கேரளாவில் மலை உச்சியில் 133 அடி உயர ஐயப்ப சிலை

Jan 18, 2023,02:55 PM IST

பத்தனம்திட்டா: கேரள மாநிலம் பத்தனம்திட்டா மாவட்டம் சுட்டிபாரா மலை மீது 133 அடி உயரத்திற்கு சுவாமி ஐயப்பனுக்கு சிலை அமைக்க திட்டமிடப்பட்டுள்ளது. ரூ.25 கோடி செலவில், 400 அடி மலையின் உச்சியில் இந்த சிலை அமைக்கப்பட உள்ளது. சுட்டிபாரா மகாதேவா கோவில் அருகில், கோவில் நிர்வாகத்தினரால் இந்த சிலை அமைக்கப்பட உள்ளது.

அடுத்த நான்கரை ஆண்டுகளில் இந்த சிலை தயாராகி விடும் என்றும், யோக நித்ர நிலையில் இருக்கும் வகையில் ஐயப்பனின் சிலை அமைக்கப்பட உள்ளதாகவும் சொல்லப்படுகிறது. 34 கி.மீ., தொலைவில் இருந்து கூட இந்த சிலையை பக்தர்கள் தரிசனம் செய்ய வகையில் நிர்வகிக்கும் நிலையில் இந்த சிலையை அமைக்க திட்டமிட்டுள்ளனர். பக்தர்களின் நன்கொடை, கோவில் அறக்கட்டளை நிதி ஆகியவற்றை பயன்படுத்தி இந்த சிலையை அமைக்க உள்ளனர்.

இதற்கு முன் பம்பாவில் அமைக்கப்பட்டிருந்த 30 அடி உயர ஐயப்பன் சிலையே உலகின் மிக உயரமான ஐயப்பன் சிலையாக கருதப்பட்டு வந்தது. பத்தனம்திட்டாவில் 133 அடி ஐயப்பன் சிலை அமைக்கப்பட்டால் இதுவே உலகின் மிக உயரமான ஐயப்பன் சிலையாக கருதப்படும். இந்த சிலைக்கு உள்ளே சபரிமலை ஐயப்பனின் வாழ்க்கை வரலாற்று குறிப்புக்கள் அடங்கிய மியூசியம், பந்தள அரண்மனை, பம்பா மற்றும் அழுதா நதிகள் போன்றவற்றின் மாதிரி வடிவங்களும் அமைக்கப்பட உள்ளது.

133 அடி உயர ஐயப்பன் சிலை அமைக்கும் பணிகள் விரைவில் துவங்கப்பட உள்ளது. இந்த சிலை 66 மீட்டர் சுற்றளவில் அமையும் என சொல்லப்படுகிறது. கேரளாவில் கொல்லம் மாவட்டத்தில் அமைந்துள்ள உலகின் மிக உயரமான பறவை சிலையான ஜடாயு சிலைக்கு அடுத்த படியாக இந்த ஐயப்பன் சிலை விளங்கும் என எதிர்பார்க்கப்படுகிறது.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

கேரளாவில் மலை உச்சியில் 133 அடி உயர ஐயப்ப சிலை

Comments

சமீபத்திய செய்திகள்

அதிகம் பார்க்கும் செய்திகள்