ரஜினியின் அடுத்த படம்... மாஸாக வெளியான தகவல்!

May 08, 2023,10:47 AM IST

சென்னை : சூப்பர் ஸ்டார் ரஜினிகாந்த், ஜெயிலர் படத்திற்கு பிறகு அடுத்ததாக நடிக்க உள்ள படங்கள் பற்றிய மாஸான தகவல்கள் வெளியாகி, சோஷியல் மீடியாவில் பரபரப்பாக பேசப்பட்டு வருகிறது.

டைரக்டர் நெல்சன் திலீப்குமார் இயக்கி உள்ள ஜெயிலர் படத்தில் நடித்து முடித்துள்ளார் ரஜினிகாந்த். இந்த படம் ஆகஸ்ட் 10 ம் தேதி ரிலீசாக உள்ளதாக அறிவிக்கப்பட்டுள்ளது. ஜெயிலர் படத்தின் ஷூட்டிங் முடிந்து விட்டதாக தகவல் வெளியானதுமே தலைவர் 170, தலைவர் 171 என ரஜினியின் அடுத்தடுத்த படங்கள் பற்றிய பேச்சுக்கள் சினிமா வட்டாரத்தில் பரவலாக உலா வருகிறது.

ஆனால் லேட்டஸ்ட் தகவலின் படி, ஜெயிலர் படத்தை தொடர்ந்து தனது மகள் ஐஸ்வர்யா இயக்கும் லால் சலாம் படத்தில் நடிப்பதற்காக தான் ரஜினி தற்போது தயாராகி வருகிறாராம். இந்த படத்தில் ரஜினி கெஸ்ட் ரோலில் தான் நடிக்க உள்ளார். லைகா ப்ரொடக்ஷன்ஸ் தயாரிக்கும் இந்த படத்தில் இஸ்லாமியர் கேரக்டரில் ரஜினி நடிக்கிறார். ரஜினியின் தங்கையாக ஜீவிதா ராஜசேகர் நடிக்கிறார். கிட்டதட்ட 33 வருடங்களுக்கு பிறகு லால் சலாம் படத்தின் மூலமாக பெரிய திரைக்கு நடிக்க வந்துள்ளார் ஜீவிதா.

லால் சலாம் படத்தின் ஷூட்டிங் மும்பையில் நடந்து வருகிறது. இதில் பங்கேற்பதற்காக விஷ்ணு விஷால் சமீபத்தில் தான் மும்பை புறப்பட்டு சென்றார். விரைவில் ரஜினியும் மும்பை செல்ல உள்ளார். இரண்டாம் கட்ட படப்பிடிப்பில் ரஜினி கலந்து கொள்ள உள்ளார். விளையாட்டு துறை சார்ந்த இந்த படத்தில் விக்ரந்த்தும் நடிக்கிறார். இவர் கிரிக்கெட் வீரர் ரோலில் நடிக்கிறார். இந்த படத்திற்கு ஏ.ஆர்.ரஹ்மான் இசையமைக்கிறார்.

லால் சலாம் படத்தை தொடர்ந்து தலைவர் 170 படத்திற்காக ரஜினி தயாராக போவதாக சொல்லப்படுகிறது. தலைவர் 170 படத்திற்கு பல டைரக்டர்களின் பெயர்கள் பேசப்பட்டு வருகிறது. அதோடு தலைவர் 171 படத்தை இயக்க லோகேஷ் கனகராஜிடமும் பேச்சுவார்த்தை நடத்தப்பட்டு வருவதாக சொல்லப்படுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

11 மாவட்டங்களில் நாளை கனமழை பெய்ய வாய்ப்பு: சென்னை வானிலை மையம் அறிவிப்பு!

கன்னியாகுமரி கண்ணாடி பாலத்தில் விரிசலா.. மாவட்ட கலெக்டர் அழகு மீனாவின் விளக்கம் இதுதான்!

இலங்கை தமிழ் அகதிகளுக்கு நீண்டகால விசாவும், குடியுரிமையும் வழங்கும் சட்ட திருத்தமும் தேவை: அன்புமணி

மதுரை விமான நிலையத்திற்கு முத்துராமலிங்கத் தேவர் பெயர்.. 2 தலித் கட்சிகள் எதிர்ப்பு

முதல்வர் மு.க.ஸ்டாலின் தலைமையில் நாளை திமுக மாவட்டச் செயலாளர்கள் கூட்டம்

தலைமை சொல்வதை கேட்பதே எனது பொறுப்பு: தமிழக பாஜக தலைவர் நயினார் நாகேந்திரன்!

ரஷ்யா மீது 2வது கட்ட பொருளாதார தடை விதிக்கப் போறேன்.. டொனால்ட் டிரம்ப் அறிவிப்பு

கண்மணியே உன் கா(த)ல் தடம் தேடி..1 (கவிதைத் தொடர்)

ஆசிய கோப்பை ஹாக்கி 2025.. 8 வருடங்களுக்குப் பிறகு கோப்பையை வென்று இந்தியா அசத்தல்