"அந்த நிலாவைத்தான்"... 4313 கி.மீ. தூரத்தில் நெருங்கியது சந்திரயான் 3!

Aug 07, 2023,09:49 AM IST

பெங்களூரு : நிலவை ஆய்வு செய்வதற்காக அனுப்பப்பட்டுள்ள சந்திரயான் 3 நிலவிற்கு 4313 கி.மீ., தூரத்தில் உள்ளதாக இஸ்ரோ தகவல் வெளியிட்டுள்ளது.

நிலவை ஆய்வு செய்வதற்காக ஜூலை 14 ம் தேதி சந்திரயான் 3 விண்கலம் விண்ணில் நிலவுக்கு அனுப்பப்பட்டது. ஜூலை 15 ம் தேதியில் இருந்து ஜூலை 25 ம் தேதி வரை பூமியின் 5 நீள்வட்ட பாதைகளையும் சுற்றி வந்தது. ஆகஸ்ட் 1 ம் தேதி 1.2 லட்சம் கி.மீ., தூரத்திற்கும் அதிகமான தூரத்தில் சந்திரயான் 3 இருந்து வந்தது. ஆகஸ்ட் 01 ம் தேதி நிலவின் நீள்வட்ட பாதைக்குள் சந்தியான் 3 நுழைந்தது. இதையடுத்து சந்தியான் 3 ன் ஒவ்வொரு கட்ட நடவடிக்கைகளையும் இஸ்ரோ கண்காணித்து, தகவல் வெளியிட்டு வருகிறது.

ஆகஸ்ட் 06 ம் தேதியான நேற்று, சந்திரனின் 3 வட்ட பாதைகளின் பயணத்தை சந்தியான் 3 நிறைவு செய்தது. சந்திரயான் 3 நிலவை நெருங்குவதற்கு முன் விக்ரம் மற்றும் பிரக்யான் விண்கலன்கள் சந்தியான் 3 விண்கலத்தில் இருந்து பிரிந்து, நிலவின் வெளிப்புற செயல்பாடுகளை ஆய்வு செய்யும். சந்திரயான் 3 நிலவை நெருங்கும் தூரம் 18,074 கி.மீ.,லிருந்து 4313 கி.மீ., ஆக குறைந்துள்ளதாக இஸ்ரோ தற்போது தகவல் வெளியிட்டுள்ளது.

அடுத்த கட்டமாக ஆகஸ்ட் 09 ம் தேதி நிலவின் வெளிப்புற பாதையை சென்றடையும் என்றும், ஆகஸ்ட் 23 ம் தேதி மாலை 05.47 மணிக்கு நிலவில் சந்திரயான் 3 தரயிறங்கும் என்றும் தெரிவிக்கப்பட்டுள்ளது. நிலவின் தெற்கு பகுதியில் சந்திரயான் 3 தரையிறங்க உள்ளது.

இதற்கிடையே நிலவை நெருங்கி வரும் வீடியோ ஒன்றை சந்திரயான் 3 படம் பிடித்து அனுப்பியுள்ளது. அந்த வீடியோவைப் பார்க்கும்போதே பிரமிப்பாக உள்ளது. ஒட்டுமொத்த இந்தியாவும் நிலவை நோக்கி நகர்வது போன்ற பிரமிப்பையும், சந்தோஷத்தையும் அது ஏற்படுத்துகிறது. இந்தியாவின் சாதனைகளின் உச்சமாக இந்த நிலவுப் பயணம் அமையும் என்பதில் சந்தேகமே இல்லை.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!