அயோத்தியில் ராமர் கோவில் திறக்கப் போறாங்க.. 3 மாநிலங்களில் அந்த நாளில்.. மதுக் கடைகளுக்கு லீவு!

Jan 12, 2024,12:20 PM IST

டெல்லி: அயோத்தி ராமர் கோவில் திறப்பையொட்டி ஜனவரி 22ம் தேதி சில மாநிலங்களில் மதுக் கடைகளுக்கு அன்று விடுமுறை அறிவிக்கப்பட்டுள்ளது.

ராமரின் குழந்தைப் பருவ சிலை புதிதாக கட்டப்பட்டுள்ள கோவிலில் பிரதிஷ்டை செய்யப்படவுள்ளது. பிரதமர் நரேந்திர மோடி உள்ளிட்ட தலைவர்கள், பல்வேறு கட்சிகளின் பிரமுகர்கள் என பல்லாயிரக்கணக்கானோர் ஜனவரி 22ம் தேதி அயோத்திக்கு வருகை தரவுள்ளனர். இந்த விழாவை நாடு முழுவதும் விமர்சையாக கொண்டாட பாஜக மற்றும் இந்து அமைப்புகள் தடபுடலாக தயாராகி வருகின்றன.

இந்த நிலையில் அன்றைய தினம் அதாவது ஜனவரி 22ம் தேதி சில மாநிலங்களில் மதுக் கடைகளுக்கு விடுமுறை விடப்பட்டுள்ளது. அன்றைய தினம் மது விற்பனை முழுமையாக தடை செய்யப்படுவதாக இந்த மாநில அரசுகள் தெரிவித்துள்ளன. மது விற்பனை மட்டுமல்லாமல், ஹோட்டல்கள், பார்களிலும் கூட மது பரிமாறக் கூடாது என்று தடை விதிக்கப்பட்டுள்ளதாம்.

சமீபத்தில் காங்கிரஸ் வசமிருந்து பாஜக ஆட்சியைக் கைப்பற்றிய சட்டிஸ்கர் மாநிலத்தில்தான் முதலில் இந்த மது விற்பனைத் தடை அறிவிப்பு வெளியானது. மொத்த மாநிலத்திலும் ஜனவரி 22ம் தேதி மதுவுக்குத் தடை விதிக்கப்படுவதாக மாநில முதல்வர் விஷ்ணு தேவ் சாய் தெரிவித்துள்ளார்.

அதேபோல பாஜக ஆளும் அஸ்ஸாம் மாநில்ததிலும், மது விற்பனைத் தடையை முதல்வர் ஹிமந்தா பிஸ்வா சர்மா அறிவித்துள்ளார்.

அயோத்தி இடம் பெற்றுள்ள உத்தரப் பிரதேச மாநிலத்திலும் ஜனவரி 22ம் தேதி மது விற்பனைக்குத் தடை விதிக்கப்பட்டுள்ளது. ஜனவரி 22ம் தேதியை தேசிய விழாவாக கொண்டாடுவோம் என்று உ.பி. முதல்வர் யோகி ஆதித்யநாத் அறிவித்துள்ளார். அன்றைய தினம் கல்விக் கூடங்களுக்கும் உ.பி. அரசு விடுமுறை அறிவித்துள்ளது.

மதுக் கடைகளுக்கு விடுமுறை விட்டுள்ள 3 மாநிலங்களும் பாஜக ஆளும் மாநிலங்கள் என்பது குறிப்பிடத்தக்கது. மற்ற பாஜக ஆளும் மாநிலங்களிலும் இதுபோல விடுமுறை விடப்படுமா என்பது தெரியவில்லை.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

அயோத்தியில் ராமர் கோவில் திறக்கப் போறாங்க.. 3 மாநிலங்களில் அந்த நாளில்.. மதுக் கடைகளுக்கு லீவு!

Comments

சமீபத்திய செய்திகள்

அதிகம் பார்க்கும் செய்திகள்