அப்பாடா.. சந்திரமுகி 2 ஷூட்டிங் ஓவர்.. பயப்படத் தயாராகுங்க!

Jun 21, 2023,04:54 PM IST

சென்னை: ராகவா லாரண்ஸ் மற்றும் வடிவேலு நடிப்பில் உருவாகியுள்ள சந்திரமுகி 2 படத்தின் படப்பிடிப்பு முழுமையாக முடிவுக்கு வந்துள்ளது.

பி.வாசு இயக்கத்தில் ரஜினிகாந்த், நயன்தாரா, ஜோதிகா, பிரபு ஆகியோர் நடிக்க உருவான படம்தான் சந்திரமுகி. மலையாளத்தில் பல ஆண்டுகளுக்கு முன்பு வெளியான மணிச்சித்திரதாழ் என்ற படத்தின் ரீமேக்தான் சந்திரமுகி. ஆனால் மலையாளப் படத்தை விட மிகப் பிரமாண்டமாக, பிரமாதமாக இது உருவாகி வெளியாகி மிகப் பெரிய வசூல் வேட்டையை நடத்தியது.

தமிழ்த் திரையுலகில் வசூலை வாரிக் குவித்த மிக சில படங்களில் இதுவும் ஒன்று. அந்தப் படத்தின் இரண்டாம்பாகத்தை தற்போது பி.வாசு எடுத்துள்ளார். இதிலும் ரஜினியையே நடிக்க வைக்க அவர் முயன்றார். ஆனால் அவர் மறுத்து விடவே ராகவா லாரண்ஸை நடிக்க வைத்துள்ளார் பி.வாசு.

வடிவேலு, ராதிகா சரத்குமார், லட்சுமி மேனன், கங்கனா ரனாவத் என பலரும் இணைந்து நடித்துள்ள இப்படத்தின் ஷூட்டிங் தற்போது முடிவுக்கு வந்துள்ளது. லைகா நிறுவனம் இப்படத்தை தயாரித்துள்ளது. விரைவில் படத்தின் ரிலீஸ் தேதி உள்ளிட்ட விவரங்கள் வெளியாகும் என்று நம்பலாம்.