சண்டிகர் மாநகராட்சி மேயர் தேர்தல்... பாஜக வெற்றி.. "இது கள்ளாட்டம்".. ஆம் ஆத்மி புகார்!

Jan 30, 2024,04:12 PM IST

சண்டிகர்: சண்டிகர் மாநகராட்சி மேயர் தேர்தலில் இந்தியா கூட்டணி வேட்பாளருக்கும், பாஜகவுக்கும் இடையே நடந்த மோதலில், பாஜக வேட்பாளர் மனோஜ் சோங்கர் வெற்றி பெற்றதாக அறிவிக்கப்பட்டுள்ளது.

ஆம் ஆத்மி கட்சிக்கு விழுந்த வாக்குகளில் 8 ஓட்டுக்கள், செல்லாதது என்று தேர்தல் நடத்திய அதிகாரி அறிவித்தது, பாஜகவுக்கு சாதகமாகப் போய் அக்கட்சி வேட்பாளர் வெற்றி பெற்று விட்டார்.

சண்டிகர் மாநகராட்சி மேயர் பதவிக்கான தேர்தல் இன்று நடந்தது. இதில் இந்தியா கூட்டணி சார்பில் ஆம் ஆத்மி வேட்பாளர் குல்தீப் குமாரும், பாஜக சார்பில் மனோஜ் சோங்கரும் போட்டியிட்டனர். இந்தத் தேர்தலுக்காக ஆம் ஆத்மி, காங்கிரஸ் ஆகிய கட்சிகள் கை கோர்த்துப் போட்டியிட்டதால் பெரும் எதிர்பார்ப்பு இருந்தது.

சண்டிகர் மாநகராட்சி கவுன்சிலர் பதவிக்கு நடந்த தேர்தலில் ஆம் ஆத்மி கட்சிக்கு 13 இடங்களிலும், பாஜகவுக்கு 14 இடங்களிலும், காங்கிரஸுக்கு 7 இடங்களிலும் வெற்றி கிடைத்தது. ஆம் ஆத்மி, காங்கிரஸ் கை கோர்த்ததால் ஆம் ஆத்மி வேட்பாளரே வெற்றி பெறுவார் என அனைவரும் எதிர்பார்த்தனர்.

அரவிந்த் கெஜ்ரிவால் அதிருப்தி

ஆனால், இன்று நடந்த தேர்தலில் சோங்கருக்கு 16 வாக்குகள் விழுந்தன. அதாவது எதிர்த் தரப்பிலிருந்து 2 வாக்குகள் அவருக்கு வந்துள்ளன. அதேசமயம், ஆம் ஆத்மி வேட்பாளருக்கு 12வாக்குகள் கிடைத்தன. 8 வாக்குகள் செல்லாதது என்று அறிவிக்கப்பட்டது. அந்த எட்டு வாக்குகளும் ஆம் ஆத்மிக்கு விழுந்த வாக்குகள்தான். இந்த அறிவிப்பால் ஆம் ஆத்மி கட்சியினர் கொதிப்படைந்தனர்.

இதுகுறித்து ஆம் ஆத்மி கட்சித் தலைவரும், டெல்லி முதல்வருமான அரவிந்த் கெஜ்ரிவால் கூறுகையில், இது மோசடியான தேர்தல். பாஜக மோசடி செய்து வென்றுள்ளது. தேர்தல் நடைமுறை எங்களுக்கு ஏமாற்றத்தைக் கொடுத்துள்ளது. மேயர் தேர்தலுக்கே இவ்வளவு கீழே இறங்கிப் போகிறவர்கள், தேசிய அளவில் நடைபெறும் தேர்தலில் வெற்றி பெற என்ன வேண்டுமானாலும் செய்வார்கள். இது மிகவும் கவலை தருகிறது என்று கூறியுள்ளார்.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

சண்டிகர் மாநகராட்சி மேயர் தேர்தல்... பாஜக வெற்றி.. "இது கள்ளாட்டம்".. ஆம் ஆத்மி புகார்!

Comments

சமீபத்திய செய்திகள்

அதிகம் பார்க்கும் செய்திகள்