடய அறிவியல் துறையில் உதவி இயக்குநராக பணி நிறைவில் இருக்கும் முதியவள். அதிகம் அறியப்படாத நான்; இரண்டு வருடங்களாக ஓய்வு நேரத்தில் கவிதைகளும் சிறுகதைகளும் எழுதிக்கொண்டு இருக்கிறேன் . எனது கதைகளும், கவிதைகளும் ,தமிழ் நெஞ்சம்; வானமே எல்லை; கொலுசு;மலர் வனம்; சக்தி பெண்ணிதழ்; ஆகியவற்றில் வெளியாகின்றன. புஸ்தகா நிறுவனம் மூலம் இது வரை நான்கு கதை தொகுப்புகளை வெளியிட்டுள்ளேன்)