அட்லீ இயக்கும் படத்தில்.. அல்லு அர்ஜூனுக்கு இத்தனை ரோல்களா.. பரபரக்கும் டோலிவுட்!
ஹைதராபாத்: அல்லு அர்ஜூன் நடிக்க, அட்லீ இயக்கத்தில் உருவாகவிருக்கும் புதிய படம் குறித்த பரபரப்பான தகவல்கள் உலா வர ஆரம்பித்துள்ளன.
அட்லீ இயக்கும் 6வது படம்தான் இது. அல்லு அர்ஜூனுக்கு இது 22வது படமாகும். இப்படம் பெரும் எதிர்பார்ப்புகளை ஏற்படுத்தியுள்ளது. சன் பிக்சர்ஸ் இப்படத்தைத் தயாரிக்கவுள்ளது.
புதிய படத்திற்கு தற்காலிகமாக AA22 X A6 எனப் பெயரிடப்பட்டுள்ளது. இந்தப் படத்தில் அல்லு அர்ஜுன் நான்கு வெவ்வேறு கதாபாத்திரங்களில் நடிக்கவுள்ளதாக தகவல்கள் வெளியாகியுள்ளன.
அதாவது தாத்தா, அப்பா, 2 மகன்கள் என நான்கு விதமான பாத்திரங்கலில் அல்லு அர்ஜுன் நடிக்கவிருப்பதாக சொல்லப்படுகிறது. மேலும், இந்தப் படம் இரண்டு parallel universesல் கதை நடப்பது போல அமைக்கப்பட்டிருப்பதாகவும் கூறப்படுகிறது. இருப்பினும், இதுவரை படம் குறித்த எந்தவிதமான அதிகாரப்பூர்வ தகவலும் தெரியவில்லை.
AA22 X A6 திரைப்படம் ஏற்கனவே இந்திய திரையுலகில் மிகவும் எதிர்பார்க்கப்படும் படங்களில் ஒன்றாக மாறியுள்ளது. ஜூன் மாதம், படக்குழுவினர் நடிகை தீபிகா படுகோனை படத்தில் இணைத்துக்கொண்டதை அதிகாரப்பூர்வமாக அறிவித்தனர். இப்படத்தைத் தயாரிக்கும் சன் பிக்சர்ஸ் நிறுவனம், இயக்குநர் அட்லீ தீபிகாவுக்கு கதை சொல்லும் வீடியோவை வெளியிட்டது.
அந்த வீடியோவில், தீபிகாவின் மோஷன் கேப்சர் படப்பிடிப்பின் ஒரு காட்சியும் இடம்பெற்றது. அதில், அவர் ஒரு ராணி போன்ற தோற்றத்தில், குதிரையில் சவாரி செய்து, வாள் ஏந்தியவாறு காணப்பட்டார். அட்லீ இயக்கிய கடைசிப் படம் ஷாருக்கானின் ஜவான் ஆகும். அது பிரமாண்டமான வசூலை வாரிக் குவித்தது நினைவிருக்கலாம். எனவே அல்லு அர்ஜூனை இயக்கும் படமும் பெரும் எதிர்பார்ப்புகளை ஏற்படுத்தியுள்ளது.
சமீபத்திய செய்திகள்
பெருந்தலைவர் காமராஜர் காலை உணவுத் திட்டம்.. முதல்வர் விஜய் போட்ட ஸ்டிரிக்ட் உத்தரவு
இடைத்தேர்தல் களம்: தாராபுரம், மதுராந்தகத்தில் முதல்வர் விஜய் 4 நாட்கள் பிரச்சாரம்
முதல்வர் விஜய்யின் லண்டன் பயணம் : கடுமையாக விமர்சித்த டி.ஆர்.பி. ராஜா
அதிமுக நட்சத்திர பேச்சாளர்கள் பட்டியல் வெளியீடு: எஸ்.பி.வேலுமணி, சி.வி.சண்முகம் பெயர் மிஸ்ஸிங்
புரட்டாசி சனிக்கிழமையில் பெருமாளை வழிபட்டால்.. குடும்பத்தில் வளம் பெருகும்!
ரூ.100 கோடி மோசடி வழக்கு: மத்திய குற்றப்பிரிவு அலுவலகத்தில் முன்னாள் அமைச்சர் அன்பில் மகேஷ் ஆஜர்
புரட்டாசி மாதம் வந்தாச்சு.. 6வது தமிழ் மாதம்.. பெருமாள் வழிபாட்டுக்கு உகந்த புனித மாதம்!
த.வெ.க அரசின் முதல் சட்டப்பேரவைக் தொடர்: 12 மசோதாக்களுக்கு ஆளுநர் ஒப்புதல்!
நமநமக்கும் வாய்கள்.. கலகலக்கும் வயிறுகள்.. புரட்டாசி மாத அலப்பறைகள்!
{{comments.comment}}