ஹேப்பி பர்த் டே விஜய்...நடிகர் விஜய் பற்றிய சுவாரஸ்ய தகவல்கள்

Jun 22, 2023,09:55 AM IST

சென்னை : தமிழ் சினிமாவின் பிரபலமான நட்சத்திர தம்பதிகளான எஸ்.ஏ.சந்திரசேகர் - சோபாவின் மகனான விஜய், குழந்தை நட்சத்திரமாக அறிமுகமாகி, தற்போது இந்திய சினிமாவின் டாப் ஹீரோக்களில் ஒருவராக இருந்து வருகிறார். அடுத்து அவர் எப்போது அரசியலுக்கு வருவார் என ரசிகர்கள் ஆவலாக காத்திருக்கிறார்கள்.

நடிகர், நடன கலைஞர், பாடகர் என பல திறமைகளைக் கொண்ட விஜய் இன்று தனது 48 வது பிறந்தநாளை கொண்டாடி வருகிறார். இதற்காக திரை பிரபலங்கள், ரசிகர்கள் உள்ளிட்ட பலரும் சோஷியல் மீடியா மூலம் விஜய்க்கு தங்களின் வாழ்த்துக்களை பகிர்ந்து வருகின்றனர். இந்த சமயத்தில் விஜய் பற்றிய சில சுவாரஸ்ய விஷயங்களை இங்கே தெரிந்து கொள்வோம்.

* 1984 ஆம் ஆண்டு தனது 10 வது வயதில் வெற்றி என்ற படம் தான் விஜய் நடித்த முதல் படம். இதில் குழந்தை நட்சத்திரமாக அறிமுகமானார்.

* தனது முதல் படத்திற்காக விஜய் வாங்கிய முதல் சம்பளம் ரூ.500. நடிகரும், தயாரிப்பாளருமான பி.எஸ். வீரப்பா இதை விஜய்க்கு அளித்தார்.

* 1985 ம் ஆண்டு நான் சிவப்பு மனிதன் படத்தில் ரஜினியுடன் இணைந்து குழந்தை நட்சத்திரமாக நடித்தார் விஜய்.

* 1992 ம் ஆண்டு தனது 18 வது வயதில் நாளைய தீர்ப்பு படத்தின் மூலம் தமிழ் சினிமாவில் ஹீரோவாக அறிமுகமானார் விஜய்.

* இந்திய அளவில் அதிக சம்பளம் பெறும் நடிகர்களில் விஜய்யும் ஒருவர்.

* வெளிநாடுகளில் ரூ.50 கோடி வசூல் செய்த விஜய்யின் முதல் படம், கில்லி.

* ஷங்காய் திரைப்பட திருவிழாவில் காவல் படமும், மெல்பெர்ன் திரைப்பட விழாவில் நண்பன் படமும் திரையிடப்பட்டன.

* 100 கோடி வசூலை கடந்த விஜய்யின் முதல் படம் துப்பாக்கி. இது ரஷ்ய திரைப்பட விழாவிலும் திரையிடப்பட்டது.

* கொரோனா கட்டுப்பாடுகள் அமலில் இருந்த சமயத்தில் தியேட்டரில் ரிலீஸ் செய்யப்பட்டு ரூ.100 கோடியை வசூல் செய்தது விஜய் நடித்த மாஸ்டர் படம்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!