தரமான சம்பவம் காத்திருக்கு.. பிடிஎஸ் போட்டோவுடன் ஜெயிலர் அப்டேட் கொடுத்த தமன்னா

May 29, 2023,10:30 AM IST

சென்னை : நடிகை தமன்னா ஜெயிலர் படம் தொடர்பான அப்டேட்டை வெளியிட்டு ரசிகர்களின் மனதை எகிற வைத்துள்ளார்.

தமிழ் சினிமாவில் அதிகம் எதிர்பார்க்கப்படும் படங்களில் ஒன்று ரஜினி நடித்து வரும் ஜெயிலர் படம். நெல்சன் திலீப்குமார் இயக்கத்தில், சன் பிக்சர்ஸ் தயாரிக்கும் இந்த படம் ஆகஸ்ட் 10 ம் தேதி ரிலீசாக உள்ளதாக ஏற்கனவே அறிவித்து விட்டார்கள்.

ஜெயிலர் படத்திற்காக தான் நடிக்க வேண்டிய பகுதிகள் அனைத்தையும் ஏற்கனவே முடித்து விட்டு ரஜினி, ஜூன் மாதம் டப்பிங் வேலைகளையும் துவங்க உள்ளார். ஆனால் ஜெயிலர் படத்தின் ஷூட்டிங் தொடர்ந்து நடந்து வருகிறது.

இந்த படத்தில் முக்கியமான ரோலில் நடிக்கும் தமன்னா, ஜெயிலர் படத்தில் பாடல் ஒன்றிற்காக ஒத்திகை நடக்கும் போட்டோ ஒன்றை தனது இன்ஸ்டாகிராம் ஸ்டோரியில் பகிர்ந்துள்ளார். அதோடு, "ஜெயிலர் படம் புயலுக்கு முன் வரும் அமைதி" என கேப்ஷனும் பதிவிட்டுள்ளார். ஜானி மாஸ்டர் இயக்கும் இயக்கும் இந்த பாடல் தான் பிரம்மாண்ட பாடலாக இருக்கும் என சொல்லப்படுகிறது.

லேட்டஸ்டாக வெளியாகி உள்ள தகவலின் படி, தமன்னா பகிர்ந்துள்ள இந்த பாடலுடன் ஜெயிலர் படத்தின் ஒட்டு மொத்த ஷூட்டிங்கும் நிறைவடைகிறதாம். ஜூன் இரண்டாவது வாரத்தில் படத்தின் ஃபர்ஸ்ட் சிங்கிளை வெளியிட படக்குழு திட்டமிட்டுள்ளதாம். அதைத் தொடர்ந்து ஜூலை மாதம் படத்தின் ஆடியோ வெளியீட்டு விழா மிக பிரம்மாண்டமாக சென்னை நேரு ஸ்டேடியத்தில் நடத்த திட்டமிட்டுள்ளார்களாம்.

ஆக்ஷன் காமெடி படமாக உருவாகும் ஜெயிலர் படத்தின் போஸ்ட் ப்ரொடக்ஷன் வேலைகளும் ஜூலை மாதத்தில் நடைபெற உள்ளதாம். ஆகஸ்ட் 10 ம் தேதி ஜெயிலர் படத்தை ரிலீஸ் செய்வதற்கான ஏற்பாடுகளும் விறுவிறுப்பாக நடந்து வருகிறதாம்.

ஜெயிலர் படத்தில் ரஜினியுடன் சிவராஜ்குமார், மோகன்லால், சுனில் ஷெட்டி, ஜாக்கி ஷெராஃப் தமன்னா, வசந்த ரவி, யோகி பாபு, விநாயகன், ரம்யா கிருஷ்ணன், கிஷோர், கலையரசன், ரெடின் கிங்ஸ்லே உள்ளிட்ட பலர் நடித்துள்ளனர். இந்த படத்திற்கு அனிருத் இசையமைத்துள்ளார்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பாமக ஒருங்கிணைந்த மாவட்ட பொதுக்குழு: அன்புமணி அறிவிப்பு!

பூனைக் கண்ணை மூடிக்கொண்டுவிட்டால் உலகம் இருண்டுவிடுமா என்ன? அமைச்சர் தங்கம் தென்னரசு கேள்வி!

ஒருங்கிணைந்த கல்வித் திட்ட நிதி... உறங்கி கோட்டை விட்ட தமிழக அரசு: டாக்டர் அன்புமணி ராமதாஸ்!

குற்றச்சாட்டுகளை வைக்கும் பாஜக முதலில் தனது முதுகை திரும்பி பார்க்க வேண்டும் : அமைச்சர் சேகர்பாபு

தமிழகத்தில் எந்தந்த மாவடங்களுக்கு ரெட் அலர்ட்... ஆரஞ்சு அலர்ட் தெரியுமா?

என்னை இப்படி தேவையில்லாமல் புகழாதீர்கள்.. செனாப் பாலம் புகழ் மாதவி லதா வேண்டுகோள்!

டிமார்ட் நிறுவனத்தின் பெயரில் போலி வெப்சைட் மோசடி.. மக்களே உஷாரா இருங்க

11 ஆண்டு பாஜக ஆட்சியில் இந்தியாவின் வளர்ச்சி அபரிமிதம்.. பிரதமர் மோடி பெருமிதம்

ராஜ்யசபா தேர்தல்: எம்பி., ஆகிறார் கமல்ஹாசன்...அதிமுக, திமுக வேட்பாளர்கள் மனு ஏற்பு