பெங்களூர் ராமேஸ்வரம் கபே ஹோட்டலில்.. பலத்த சத்தத்துடன் மர்மப் பொருள் வெடித்தது.. 4 பேர் காயம்!
பெங்களூர்: பெங்களூரில் உள்ள பிரபலமான ராமேஸ்வரம் கஃபே ஹோட்டலில் மர்ம பொருள் வெடித்து நான்கு பேர் படு காயமடைந்தனர். இங்கு வெடித்தது வெடிகுண்டா அல்லது சிலிண்டரா என போலீசார் தீவிர சோதனை நடத்தி வருகின்றனர்.
பெங்களூர் அருகே இந்திரா நகரில், ஒயிட் பீல்டு பகுதியில் 80 அடி சாலையில், ராமேஸ்வரம் கஃபே ஹோட்டல் உள்ளது. அந்தப் பகுதியில் பிரபலமானது இது. தென்னந்திய உணவு வகைகளுக்குப் பெயர் போன ஹோட்டல் இது. மாதம் ரூ. 5 கோடி வரை இங்கு வசூல் ஆகும் அளவுக்கு மிகப் பிரபலமான ஹோட்டலும் கூட. இந்த ஹோட்டலின் உரிமையாளருக்கு மறைந்த டாக்டர் அப்துல் கலாம் என்றால் மிகவும் பிடிக்குமாம். இதனால்தான் அவர் பிறந்த ராமேஸ்வரத்தின் பெயரை ஹோட்டலுக்கு வைத்தாராம்.
மிகச் சிறிய இடத்தில்தான் இந்த ஹோட்டல் நடந்து வருகிறது. இந்த ஹோட்டலில்தான் இன்று மர்மப் பொருள் வெடித்து பரபரப்பை ஏற்படுத்தியுள்ளது. இதில் ஒரு பெண் உட்பட 3 ஊழியர்கள் படுகாயம் அடைந்தனர்.
தகவல் அறிந்து உடனே சம்பவ இடத்திற்கு விரைந்த போலீசார் காயமடைந்தவர்களை மீட்டு மருத்துவமனையில் அனுமதித்தனர். இதனை தொடர்ந்து வெடித்தது சிலிண்டரா அல்லது வெடிகுண்டா என போலீசார் தீவிர ஆய்வு நடத்தி வருகின்றனர். மேலும் தீயணைப்பு படையினரும் சம்பவ இடத்தில் குவிந்துள்ளனர்.
சமீபத்திய செய்திகள்
பாமக ஒருங்கிணைந்த மாவட்ட பொதுக்குழு: அன்புமணி அறிவிப்பு!
பூனைக் கண்ணை மூடிக்கொண்டுவிட்டால் உலகம் இருண்டுவிடுமா என்ன? அமைச்சர் தங்கம் தென்னரசு கேள்வி!
ஒருங்கிணைந்த கல்வித் திட்ட நிதி... உறங்கி கோட்டை விட்ட தமிழக அரசு: டாக்டர் அன்புமணி ராமதாஸ்!
குற்றச்சாட்டுகளை வைக்கும் பாஜக முதலில் தனது முதுகை திரும்பி பார்க்க வேண்டும் : அமைச்சர் சேகர்பாபு
தமிழகத்தில் எந்தந்த மாவடங்களுக்கு ரெட் அலர்ட்... ஆரஞ்சு அலர்ட் தெரியுமா?
என்னை இப்படி தேவையில்லாமல் புகழாதீர்கள்.. செனாப் பாலம் புகழ் மாதவி லதா வேண்டுகோள்!
டிமார்ட் நிறுவனத்தின் பெயரில் போலி வெப்சைட் மோசடி.. மக்களே உஷாரா இருங்க
11 ஆண்டு பாஜக ஆட்சியில் இந்தியாவின் வளர்ச்சி அபரிமிதம்.. பிரதமர் மோடி பெருமிதம்
ராஜ்யசபா தேர்தல்: எம்பி., ஆகிறார் கமல்ஹாசன்...அதிமுக, திமுக வேட்பாளர்கள் மனு ஏற்பு
{{comments.comment}}