சென்னை: வடகிழக்கு பருவமழை விடைபெற்றுள்ள நிலையில், 1871ம் ஆண்டுக்குப் பிறகு நீண்ட காலம் நீடித்த 3வது பருவ மழை என்ற பெயர் 2024 சீசனுக்குக் கிடைத்துள்ளது.

தமிழ்நாட்டில் 2024 ஆம் ஆண்டு வடகிழக்கு பருவமழை அக்டோபர் 15ஆம் தேதி தொடங்கி பரவலாக மழை பெய்து வந்தது. பிறகு வடகிழக்கு பருவமழை தீவிரமடைந்து மத்தியில் வங்கக்கடலில் மாறி மாறி காற்று சுழற்சிகள் உருவாகி நல்ல மழையை கொடுத்தது. 

பெங்கல் புயல் உருவாகி வட தமிழ்நாடு, உள் மாவட்டங்கள், தென் மாவட்ட கடலோரப் பகுதிகளில் பரவலாக அதிக கன மழை முதல் முதல் மிக கனமழை வரை கொட்டி தீர்த்தது. இதனால் ஆறு, குளங்கள், ஏரிகள் அணைகள், என அனைத்து நீர்நிலைகளும் நிரம்பி பல்வேறு பகுதிகள் சேதத்தை சந்தித்தன. பொதுவாகவே வடகிழக்கு பருவமழை அக்டோபர் மாதம் தொடங்கி டிசம்பர் மாதத்தில் முடிவடையும். ஆனால் இந்த வருடம் அக்டோபரில் தொடங்கிய வடகிழக்கு பருவமழை டிசம்பரில் முடிவடையாமல்  ஜனவரி வரை நீடித்தது.

2024 வடகிழக்கு பருவமழை மொத்தம் நூறு நாட்கள் நீடித்து, இயல்பை விட 33 சதவிகிதம் கூடுதலாக பெய்திருப்பதாக இந்திய வானிலை  ஆய்வு மையம் அறிவித்துள்ளது. இந்த நிலையில் 1871ம் ஆண்டிலிருந்து இந்த வருடம் வரையிலான கணக்கீடுகளின் அடிப்படையில், இதுதான் 3வது மிக நீளமான வட கிழக்குப் பருவ மழை என்று தமிழ்நாடு வெதர்மேன் தெரிவித்துள்ளார்.

டாப் 10 நீண்ட வட கிழக்குப் பருவ மழைக்கால பட்டியல்:

வருடம்  - முடிவுக்கு வந்த தேதி 

1925 - 30.01.1926

1933 - 28.01.1934

2024 - 27.01.2025 

2004 - 25.01.2005

1920 - 25.01.1921

1934 - 24.01.1935

1914 - 23.01.1915

2021 - 22.01.2022

1994 - 22.01.1995

1905 - 20.01.1906

2020 - 19.01.2021

கடந்த 15 வருட காலத்தில் நீடித்த வட கிழக்குப் பருவ மழைக்காலம் குறித்த பட்டியல்:

வருடம் - முடிவுக்கு வந்த தேதி

2024 - 27.01.2025 

2023 - 14.01.2024

2022 - 12.01.2023

2021 - 22.01.2022

2020 - 19.01.2021 (2021 ஜனவரியில் வரலாறு காணாத மழை பெய்தது)

2019 - 10.01.2020

2018 - 02.01.2019

2017 - 15.01.2018

2016 - 04.01.2017

2015 - 07.01.2016

2014 - 04.01.2015

2013 - 18.01.2014

2012 - 11.01.2013

2011 - 10.01.2012

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்