சென்னை: திமுக.,வுடன் கூட்டணி பேச்சுவார்த்தை நடத்தப்பட்டதை அதிமுக பொதுச் செயலாளர் எடப்பாடி பழனிச்சாமி திட்டவட்டமாக மறுத்துள்ளார். 100 சதவீதம் திமுக., உடன் பேச்சுவார்த்தை நடத்தவில்லை என அவர் தெரிவித்துள்ளார்.

சட்டசபை வளாகத்தில் செய்தியாளர்களிடம் பேசிய எடப்பாடி பழனிச்சாமி, தமிழக முதல்வர் அவ்வப்போது தனது தலைமையிலான அரசு "தூய்மையான ஆட்சி" நடத்தி வருவதாகக் கூறி வருவதை விமர்சித்துள்ளார். இதனைச் சுட்டிக்காட்டிய எடப்பாடி பழனிசாமி, தற்போதைய நிகழ்வுகளை முன்வைத்து, "தூய்மையான ஆட்சி நடத்துவதாக முதல்வர் கூறினார்; இதுதான் அந்த தூய்மையான ஆட்சியா?" எனத் தனது அதிருப்தியை வெளிப்படுத்தியுள்ளார். 

அரசின் செயல்பாடுகள் வெளிப்படைத்தன்மையுடன் இல்லை என்பதை அவர் இந்த கேள்வியின் மூலம் மறைமுகமாகச் சாடியுள்ளார்.

திரைத்துறையிலிருந்து அரசியலுக்கு வந்துள்ள தமிழக வெற்றிக் கழகத்தின் தலைவர் விஜய் குறித்தும் எடப்பாடி பழனிசாமி தனது கருத்தைப் பதிவு செய்துள்ளார். ஒரு கட்சியின் தலைவர் எடுக்கும் முடிவுகள் மற்றும் செல்லும் பாதை மிகவும் முக்கியமானது எனக் குறிப்பிட்ட அவர், "தவறான பாதையில் தவெக தலைவர் சென்று கொண்டிருப்பது வருத்தமளிக்கிறது" என்று தெரிவித்துள்ளார். 

குறிப்பாக, ஒரு அரசியல் கட்சி இரண்டு பிரிவுகளாகப் பிளவுபட்டு நிற்கும் ஒரு இக்கட்டான சூழலில், மாநிலத்தின் முதல்வர் ஒரு தரப்பினரை மட்டும் நேரில் சென்று சந்திப்பது முறையல்ல என்று பழனிசாமி கூறியுள்ளார்.அரசியல் நடுநிலைமை தவறி, முதல்வர் ஒரு தரப்பிற்கு ஆதரவாகச் செயல்படுவது ஜனநாயகப் பண்புகளுக்கு எதிரானது என்றும், இது போன்ற செயல்கள் அரசியல் குழப்பங்களை விளைவிக்கும் என்றும் அவர் எச்சரித்துள்ளார்.

திமுக.,வுடன் பேசவில்லை :

திமுக உடன் கூட்டணி பேச்சுவார்த்தை நடந்தது உண்மையா என கேட்கப்பட்ட கேள்விக்கு, சட்டென டென்ஷன் ஆன இபிஎஸ், "எத்தனை முறை சொல்வது? திமுக உடன் 100 சதவீதம் பேச்சுவார்த்தை நடத்தவில்லை" என திட்டவட்டமாக பதிலளித்துள்ளார்.