அமேஸான் நிறுவனர் ஜெப் பெஸாஸின் .. முன்னாள் மனைவி.. 2வது கணவரிடமிருந்து விவாகரத்து!

Jan 13, 2023,12:51 PM IST

வாஷிங்டன்: அமேஸான் நிறுவனர் ஜெப் பெஸாஸின் முன்னாள் மனைவியான மெக்கன்சி ஸ்காட் தனுத 2வது கணவர் டேன் ஜூவட்டிடமிருந்து விவாகரத்து பெற்றுள்ளார். சமீபத்தில் இந்த விவாகரத்து தொடர்பான இறுதி தீர்ப்பில் வாஷிங்டன் கோர்ட் நீதிபதிகள் கையெழுத்திட்டனர். இதையடுத்து இந்த விவாகரத்து இறுதியாகியுள்ளது.

சியாட்டிலைச் சேர்ந்த டேன், ஒரு பள்ளி ஆசிரியர் ஆவார். தங்களது சொத்துக்கள், கடன்கள் போன்றவை எப்படி பிரித்துக் கொள்ளப்பட வேண்டும் என்பது குறித்த ஒப்பந்தத்தில் சமீபத்தில் ஸ்காட்டும், டேனும் கையெழுத்திட்டிருந்தனர். ஸ்காட் தரப்பில் ஜீவனாம்சம் எதுவும் கோரப்படவில்லை.

இவர்கள் இருவரும் 2021ம் ஆண்டு மார்ச் மாதம் திருமணம் செய்து கொண்டனர். ஆனால் இந்த திருமண பந்தம் 2022ம் ஆண்டு செப்டம்பர் மாதத்துடன் முடிவுக்கு வந்தது. இருவரும் விவாகரத்து கோரி விண்ணப்பித்தனர். தற்போது அது இறுதியாகியுள்ளது.

ஸ்காட்டும், ஜெப் பெஸாஸும் 25 ஆண்டு காலம் கணவன் மனைவியாக வாழ்ந்தவர்கள் என்பது நினைவிருக்கலாம். 2019ம் ஆண்டு இந்த திருமண பந்தம் முடிவுக்கு வந்தது. நாவல் ஆசிரியையான ஸ்காட் அமெரிக்காவின் 3வது பெரும் பணக்காரப் பெண்மணி ஆவார். பெஸாஸுக்கும், ஸ்காட்டுக்கும் நான்கு குழந்தைகள் உள்ளனர். விவாகரத்து பெற்றபோது ஸ்காட்டுக்கு, 38.3 பில்லியன் டாலர் மதிப்பிலான அமேஸான் பங்குகள் கிடைத்தன என்பது குறிப்பிடத்தக்கது.

தனது வருவாயின் பெரும் பகுதியை தான தர்மப் பணிகளுக்கு செலவிட்டு வருகிறார் ஸ்காட் என்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

வங்கக்கடலில் நாளை புதிய காற்றழுத்த தாழ்வு - புயலாக மாறினால் முரசு என பெயர் சூட்டப்படும்!

மதுரை – குருவாயூர் எக்ஸ்பிரஸ் - விஸ்டாடோம்: கண்ணாடிப்பெட்டிக்குள் புதிய பயண அனுபவம்!

2027-ஆம் ஆண்டிற்கான பொது விடுமுறை பட்டியலை வெளியீடு: 24 நாட்கள் அரசு விடுமுறை

Thentamil Editorial: மழைக்காலத்தில் ஆன்லைன் வகுப்புகளை அமல்படுத்தலாமே?

Evening நொறுக்ஸ்: சுடச் சுட சுவையான அரைக்கீரை போண்டா!

பெங்களூரு விதான் சௌதாவில் குண்டுவெடிப்பது போல ஏஐ வீடியோ: பீகார் வாலிபர் கைது!

தமிழகத்தில் தீவிரமடையும் பருவமழை...கொட்டி தீர்க்கும் கனமழை : 5 மாவட்ட பள்ளிகளுக்கு விடுமுறை

விழுந்தாலும் வேரூன்றி நிற்பேன்! - ரம்யாவின் கவிதைத் தோட்டம் (6)

சதய விழா.. இராஜராஜ சோழனைக் கொண்டாடுவோம்!