ஆத்தாடி.. ஒரே ஆண்டில் 9940 ஆணுறைகளை ஆர்டர் செய்த டெல்லிவாலா.. !

Jan 02, 2024,05:44 PM IST

டெல்லி: பிளிங்கிட் தளம் மூலமாக ஒரே ஆண்டில் 9940 ஆணுறைகளை டெல்லியைச் சேர்ந்த ஒருவர் ஆர்டர் செய்து வாங்கியுள்ளாராம்.

இந்தத் தகவலை பிளிங்கிட் நிறுவனத்தின் நிறுவனர் அலிபிந்தர் தின்ட்சா தெரிவித்துள்ளார். 2023ம் ஆண்டில் பிளிங்கிட் தளத்தில் நடந்த சுவாரஸ்யங்கள் குறித்து அவர் பதிவிட்டுள்ளார். அதில்தான் இந்த சுவாரஸ்யமும் அடங்கியுள்ளது.

ஸ்விக்கி, சொமேட்டோ போல பிளிங்கிட்டும் ஒரு செயலிதான். கடந்த காலத்தை விட 2023ம் ஆண்டில் இந்த நிறுவனம் மிகப் பெரிய வளர்ச்சியைக் கண்டுள்ளதாம். அதாவது இதன் வருவாய் ரூ. 724 கோடியைத் தொட்டுள்ளதாக தெரிவிக்கப்பட்டுள்ளது.

2023ம் ஆண்டில் இந்த தளத்தில் நடந்த சுவாரஸ்யங்கள்...

தெற்கு டெல்லியைச் சேர்ந்த ஒருவர் 2023ம் ஆண்டு பிளிங்கிட் மூலமாக 9940 ஆணுறைகளை ஆர்டர் செய்து வாங்கியுள்ளார். இதேபோல இந்த ஆண்டு 80,267 கங்காஜல் புனித நீர் பாட்டில்கள் விற்பனையாகியுள்ளன. 30 லட்சத்து 2 ஆயிரத்து 80 பார்ட்டிஸ்மார்ட் மாத்திரைகள் இந்த ஆண்டு விற்பனை செய்யப்பட்டுள்ளது.

21 ஆயிரத்து 167 பாரோலைன் யூனிட்டுகள் இந்த ஆண்டு விற்பனை செய்யப்பட்டுள்ளன. தெற்கு டெல்லியைச் சேர்ந்த ஒருவர் ஒரே மாதத்தில் 38 அன்டர்வேர்களை வாங்கியுள்ளார். குருகிராம் நகரிலிருந்து ஒரே ஆண்டில் 65,973 லைட்டர்கள் விற்பனையாகியுள்ளன என்று பிளிங்கிட் நிறுவனர் அலிபிந்தர் தின்ட்சா கூறியுள்ளார்.