TVK Govt.. இது விஜய் மாடல் அரசு.. சட்டசபை சபாநாயகர் ஜே.சி.டி.பிரபாகர் புகழாரம்!
சென்னை: தமிழக சட்டமன்ற உறுப்பினர்களுக்கான (எம்.எல்.ஏக்கள்) சிறப்பு பயிற்சி முகாம் இன்று நடைபெற்றது. இந்த முகாமில் கலந்து கொண்டு உரையாற்றிய தமிழக சட்டப்பேரவை சபாநாயகர் ஜே.சி.டி.பிரபாகர், தமிழக முதல்வர் விஜய் மற்றும் அவரது தலைமையிலான அரசின் செயல்பாடுகளை வெகுவாகப் பாராட்டிப் பேசினார்.
பயிற்சி முகாமில் சபாநாயகர் ஜே.சி.டி.பிரபாகர் பேசுகையில், "இது முற்றிலும் ஒரு 'விஜய் மாடல் அரசு' ஆகும். தற்போதைய சூழலில் தமிழக மக்களின் எதிர்காலம் மிகவும் பத்திரமாக இருக்கிறது. எதிர்காலம் என்னாகுமோ, ஏதாகுமோ என்று ஒரு காலத்தில் கதிகலங்கிக் கிடந்த மக்களுக்கு, தன்னுடைய புன்னகையாலேயே பெரும் மாற்றத்தை ஏற்படுத்த முடியும் என்று நிரூபித்துக் காட்டிய ஒரு மாபெரும் தலைவர் தான் நம்முடைய முதல்வர் விஜய்" என்று பெருமிதத்துடன் குறிப்பிட்டார்.
தொடர்ந்து தமிழக சட்டப்பேரவையின் பெருமைகளையும், முதல்வரின் ஆளுமையையும் சுட்டிக்காட்டிப் பேசிய அவர், "இந்த தமிழக சட்டமன்றத்தின் மூலமாக நிறைவேற்றப்பட்ட எண்ணற்ற தீர்மானங்களும், கொண்டுவரப்பட்ட சட்டங்களும் இந்தியாவின் பல்வேறு மாநிலங்களில் உள்ள சட்டமன்றங்களுக்கு என்றும் முன்மாதிரியாகத் திகழ்ந்து வருகின்றன.
ஒட்டுமொத்த இந்திய தேசமே வியந்து பாராட்டும் வகையிலான பல உன்னதத் திட்டங்களை இந்தத் தமிழகம் நாட்டிற்குத் தந்திருக்கிறது. அத்தகைய பெருமைமிக்க சட்டமன்ற வரலாற்றை எப்போதும் தன் விரல் நுனியில் வைத்திருப்பவர் தான் முதல்வர் விஜய்" என்று புகழாரம் சூட்டினார்.
தொடர்ந்து பேசிய அவர் தமிழக சட்டசபை வரலாற்றை புதிதாக தேர்ந்தெடுக்கப்பட்ட எம்எல்ஏ.,க்கள் நூலகத்திற்கு சென்று படித்து தெரிந்து கொள்ள வேண்டும் என அறிவுரை வழங்கினார்.
சமீபத்திய செய்திகள்
நான் என்னுடைய சுய கணக்கெடுப்பை முடித்து விட்டேன்.. வீடியோ வெளியிட்ட முதல்வர் விஜய்
Census: தமிழகத்தில் ஆகஸ்ட் 1 முதல் முதற்கட்ட மக்கள்தொகை கணக்கெடுப்பு.. ஆன்லைனிலும் சமர்ப்பிக்கலாம்!
ரோஹித் சர்மா ஓய்வு பெற நிர்ப்பந்தமா.. உண்மையில் என்னதான் நடக்கிறது?
ஜோர்டானில் இருந்த அமெரிக்க போர் விமானங்களை அழித்ததாக ஈரான் அதிரடி தகவல்
ரயில் டிக்கெட் முன்பதிவை எளிதாக்க ஐஆர்சிடிசி (IRCTC) புதிய பீட்டா பதிப்பு அறிமுகம்
சிந்தனைச் சிதறல்.. தனித்துவமும் தன் மதிப்பும் மிகுந்த தனிமையே உயர்வானது!
ரஷ்ய எண்ணெய் வாங்கும் இந்தியா, சீனா மீது 100% வரி? அமெரிக்க நாடாளுமன்றத்தில் புதிய மசோதா
ஓய்வறியா தமிழ்ச் சூரியன்.. தளராமல் தமிழ் வளர்க்கும் பாரதிச்சுடர் நா.வே.நீலகண்டத் தமிழன்!
மிஸ்..இந்த வாட்டியும் வந்ததா!.. அஞ்சாப்பு அட்டகாசங்கள்
{{comments.comment}}