Bangalore Bandh: கொதிக்கும் காவிரி.. தகிக்கும் கன்னட அமைப்புகள்.. பிசுபிசுத்தது பந்த்!

Sep 26, 2023,09:34 AM IST

பெங்களூரு: காவிரி பிரச்சினை தொடர்பாக கன்னட அமைப்புகள் அழைப்பு விடுத்த பெங்களூர் பந்த் போராட்டத்துக்குப் போதிய ஆதரவு கிடைக்காததால் அது பிசுபிசுத்தது.

தமிழ்நாடு பஸ்கள் வராததால் ஓசூர் சாலை மட்டுமே வெறிச்சோடிக் காணப்பட்டது. தமிழ்நாட்டிலிருந்து பஸ்கள், லாரிகள் போன்ற பெரிய வண்டிகள் எதுவும் வரவில்லை. இதனால் இந்த சாலையில் போக்குவரத்து குறைந்து காணப்பட்டது.

மற்றபடி பெங்களூர் முழுவதும் பஸ்கள் ஓடுகின்றன, ஹோட்டல்கள் திறக்கப்பட்டுள்ளன. இயல்பு வாழ்க்கை பாதிக்கப்படவில்லை. பள்ளிகள், கல்லூரிகளுக்கு விடுமுறை அறிவிக்கப்பட்டிருந்ததால் அவை மூடப்பட்டிருந்தன. பெரும்பாலான தனியார் மற்றும் தகவல் தொழில்நுட்ப நிறுவனங்கள் தங்களது ஊழியர்களுக்கு ஒர்க் பிரம் ஹோம் ஆப்ஷனை இன்று கொடுத்திருந்ததால் பலரும் வீட்டிலிருந்தபடியே வேலை பார்த்தனர்.

தமிழ்நாட்டுக்கு காவிரியில் தண்ணீர் திறக்கக் கூடாது என்று கூறி பல்வேறு கன்னட அமைப்புகள் போராட்டம் நடத்தி வருகின்றன. அதன் ஒரு பகுதியாக இன்று பெங்களூர் பந்த் போராட்டத்துக்கு அழைப்பு விடுத்திருந்தன. சில இடங்களில் கடைகள் மூடப்பட்டிருந்தன. அதேசமயம், மருத்துவமனைகள், நர்சிங் ஹோம்கள், மருந்துக் கடைகள், பெட்ரோல் நிலையங்கள் ஆகியவை திறந்துள்ளன. அவற்றுக்குப் போலீஸ் பாதுகாப்பு போடப்பட்டுள்ளது.

பெங்களூரு முழுவதும் பலத்த போலீஸ் பாதுகாப்பு போடப்பட்டுள்ளது. 144 போலீஸ் தடை உத்தரவும் பிறப்பிக்க்பட்டுள்ளது. 5 பேருக்கு மேல் கூட தடை விதிக்கப்பட்டுள்ளது. பொதுமக்கள் ஏதாவது பிரச்சினையைச் சந்தித்தால் 112ம் எண்ணை அழைக்கலாம் என்று தெரிவிக்கப்பட்டுள்ளது.

சமீபத்திய செய்திகள்

11 மாவட்டங்களில் நாளை கனமழை பெய்ய வாய்ப்பு: சென்னை வானிலை மையம் அறிவிப்பு!

கன்னியாகுமரி கண்ணாடி பாலத்தில் விரிசலா.. மாவட்ட கலெக்டர் அழகு மீனாவின் விளக்கம் இதுதான்!

இலங்கை தமிழ் அகதிகளுக்கு நீண்டகால விசாவும், குடியுரிமையும் வழங்கும் சட்ட திருத்தமும் தேவை: அன்புமணி

மதுரை விமான நிலையத்திற்கு முத்துராமலிங்கத் தேவர் பெயர்.. 2 தலித் கட்சிகள் எதிர்ப்பு

முதல்வர் மு.க.ஸ்டாலின் தலைமையில் நாளை திமுக மாவட்டச் செயலாளர்கள் கூட்டம்

தலைமை சொல்வதை கேட்பதே எனது பொறுப்பு: தமிழக பாஜக தலைவர் நயினார் நாகேந்திரன்!

ரஷ்யா மீது 2வது கட்ட பொருளாதார தடை விதிக்கப் போறேன்.. டொனால்ட் டிரம்ப் அறிவிப்பு

கண்மணியே உன் கா(த)ல் தடம் தேடி..1 (கவிதைத் தொடர்)

ஆசிய கோப்பை ஹாக்கி 2025.. 8 வருடங்களுக்குப் பிறகு கோப்பையை வென்று இந்தியா அசத்தல்

Bangalore Bandh: கொதிக்கும் காவிரி.. தகிக்கும் கன்னட அமைப்புகள்.. பிசுபிசுத்தது பந்த்!

Comments

சமீபத்திய செய்திகள்

அதிகம் பார்க்கும் செய்திகள்