லியோ ஓராண்டு நிறைவு... லவ் யூ சோ மச் விஜய் சார்.. லோகேஷ் கனகராஜ் உருக்கம்!

Oct 19, 2024,01:25 PM IST

சென்னை: எத்தனையோ படிப்பினைகள், நிறைய அனுபவங்கள், பல நினைவுகள், உற்சாகமான தருணங்கள். லியோ என் மனதிற்கு நெருக்கமான படம். லவ் யூ சோ மச் விஜய் சார் என்று தெரிவித்துள்ளார் இயக்குனர் லோகேஷ் கனகராஜ்.

தளபதி விஜய் நடிப்பில் கடந்த ஆண்டு அக்டோபர் 19ம் தேதி ரிலீஸ் ஆன படம் லியோ. இந்த படத்தினை செவன் ஸ்க்ரீன் ஸ்டூடியோஸ் நிறுவனம் தயாரிக்க, லோகேஷ் கனகராஜ் இயக்கியிருந்தார். இதில் நடிகை த்ரிஷா, ஆக்ஷன் கிங் அர்ஜூன், பிரியா ஆனந்த், சஞ்சய் தத், மிஷ்கின், சாண்டி, மேத்யு தாமஸ், கெளதம் வாசுதேவ் ஆகியோர் நடித்திருந்தனர். இப்படம் ரசிகர்களிடையே கலவையான விமர்சனங்களை பெற்றது.

ஆனால் பாக்ஸ் ஆஃபீஸில் அதிரடி காட்டி வசூலை வாரிக் குவித்தது. கிட்டத்தட்ட ரூ.650 கோடிகள் வரை வசூல் செய்ததாக தகவல்கள் வெளியானது. விஜய் நடிப்பில் சமீபத்தில் வெளியான கோட் திரைப்படம் கூட, லியோ அளவிற்கு வசூலில் வெற்றி பெறவில்லை. லியோ பட வசூல் மிகப் பெரிய அளவில் பேசப்பட்டது. தற்போது விஜய் 69 படத்தினை ஹெச்.வினோத் இயக்கி வருகிறார். மறுபக்கம் லோகேஷ் கனகராஜ் ரஜினியை வைத்து கூலி படத்தினை இயக்கி வருகிறார்.

இந்நிலையில் லியோ படம் வெளி வந்து இன்றுடன் ஒருவருடம் ஆகின்றது. இது குறித்து படத்தின் இயக்குனர் லோகேஷ் கனகராஜ் தனது எக்ஸ் தள பக்கத்தில் பதிவு ஒன்றை வெளியிட்டுள்ளார். அதில், எத்தனையோ படிப்பினைகள், நிறைய அனுபவங்கள், பல நினைவுகள், உற்சாகமான தருணங்கள். லியோ என் மனதிற்கு நெருக்கமான படம். லவ் யூ சோ மச் விஜய் சார். இந்த வியர்வை மற்றும் ரத்தத்தை செலவழித்த படக்குழுவினருக்கும் ரசிகர்களுக்கும் நன்றி என பதிவிட்டுள்ளார்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்