கச்சத்தீவை உறுதியாக மீட்போம்.. அடித்து சொன்ன.. அண்ணாமலை

Apr 13, 2024,04:51 PM IST

ராமநாதபுரம்: காங்கிரஸ் அரசும் திமுக அரசும் தாரைவார்த்த கச்சத்தீவை உறுதியாக மீட்போம். மறைந்த ஜெயலலிதாவின் நம்பிக்கை பெற்ற ஒரே தலைவர் ஓபிஎஸ் என்று மாநில பாஜக தலைவர் அண்ணாமலை கூறியுள்ளார்.

நாடாளுமன்ற தேர்தல் விரைவில் நடக்க உள்ள நிலையில், அனைத்து கட்சி தலைவர்கள், வேட்பாளர்கள், தொண்டர்கள் என அனைத்து தரப்பினர்களும் சூறாவளி பிரச்சாரம் செய்து வருகின்றனர். இந்நிலையில், ராமநாதபுரத்தில் போட்டியிடும் முன்னாள் முதலமைச்சர் ஓ.பன்னீர்செல்வத்திற்கு ஆதரவாக பாஜக மாநில தலைவர் அண்ணாமலை பிரச்சாரம் செய்தார்.

அப்போது அவர் பேசுகையில், காங்கிரஸ் அரசும் திமுக அரசும் தாரைவார்த்த கச்சத்தீவை உறுதியாக மீட்போம். ஜெ.வின் நம்பிக்கை பெற்ற ஒரே தலைவர் ஓபிஎஸ். ராமநாதபுரத்திற்கு நடந்த அநியாயத்திற்கு எதிராக நாடாளுமன்றத்தில் ஓபிஎஸ் குரல் கொடுப்பார்.

ராமநாதபுரத்தில் பிரதமருக்கு பதிலாக அவரால் களமிறக்கப்பட்டவர் ஓ.பன்னீர்செல்வம். பிரதமர் மோடி போட்டியிட்டால் எப்படி ஆதரவு கொடுப்பீர்களோ அப்படி ஓ.பன்னீர்செல்வத்திற்கும் ஆதரவு தர வேண்டும். பிரதமர் மோடி ராமநாதபுரத்தை தனது நேரடி கண்காணிப்பில் வைத்திருக்கிறார். பிரதமர் மோடி எப்போது பேசுவார் என்று உலக தலைவர்கள் எதிர்பாத்து காத்துக் கொண்டிருக்கிறார்கள். பிரதமர் மோடியிடம் எப்போது வேண்டுமானாலும் பேசும் செல்வாக்கு பெற்றவர் ஓ.பன்னீர்செல்வம்.

ஜெயலலிதாவின் நம்பிக்கை பெற்ற ஒரே தலைவர் ஓ.பன்னீர்செல்வம் தான். எம்.ஜி.ஆரை எப்படி கருணாநிதி வெளியேற்றினாரோ அதை போல ஓ.பன்னீர்செல்வத்தை எடப்பாடி பழனிசாமி வெளியேற்றி இருக்கிறார். ராமநாதபுரத்தில் இருக்கும் தண்ணீர் பிரச்சனையை தீர்க்க ஓ.பன்னீர்செல்வத்தால் மட்டுமே முடியும். நாடாளுமன்ற தேர்தல் முடிவுக்கு பிறகு தான் ஓ.பன்னீர்செல்வத்தின் விஸ்வரூபம் தெரியும் என்று கூறியுள்ளார்.

சமீபத்திய செய்திகள்

நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!

"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!

"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!

"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!

பெண்களை இழிவுபடுத்தும் விளம்பரங்களை வைக்கலாமா.. மெட்ரோவுக்கு சு. வெங்கடேசன் கேள்வி

முன்னாள் காங்கிரஸ் எம்.எல்.ஏ அசன் மௌலானாவுக்கு 3 ஆண்டுகள் தேர்தலில் போட்டியிடத் தடை

திமுக முன்னாள் அமைச்சர் கே.என்.நேரு வீடுகளில் லஞ்ச ஒழிப்புத்துறை அதிரடி சோதனை

மாணவர்கள் வளர்ச்சி கண்டு பெருமைப்படும் பேரான்மாக்கள்.. ஆசிரியர்கள்!

கல்வி என்னும் நறுந்தேனை.. சுவைக்கச் செய்யும் இளங்காற்று நாமே!

கச்சத்தீவை உறுதியாக மீட்போம்.. அடித்து சொன்ன.. அண்ணாமலை

Comments

சமீபத்திய செய்திகள்

அதிகம் பார்க்கும் செய்திகள்