Happy Diwali Guys: மத்திய அரசு ஊழியர்களுக்கு அகவிலைப்படி உயர்வு அறிவிப்பு
டில்லி : மத்திய அரசு ஊழியர்கள், பென்சன்தாரர்களுக்கு 3 சதவீதம் அகவிலைப்படி உயர்வு அளிக்க மத்திய அமைச்சரவை ஒப்புதல் அளித்துள்ளது. இதனால் மத்திய அரசு ஊழியர்களின் அகவிலைப்படி 50 சதவீதத்தில் இருந்து 53 சதவீதமாக உயர உள்ளது.
மத்திய அரசு ஊழியர்களுக்கு தீபாவளி பரிசாக இனிப்பான தகவலை வெளியிட்டுள்ளது மத்திய அரசு. மத்திய அரசு ஊழியர்களுக்கு ஒவ்வொரு ஆறு மாதங்களுக்கு ஒரு முறை அகவிலைப்படி மாற்றி அமைப்பது வழக்கம். இது மத்திய அரசு ஓய்வூதியதாரர்களுக்கும் வழங்கப்படுவது வழக்கம். தற்போது தீபாவளி நெருங்கும் சமயத்தில் அகவிலைப்படி உயர்வு அளிக்கப்பட உள்ளது.
அகவிலைப்படி 3 சதவீதம் உயர்த்தப்பட்டால் ஆரம்ப நிலையில் இருக்கும் மத்திய அரசு ஊழியர்களின் சம்பளமும் உயர வாய்ப்புள்ளது. அதாவது ரூ.18,000 மாத சம்பளம் பெறுபவர்களின் சம்பளத் தொகையில் ரூ.540 உயர வாய்ப்புள்ளது. ஒரு கோடிக்கும் அதிகமான மத்திய அரசு ஊழியர்கள் மற்றும் பென்சன்தாரர்கள் இதனால் பயனடைவார்கள் என சொல்லப்படுகிறது. ஜூலை, ஆகஸ்ட், செப்டம்பர் ஆகிய மூன்று மாதங்களுக்கு சேர்த்து கணக்கிட்டு அகவிலைப்படி நிலுவை தொகை வழங்கப்பட உள்ளது.
மத்திய அரசை தொடர்ந்து மாநில அரசுகளும் அரசு ஊழியர்கள் மற்றும் ஓய்வூதியதாரர்களுக்கு அகவிலைப்படி உயர்வை தீபாவளி போனசாக அறிவிக்க வாய்ப்புள்ளதாக எதிர்பார்க்கப்படுகிறது. அரசு ஊழியர்களுக்கு மத்திய அரசு அளித்து வரும் சலுகைகள் அதிகரிக்கப்பட்டு வருவது, அரசு ஊழியர்களிடம் வரவேற்பை பெற்றுள்ளது. ஏற்கனவே ரயில்வே துறையில் காலியாக இருக்கும் பணியிடங்களை ஓய்வுபெற்ற ஊழியர்களைக் கொண்டு நிரப்ப மத்திய அமைச்சரவை ஒப்புதல் அளித்துள்ளது. மற்ற துறைகளிலும் இது போல் நிரப்பும் பணி நடைபெற்றால் அது பலருக்கும் உதவியாக இருக்கும் என சொல்லப்படுகிறது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
முட்டி மோதிய சென்னை சூப்பர் கிங்ஸ்.. மீண்டும் தோல்வி.. தட்டித் தூக்கிய ஹைதராபாத்!
ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்
துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி
ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!
பாகிஸ்தானியர்களை வெளியேற்றுங்கள்.. மாநில அரசுகளுக்கு மத்திய அமைச்சர் அமித்ஷா அறிவுறுத்தல்!
ஒரு வருஷத்துக்கு முன்பு என்னைப் புகழ்ந்தவர்களா இவர்கள்??.. ஒலிம்பியன் நீரஜ்சோப்ரா பெரும் வேதனை!
எல்லைக் கட்டுப்பாட்டுக் கோட்டுப் பகுதியில்.. துப்பாக்கிச் சூட்டில் இறங்கிய பாக்.. இந்தியா பதிலடி
முதல்வர் மு.க.ஸ்டாலினுக்கு மே 3ம் தேதி பாராட்டு விழா: அமைச்சர் கோவி செழியன் அறிவிப்பு
ஆளுநர் ஆர். என். ரவி கூட்டிய ஊட்டி மாநாடு.. அரசு பல்கலைக்கழக துணைவேந்தர்கள் பங்கேற்கவில்லை
{{comments.comment}}