சிஎஸ்கே. க்கு விசில் போடு.. குஜராத்தை வீழ்த்தி பைனலுக்கு முன்னேறி "சூப்பர்"!

May 24, 2023,09:05 AM IST

சென்னை : ஐபிஎல் 2023 கிரிக்கெட் தொடரின் Qualifier எனப்படும் முதல் தகுதிச் சுற்றில் குஜராத் அணியை 15 ரன்கள் வித்தியாசத்தில் வீழ்த்தி, பைனலுக்கு முன்னேறி உள்ளது சென்னை சூப்பர் கிங்ஸ் அணி.

ஐபிஎல் 2023 போட்டிகள் இறுதிக்கட்டத்தை எட்டி உள்ளன. பிளேஆஃபிற்கு குஜராத், சென்னை, லக்னோ மற்றும் மும்பை அணிகள் தகுதி பெற்றன. இந்த 4 அணிகளில் பைனலுக்கு செல்ல போகும் இரண்டு அணிகளை தேர்வு செய்வதற்கான தகுதிச் சுற்றுப் போட்டிகள் தற்போது தொடங்கியுள்ளன.

நேற்று நடைபெற்ற முதல்வர் குவாலிபயர் போட்டியில் சென்னை சூப்பர் கிங்ஸ், குஜராத் டைட்டன்ஸ் அணிகள் மோதின. முதலில் பேட் செய்த சென்னை அணி 20 ஓவர்களில் 173 ரன்கள் எடுத்தது. ரசிகர்களால் அதிகம் எதிர்பார்க்கப்பட்ட கேப்டன் தோனி ஒரு ரன் மட்டுமே எடுத்து அவுட் ஆனார். 174 ரன்கள் எடுத்தால் வெற்றி என்ற இலக்குடன் களமிறங்கியது குஜராத் அணி.

குஜராத் அணி நிதானமாக ஆடி ரன்களை சேர்த்த போதிலும் அனைத்து விக்கெட்களையும் இழந்து 157 ரன்களை மட்டுமே எடுக்க முடிந்தது. இதன் மூலம் 15 ரன்கள் வித்தியாசத்தில் சென்னை சூப்பர் கிங்ஸ் அணி வெற்றி பெற்றுள்ளது. ஐபிஎல் 2023 சீசனில் குஜராத் அணியை முதன் முறையாக சென்னை அணி வீழ்த்தி உள்ளது.

குஜராத்திற்கு எதிரான போட்டியில் பெற்ற வெற்றியின் மூலம் சென்னை அணி பைனலுக்குள் நுழைந்துள்ளது. ஐபிஎல் கிரிக்கெட் வரலாற்றிலேயே அதிக அளவாக, அதாவது 10வது முறையாக இறுதிப் போட்டிக்கு செல்லும் அணி என்ற பெருமையை சிஎஸ்கே பெற்றுள்ளது. 6 இறுதிப் போட்டிகளுடன் மும்பை இந்தியன்ஸ் 2வது இடத்தில் உள்ளது. சென்னை பெற்ற இந்த பிரம்மாண்ட வெற்றியை அந்த அணி வீரர்கள் கொண்டாடி வருகின்றனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Tamil Nadu Assembly elections: தமிழ்நாட்டில் 84.29% வாக்குப் பதிவு.. கரூர் மாவட்டத்தில்தான் உச்சம்!

தமிழ்நாடு முழுக்க வாக்குப் பதிவு விகிதம் அதிகரிக்க என்ன காரணம்.. சென்னையும் கலக்குதே!

வாக்குப்பதிவு நேரத்தை 2 மணி நேரம் அதிகரிங்க.. தேர்தல் ஆணையத்துக்கு விஜய் கோரிக்கை

முதல்வர் மு.க.ஸ்டாலின், எடப்பாடி பழனிச்சாமி, விஜய், ரஜினி, கமல், அஜீத் ஓட்டுப் போட்டாச்சு!

சட்டசபைத் தேர்தலுக்குப் பிறகு பெட்ரோல், டீசல் விலை உயர்வு? - வதந்தி என.. மத்திய அரசு விளக்கம்!

விதைக்குள் காடு விரும்பி அதை நாடு!

நெருங்குதலும் விலகலும்

Dr Latha poems: அமைதியே என் ஆயுதம்.. நான் என உறுதி கொள்!

English Language Day: வில்லியம் ஷேக்ஸ்பியரை நினைவு கூர்ந்து Thanks சொல்வோம்!