சென்னையில்.. பார்ட் பார்ட்டாக வச்சு செய்த திடீர் கன மழை!

Oct 06, 2023,04:15 PM IST

சென்னை: சென்னையிலும் அதன் புறநகர்ப் பகுதிகளிலும் பகுதி பகுதியாக கன மழை வெளுத்தெடுத்ததால் மக்கள் குழம்பிப் போய் விட்டனர். மழை பெய்து ஓய்ந்த இடங்களில் இப்போது சுள்ளென்று வெயில் அடித்து வருவதால் மக்கள் இன்னும் குழப்பமாகி விட்டனர்.

வழக்கமாக சென்னையில் ஏப்ரல் முதல் ஜூன் ஜூலை வரைதான் நல்ல வெயில் அடிக்கும். ஆனால் இந்த முற அக்டோபரிலும் வெயில் வெளுத்தெடுக்கிறது. திடீர் திடீரென மழையும் பெய்வதால் பல்வேறு பருவ கால நோய்கள் பரவி வருகின்றன.

இந்த நிலையில் சில நாட்களாக ஓய்ந்திருந்த மழை இன்று திடீரென எட்டிப் பார்த்தது. நகரிலும், நகரின் புறநகர்ப் பகுதிகளிலும் விட்டு விட்டு திடீர் கனமழை கொட்டித் தீர்த்தது. காலையில் சுள்ளென்று அடித்த வெயிலின் தாக்கம் குறையும் பொருட்டு மதியமத்திற்கு மேல் நல்ல கனமழை பெய்தது.

கிண்டி, ஈக்காட்டுத்தாங்கல், அசோக் நகர், வடபழனி, கோயம்பேடு, தி.நகர், மாம்பலம் உள்ளிட்ட பகுதிகளில் நல்ல மழை பெய்ததது. அதேபோல தாம்பரம் சுற்று வட்டாரப் பகுதிகளிலும் மழை வெளுத்து வாங்கியது.

சென்னை மற்றும் அதனை சுற்றியுள்ள 13 மாவட்டங்களில் அடுத்த 3 மணி நேரத்திற்கு மழை நீடிக்கும் என வானிலை ஆய்வு மையம் தெரிவித்துள்ளது. அதேபோல இன்று முதல் அடுத்த 8 நாட்களுக்கு தமிழகம் புதுவை, காரைக்கால் பகுதிகளில் மிதமான மற்றும் கனமழை பொழிய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

மேற்கு திசை காற்றின் வேகமாறுபாடு காரணமாக இந்த மழை பொழிவு ஏற்பட்டது. கடந்த 2 நாட்களாக சென்னையில் பகலில் நல்ல வெயிலும், இரவில் மழையும் பெய்து வந்த நிலையில், இன்று சுட்டெரிக்கும் வெயிலுக்கு இடையில் பகலிலும் கனமழை பெய்தது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!

"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!

"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!

"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!

பெண்களை இழிவுபடுத்தும் விளம்பரங்களை வைக்கலாமா.. மெட்ரோவுக்கு சு. வெங்கடேசன் கேள்வி

முன்னாள் காங்கிரஸ் எம்.எல்.ஏ அசன் மௌலானாவுக்கு 3 ஆண்டுகள் தேர்தலில் போட்டியிடத் தடை

திமுக முன்னாள் அமைச்சர் கே.என்.நேரு வீடுகளில் லஞ்ச ஒழிப்புத்துறை அதிரடி சோதனை

மாணவர்கள் வளர்ச்சி கண்டு பெருமைப்படும் பேரான்மாக்கள்.. ஆசிரியர்கள்!

கல்வி என்னும் நறுந்தேனை.. சுவைக்கச் செய்யும் இளங்காற்று நாமே!