வாவ்.. செம.. மலையாள ஹீரோக்கள் நடிப்பில் "காட்ஃபாதர்".. மிரள வைத்த "ஏஐ"!

Jun 28, 2023,11:41 AM IST

டெல்லி : 1972 ம் ஆண்டு ரிலீசான ஹாலிவுட் படம் தி காட்ஃபாதர். ஆஸ்கர் விருது வென்ற இந்த படம் அந்த ஆண்டில் அதிகம் வசூல் செய்த படமாக இருந்தது. மார்லோன் பிராண்டோ, அல் பாசினோ, ஜேம்ஸ் கேன் உள்ளிட்ட பலர் இந்த படத்தில் நடித்திருந்தனர்.

கேங்ஸ்டர் பற்றிய கதை. தன்னிடம் உதவி கேட்டு வருபவர்களுக்காக கொலை, அடிதடி போன்றவற்றில் ஈடுபடும் ஒரு கேங்ஸ்டர் எதிரிகளால் சூழ்ச்சி செய்து கொள்ளப்படுகிறார். அவருக்கு பிறகு அவரது மூத்த மகன் ரெளடி ஆகிறார். இது தான் தி காட்ஃபாதர் முதல் பாகத்தின் கதை. அதற்கு பிறகு பல பாகங்களாக இந்த கதை எடுக்கப்பட்டு வெளிவந்தது.

இந்த படத்தில் மைக்கேல் கர்லியோன், மோய் க்ரீனை சான் பிரான்சிஸ்கோவில் உள்ள ஓட்டல் ஒன்றில் சந்தித்து பேசுவார். அப்போது அவரின் தம்பி ஃபிரிடோ கர்லியோனும் உடன் இருப்பார். இந்த சீன் மிகவும் புகழ்பெற்ற, ரசிகர்கள் பலரையும் கவர்ந்த சீனாகும். தற்போது இந்த சீனில் மலையாள டாப் ஹீரோக்களான மோகன்லால், மம்முட்டி, ஃபகத் ஃபாசில் நடித்துள்ளது போது ஏஐ எனப்படும் ஆர்டிஃபிசியல் இன்டலிஜன்ட் மூலம் ரீகிரியேட் செய்துள்ளனர்.

அச்சு அசலாக நிஜமாகவே நடித்திருப்பது போல இந்த காட்சி அமைந்துள்ளது. இந்த வீடியோ தற்போது செம வைரலாகி வருகிறது. அதுவும் குறிப்பாக கேரள ரசிகர்களிடம் இந்த வீடியோ செம வரவேற்பை பெற்றுள்ளது. மாற்றி அமைக்கப்பட்ட சீன் போல் இல்லாமல் மோகன்லால், மம்முட்டி ஆகியோர் இளம் வயதில் இருந்த உருவத்தில் நடித்தது போல் மறு உருவாக்கம் செய்யப்பட்டுள்ளது ரசிகர்களை ஆச்சரியப்பட வைத்துள்ளது. இதற்காக ஏஐ.,க்கு ரசிகர்கள் அனைவரும் நன்றி தெரிவித்துள்ளனர்.

இந்த ஏஐ தொழில்நுட்பத்தை சரியாக புரிந்து கொண்டு சரியான முறையில் அதைப் பயன்படுத்தினால் ஏகப்பட்ட மாஜிக்குகளைச் செய்ய முடியும் என்பது குறிப்பிடத்தக்கது.