அட்லீ இயக்கும் படத்தில்.. அல்லு அர்ஜூனுக்கு இத்தனை ரோல்களா.. பரபரக்கும் டோலிவுட்!

Jul 13, 2025,04:09 PM IST

ஹைதராபாத்: அல்லு அர்ஜூன் நடிக்க, அட்லீ இயக்கத்தில் உருவாகவிருக்கும் புதிய படம் குறித்த பரபரப்பான தகவல்கள் உலா வர ஆரம்பித்துள்ளன.

அட்லீ இயக்கும் 6வது படம்தான் இது. அல்லு அர்ஜூனுக்கு இது 22வது படமாகும். இப்படம் பெரும் எதிர்பார்ப்புகளை ஏற்படுத்தியுள்ளது. சன் பிக்சர்ஸ் இப்படத்தைத் தயாரிக்கவுள்ளது.

புதிய படத்திற்கு தற்காலிகமாக AA22 X A6 எனப் பெயரிடப்பட்டுள்ளது. இந்தப் படத்தில் அல்லு அர்ஜுன் நான்கு வெவ்வேறு கதாபாத்திரங்களில் நடிக்கவுள்ளதாக தகவல்கள் வெளியாகியுள்ளன.

அதாவது தாத்தா, அப்பா, 2 மகன்கள் என நான்கு விதமான பாத்திரங்கலில் அல்லு அர்ஜுன் நடிக்கவிருப்பதாக சொல்லப்படுகிறது. மேலும், இந்தப் படம் இரண்டு parallel universesல் கதை நடப்பது போல அமைக்கப்பட்டிருப்பதாகவும் கூறப்படுகிறது. இருப்பினும், இதுவரை படம் குறித்த எந்தவிதமான அதிகாரப்பூர்வ தகவலும் தெரியவில்லை.

AA22 X A6 திரைப்படம் ஏற்கனவே இந்திய திரையுலகில் மிகவும் எதிர்பார்க்கப்படும் படங்களில் ஒன்றாக மாறியுள்ளது. ஜூன் மாதம், படக்குழுவினர் நடிகை தீபிகா படுகோனை படத்தில் இணைத்துக்கொண்டதை அதிகாரப்பூர்வமாக அறிவித்தனர். இப்படத்தைத் தயாரிக்கும் சன் பிக்சர்ஸ் நிறுவனம், இயக்குநர் அட்லீ தீபிகாவுக்கு கதை சொல்லும் வீடியோவை வெளியிட்டது.

அந்த வீடியோவில், தீபிகாவின் மோஷன் கேப்சர் படப்பிடிப்பின் ஒரு காட்சியும் இடம்பெற்றது. அதில், அவர் ஒரு ராணி போன்ற தோற்றத்தில், குதிரையில் சவாரி செய்து, வாள் ஏந்தியவாறு காணப்பட்டார். அட்லீ இயக்கிய கடைசிப் படம் ஷாருக்கானின் ஜவான் ஆகும். அது பிரமாண்டமான வசூலை வாரிக் குவித்தது நினைவிருக்கலாம். எனவே அல்லு அர்ஜூனை இயக்கும் படமும் பெரும் எதிர்பார்ப்புகளை ஏற்படுத்தியுள்ளது.