வெள்ளத்தில் தத்தளிக்கும் மும்பை... ரெட் அலர்ட் விடுத்த இந்திய வானிலை ஆய்வு மையம்!

Aug 19, 2025,01:54 PM IST

மும்பையில் கடந்த 10 ஆண்டுகளில் இல்லாத அளவிற்கு பேய் மழை பெய்து வருகிறது. வர்த்தக நகரமான மும்பை மழை வெள்ளத்தால் தற்போது தத்தளித்து வருகிறது. கடந்த 8 மணிநேரத்தில் மட்டும் 177 மிமீ மழை பதிவாகி இருக்கிறது.

1 / 5
Share

Image Courtesy: Rehmat khan

இடைவிடாத மழை எதிரொலியாக பள்ளி, கல்லூரிகளுக்கு விடுமுறை அறிவிக்கப்பட்டு உள்ளது. தனியார் நிறுவனங்கள் தங்களது பணியாளர்களை வீட்டிலிருந்து வேலை செய்ய அனுமதி அளித்துள்ளன. மும்பை பல்கலைக்கழகத்தில் இன்று நடைபெறவிருந்த 32 தேர்வுகள் ஆகஸ்ட் 23ம் தேதிக்கு ஒத்திவைத்துள்ளது.

2 / 5
Share

Image Courtesy: Rehmat khan

இந்த கனமழை காரணமாக பல முக்கிய சாலைகளில் போக்குவரத்து கடுமையாக பாதிக்கப்பட்டுள்ளது. மழை மற்றும் வெள்ளநீரில் பலமணி நேரம் வாகன ஓட்டிகள் தத்தளித்து செல்லும் நிலை தற்போது உருவாகியுள்ளது. ரயில் மற்றும் விமான சேவைகம் கனமழையால் பாதிக்கப்பட்டுள்ளது.

3 / 5
Share

Image Courtesy: Rehmat khan

இதற்கிடையே, மும்பை மற்றும் புறநகர் பகுதிகளுக்கு வானிலை ஆய்வு மையம் இன்றும் ரெட் அலர்ட் எச்சரிக்கையை வெளியிட்டுள்ளது. ராய்காட், ரத்னகிரி, சத்தாரா, கோல்ஹாபுர், புனே என பல நகரங்களுக்கு ரெட் அலர்ட் அறிவிக்கப்பட்டு இருக்கிறது.

4 / 5
Share

Image Courtesy: Rehmat khan

கண்காணிப்பு, மீட்பு மற்றும் நிவாரண நடவடிக்கைகளில் அதிகாரிகள், ஊழியர்கள் ஈடுபட்டு வருகின்றனர். பொதுமக்கள் யாரும் அவசியம் இன்றி வெளியில் பயணிக்க வேண்டாம் என்று அறிவுறுத்தப்பட்டுள்ளனர்.

5 / 5
Share

Image Courtesy: Rehmat khan

இந்த மழை வெள்ளத்தால் நேற்று இரண்டு பேர் உயிரிழந்தனர். நேப்பியன் கடல் சாலையில் சுவர் இடிந்து விழுந்ததில் ஒருவர் உயிரிழந்தார். காஞ்சூர்மார்க்கில் மின்சாரம் தாக்கி ஒருவர் உயிரிழந்தார்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்