"ஐசியூ"வில் செந்தில் பாலாஜி.. மொத்தம் 3 தப்பு.. வட்டம் போட்டுக் குட்டிய செல்வக்குமார்!

Jun 15, 2023,12:01 PM IST

சென்னை: அமைச்சர் செந்தில் பாலாஜி கைதானது முதல் தொடர் குஷியில் இருந்து வருகிறது பாஜக. இந்த நிலையில், செந்தில் பாலாஜி கைது விவகாரத்தில் திமுக தரப்பில் உள்ள ஓட்டைகளையும் அவர்கள் சமூக வலைதளங்களில் புட்டுப் புட்டு வைத்து வருகின்றனர்.

பண மோசடி வழக்கில் செந்தில் பாலாஜி வீடுகள் உள்ளிட்ட இடங்களில் தொடர் ரெய்டுகளை நடத்திய அமலாக்கப் பிரிவு அதிகாரிகள், அதன் தொடர்ச்சியாக அவரைக் கைது செய்தனர். இரவோடு இரவாக அவர் கைது செய்யப்பட்டதாலும், கைதுக்குப் பிறகு நெஞ்சு வலிப்பதாக கூறி செந்தில் பாலாஜி கதறி அழுத வீடியோ வெளியாகியதாலும் இது நாடு முழுவதும் பரபரப்பாகி விட்டது.

இந்த நிலையில் முதல்வர் மு.க.ஸ்டாலின் ஓமந்தூரார் மருத்துவமனைக்குப் போய், அங்கு தீவிர சிகிச்சைப் பிரிவில் அனுமதிக்கப்பட்டிருந்த அமைச்சர் செந்தில் பாலாஜியைச் சந்தித்த காட்சி தொடர்பான புகைப்படங்கள் நேற்று வெளியாகியிருந்தன. அந்தப் படத்தை வைத்து தற்போது பாஜகவினர் கிண்டலடித்துக் கொண்டுள்ளனர்.

குறிப்பாக பாஜக தொழில் பிரிவு மாநில துணைத் தலைவர் செல்வக்குமார் படத்தில் வட்டமிட்டு சில தவறுகளை சுட்டிக் காட்டியுள்ளார். இதுதொடர்பாக அவர் போட்டுள்ள டிவீட்டில் கூறியிருப்பதாவது:

வசூல்ராஜா MBBS மருத்துவமனையில் அடுத்தகட்ட நாடகம் நடந்து வருகிறது

1) ஆக்சிஜன் மாஸ்க்கிற்கு பதிலாக face mask

2) கையில் வெரும் band-aid, டிரிப்ஸ் போடவில்லை

3) பின்னால் இருக்கும் மானிட்டர் வேலை செய்யவில்லை.

#அழுகாச்சி_பாலாஜி

என்று கலாய்த்துள்ளார் செல்வக்குமார். இதேபோல நாராயணன் திருப்பதி நேற்று போட்ட டிவீட்டில், திரைக்கதை சரியில்லை என்று கூறி செந்தில் பாலாஜி காருக்குள் படுத்து அழுத காட்சியை கிண்டலடித்திருந்தார் என்பது நினைவிருக்கலாம்.

அதிலும் சில பாஜகவினர், அவ்வளவு நெஞ்சு வலியிலும் கூட செந்தில் பாலாஜி காலால் நன்றாக உதைக்கிறார் பாருங்கள் என்ன ஆச்சரியம் என்று கேட்டு கிண்டலடித்திருந்தனர்.

இதுதவிர நிறைய மீம்ஸ்களும் கூட செந்தில் பாலாஜியை வைத்து வலம் வருகின்றன. சங்கமம் படத்தில் வரும் வடிவேலு பட காமெடிக் காட்சி படத்தை வைத்துக் கொண்டு, "நல்ல வேளை.. ஈடி அதிகாரிகள் மட்டும் ரெய்டுக்கு வராமல் போயிருந்தால்.. அண்ணனுக்கு இதயத்தில் இருந்த அடைப்பு தெரியாமலேயே போயிருக்கும்.. அவங்க வந்து அண்ணன் உயிரைக் காப்பாத்திட்டாங்க.. இல்லடா".. என்று கூறி கலகலக்க வைத்துள்ளனர்.

எப்படி போயிட்டிருக்கு பாருங்க நம்ம அரசியல்!!!!

சமீபத்திய செய்திகள்

தமிழ்நாட்டில் 2026ல் ஆட்சி மாற்றம் வரும்.. பாஜக கூட்டணி குறித்து சொல்ல முடியாது: டாக்டர் ராமதாஸ்!

35 புதிய கல்லூரிகள் புதிதாக திறந்தும் ஒரு ஆசிரியர் கூட புதிதாக நியமிக்கவில்லை: அன்புமணி ராமதாஸ்

ஜூன் 13,14 மற்றும் 15ம் தேதிகளில் கனமழைக்கான ஆரஞ்சு அலர்ட்: வானிலை ஆய்வு மையம் தகவல்!

தவெக.,வில் இணைந்த அதிமுக, திமுக முன்னாள் எம்எல்ஏ.,க்கள்.. விஜய் தரும் மெசேஜ் என்ன?

IRS அதிகாரி அருண்ராஜூக்கு தவெகவில் கொள்கை பரப்பு பொதுச் செயலாளர் பதவி: தவெக தலைவர் விஜய் அறிவிப்பு

Out Of Controlலில் இருக்கும் பாலியல் SIRகளை Control செய்யவது எப்போது?: எடப்பாடி பழனிச்சாமி கேள்வி

தவெகவுடன் கூட்டணி குறித்து விஜய்யிடம் தான் கேட்க வேண்டும்... கூட்டணி ஆட்சி வந்தால் நல்லது; பிரேமலதா

இன்று வைகாசி விசாகம் 2025 : முருகனுக்கு இந்த நைவேத்தியம் படைத்தால் வாழ்க்கையே மாறும்

ராஜமெளலி படத்தில் இணைந்த மாதவன்.. என்ன ரோல் தெரியுமா?

"ஐசியூ"வில் செந்தில் பாலாஜி.. மொத்தம் 3 தப்பு.. வட்டம் போட்டுக் குட்டிய செல்வக்குமார்!

Comments

சமீபத்திய செய்திகள்

அதிகம் பார்க்கும் செய்திகள்