ஒரே ஆபீஸ்.. அரும்பிய காதல்.. அலுவலகத்திலேயே முத்தம். வேலை போச்சு.. அச்சச்சோ!
பெய்ஜிங்: சீனாவில் ஒரே அலுவலகத்தில் வேலை பார்த்து வந்த ஒரு ஜோடி, அலுவலகத்தில் முத்தமிட்டுக்கொண்டதால் தங்களது வேலையை இழந்துள்ளனர்.
காதலர்கள் தங்களது அன்பைப் பரிமாறிக்கொள்ளும் மெளனமொழியே முத்தம். காதலர் தினத்தின் ஒரு முன்னோட்டமாக, பிப்ரவரி 13ம் தேதி முத்த தினம் கொண்டாடப்படுகிறது. இப்படி முத்தம் கொடுப்பதற்கு என்று ஒரு தினம் கொண்டாடப்பட்டு வரும் நிலையில், இப்படி அலுவலகத்தில் முத்தம் கொடுத்து அதற்காக வேலையை இழந்த ஜோடிகளும் உண்டு என்பதற்கு இது ஒரு உதாரணம்.
சீனாவில் உள்ள ஒரு அலுவலகத்தில் லியூ மற்றும் சென் என்பவர்கள் பணிபுரிந்து வந்துள்ளனர். இதில் லியூ என்பவருக்கு ஏற்கனவே திருமணம் முடிந்துள்ளது. லியூவும் சென்னும் ஒரே அலுவலகத்தில் பணிபுரிந்து வந்ததால் நட்பு உருவாகியுள்ளது. இவர்களின் நட்பு காதலாக மலர்ந்துள்ளது. இந்நிலையில், இருவரும் பணிபுரியும் இடத்திலேயே முத்தமிட்டு கொண்டு இருந்துள்ளனர். இது லியூவின் மனைவிக்கு தெரியவர. லியூவின் மனைவி முத்த ஆதாரங்களை மொத்தமாக சேகரித்து கணவரின் அலுவலக மேலதிகாரிகளுக்கு அனுப்பி விட்டார்.
இதனை அறிந்த அந்நிறுவனம், நிறுவனத்தின் விதிகளை மீறியதாக கூறி லியூ மற்றும் சென் இருவரையும் பணிநீக்கம் செய்தது. தங்களை வேலையை விட்டு நீக்கிய நிறுவனத்தின் மீது வழக்கு தொடர்ந்தனர் லியூவும், சென்னும். தனித்தனியாக சுமார் ரூ.30 லட்சம் நஷ்ட ஈடு கேட்டு நீதிமன்றத்தை நாடினர். வழக்கை விசாரித்த நீதிமன்றமோ, அலுவலகத்தில் முத்தமிட்டது விதிமுறைகளுக்குப் புறம்பானது, எனவே டிஸ்மிஸ் நடவடிக்கை சரியே என்று கூறி மனுக்களைத் தள்ளுபடி செய்து விட்டது.
முத்தம் கொடுக்கப் போய் இப்போது மொத்தமாக எல்லாவற்றையும் இழந்து நிற்கிறது இந்த ஜோடி!
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு
குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!
8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?
எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்
அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!
மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!
டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!
ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?
என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!
{{comments.comment}}