"தலைவா உங்களைத்தான்.. இப்படியே எவ்வளவு நாள் பிடிச்சுட்டே இருப்பீங்க".. வடிவேலு கலகல!
ராமேஸ்வரம்: விஜய் அரசியலுக்கு வருவதை வரவேற்க வேண்டும். மக்களுக்கு நல்லது செய்ய வந்தா தப்பு இல்லையே என்று நடிகர் வடிவேலு கூறியுள்ளார்.
நடிகர் விஜய் தமிழக வெற்றி கழகம் என்ற புதிய கட்சியைத் தொடங்கியுள்ளார். சட்டசபைத் தேர்தலே தங்களது இலக்கு என்றும் தெளிவுபடுத்தி விட்டா். இந்த நிலையில் விஜய்க்கு பல்வேறு தலைவர்களும் வரவேற்பு அளித்து வருகின்றனர்.
இந்தப் பின்னணியில் ராமேஸ்வரத்திற்கு வருகை தந்த நடிகர் வடிவேலுவிடம் விஜய் அரசியல் பிரவேசம் குறித்து செய்தியாளர்கள் கேட்டனர். அதற்கு தனது பாணியில் ஜாலியாக பதிலளித்தார் வடிவேலு.
அவர் கூறுகையில், எல்லாருமே வரலாமே.. ஏன் நீங்க கூட வரலாமே.. வரலாமா.. என்னாது வேலை இருக்கா.. தலைவா, உங்களைத்தான்.. இப்படியே எவ்வளவு நாள்தான் வீடியோ பிடிச்சுட்டு நிப்பீங்க.. டக்குன்னு வரலாம்ல.. வாங்க, எல்லாரும் வாங்க.. கட்சி ஆரம்பிச்சுட்டுப் போக வேண்டியதானே.. மக்களுக்கு நல்லது செய்ய யாரா இருந்தாலும் வரலாமே.. யாரும் வரக் கூடாதுன்னு சொல்லக் கூடாதுல்ல.
எல்லோரும் வந்தாங்க.. டிராஜேந்தர் வந்தாரு.. ராமராஜன் வந்தாரு.. பாக்யராஜ் வந்தாங்க.. எல்லாரும் நல்லது செய்யத்தானே வந்தோம்.. வரட்டும்.. வர்றவங்களை வரவேற்கணும். வந்து மக்களுக்கு நல்லது செய்ட்டும். தப்பு கிடையாதுல்ல.. வரட்டும். அவ்வளவுதானே என்று கலகலப்பாக பேசி விட்டுக் கிளம்பினார் வடிவேலு.
விஜய்யும் வடிவேலுவும் இணைந்து ஏகப்பட்ட படங்களில் நடித்துள்ளனர். இருவரும் இணைந்து நடித்த அத்தனை படங்களுமே சூப்பர் டூப்பர் ஹிட்டாகியுள்ளன என்பது நினைவிருக்கலாம். இந்த நிலையில் விஜய்யின் அரசியல் பிரவேசத்தை வடிவேலு ஆதரித்து வரவேற்றிருக்கிறார். விஜய் அரசியலில் தீவிரமாக இறங்கும்போது அவருடன் சேர்ந்து வடிவேலுவும் ஆதரவாக களம் குதிப்பாரா என்ற எதிர்பார்ப்பும் தற்போது அதிகரித்துள்ளது.
சமீபத்திய செய்திகள்
பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு
குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!
8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?
எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்
அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!
மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!
டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!
ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?
என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!
{{comments.comment}}