நடிகர் விஜய், அண்ணாமலை வீடுகளில் பறந்த தேசியக் கொடி.. சுதந்திர தின விழா கொண்டாட்டம்!
சென்னை: 78வது சுதந்திர தினத்தையொட்டி மக்கள் தங்களது வீடுகளில் தேசியக் கொடியை ஏற்றி மகிழ்ந்தனர். தமிழக வெற்றிக் கழகம் தலைவர் நடிகர் விஜய், பாஜக தலைவர் அண்ணாமலை ஆகியோரும் தங்களது வீடுகளில் தேசியக் கொடியை ஏற்றினர்.
நாட்டின் 78வது சுதந்திர தின விழா இன்று கோலாகலமாக கொண்டாடப்படுகிறது. நாடு முழுவதும் தேசியக் கொடி ஏற்றி வைத்தல் உள்ளிட்ட பல்வேறு நிகழ்ச்சிகளில் அரசுகள், அமைப்புகள், அரசியல் கட்சிகள், நலச் சங்கங்கள் உள்ளிட்டவை ஈடுபட்டுள்ளனர். பொதுமக்களும் பெரும் ஆர்வத்துடன் தங்களது வீடுகளிலும், அலுவலகங்களிலும் தேசியக் கொடி ஏற்றினர்.
தமிழ்நாடு பாஜக தலைவர் அண்ணாமலை தனது வீட்டில் தேசியக் கொடி ஏற்றி வைத்து மகிழ்ந்தார். இதுகுறித்து அவர் கூறுகையில் நாட்டின் 78 ஆவது சுதந்திர தினத் திருநாளை, நாம் அனைவரும் இன்று மகிழ்ச்சியாகக் கொண்டாடி வருகிறோம். நமது மாண்புமிகு பாரதப் பிரதமர் நரேந்திர மோடி அவர்கள் அறிவித்த, ஒவ்வொரு இல்லத்திலும் தேசியக் கொடி (#HarGharTiranga) ஏற்ற வேண்டும் என்ற அறிவுரையின்படி, இன்று காலை சென்னையில் எனது இல்லத்தில் நமது பெருமைமிகு தேசியக் கொடியினை ஏற்றி வணங்கினோம்.
உலக அரங்கில் நமது பாரதத்தின் பெருமை மிகுந்த தேசியக் கொடி பட்டொளி வீசிப் பறப்பது நமக்கெல்லாம் பெருமிதத்தைத் தருகிறது. எண்ணற்ற சுதந்திரப் போராட்ட வீரர்களின் தியாகத்தினால் பெற்ற சுதந்திரத்தினைப் பேணிக் காப்போம். அனைவருக்கும் இனிய சுதந்திர தின நல்வாழ்த்துக்கள் என்று கூறியுள்ளார்.
நடிகர் விஜய் வீட்டில் பறந்த தேசியக் கொடி
இதேபோல விஜய்யின் திருவான்மியூர் வீட்டில் தேசியக் கொடி ஏற்றப்பட்டது. அதேபோல பனையூரில் உள்ள அவரது கட்சி அலுவலகத்திலும் தேசியக் கொடி கட்டப்பட்டிருந்தது. இதை விஜய் ரசிகர்கள் தங்களது சமூக வலைதளங்களில் பகிர்ந்து பரப்பி வருகின்றனர்.
சமீபத்திய செய்திகள்
குடும்பத்தை ஏமாற்ற 12 வயது ஆட்டிசம் பாதித்த குழந்தையாக நடித்த 37 வயது பெண்!
இனி கூட்டணியே தேவையில்லை.. திமுக தனித்துப் போட்டியிட வேண்டும்.. தொண்டர்கள் வலியுறுத்தல்
காங்கிரஸ் அணுகுமுறையால் திமுக கூட்டணிக்குத் தோல்வி.. திருமாவளவன் குற்றச்சாட்டு
பெண் சிங்கம்.. ராத்திரி 11 மணி.. தனி ஆளாய்.. மொத்த கும்பலையும் வேரறுத்த.. ரிதி ராஜ் ஐபிஎஸ்!
மீண்டும் போர் பதற்றம்: ஈரானிலிருந்து இந்தியர்கள் வெளியேற மத்திய அரசு அறிவுறுத்தல்!
மக்களின் குறை தீர்க்கும் தமிழ்நாடு அரசு.. முக்கிய இமெயில் முகவரிகள்.. நோட் பண்ணிக்கங்க!
முதல்வர் விஜயைச் சந்தித்து.. செஸ் விளையாடி.. ஜெயித்து வாழ்த்து பெற்றார் சாம்பியன் பிரக்ஞானந்தா!
தமிழ்நாடு மின் வாரிய ஹார்டு டிஸ்க் திருட்டு வழக்கு: சிபிசிஐடி-க்கு மாற்றி டிஜிபி உத்தரவு!
பா.ஜ.க-விலிருந்து விலகிய செய்தித் தொடர்பாளர் ஸ்ரீகாந்த் கருணேஷ்.. அண்ணாமலையுடன் இணைகிறாரா?
{{comments.comment}}