ஒரே ஒரு லிங்க்.. தொட்ட அடுத்த விநாடியே.. மொத்தப் பணமும் குளோஸ்.. வங்கி மோசடி!

Mar 06, 2023,10:53 AM IST

மும்பை: மும்பையில் தனியார் வங்கியைச் சேர்ந்த 40 வாடிக்கையாளர்களிடமிருந்து லட்சக்கணக்கான பணத்தை மோசடிக் கும்பல் நூதன முறையில் அபகரித்த செயல் அதிர வைத்துள்ளது.

இந்த வாடிக்கையாளர்களுக்கு டெக்ஸ்ட் மெசேஜ் மூலம் ஒரு லிங்க் வந்துள்ளது. அதில், உங்களது பான் விவரம், கேஒய்சி விவரத்தை பதிவு செய்யுமாறு கூறப்பட்டிருந்தது. இதுபோன்ற மோசடிகள் குறித்து அறிந்த பல வாடிக்கையாளர்கள் அந்த லிங்க் பக்கமே போகவில்லை. ஆனால் 40 பேர் ஏமாந்து போய் அதை ஓபன் செய்து மாட்டிக் கொண்டனர்.

இந்த லிங்க்கை யாரெல்லாம் ஓபன் செய்தார்களோ அத்தனை பேரின் வங்கிக் கணக்கிலிருந்தும் லட்சக்கணக்கான பணம் கை மாறி விட்டது. இதை அதிர்ந்து அந்த 40 பேரும் அதிர்ச்சி அடைந்தனர். இதுபோன்ற லிங்க்குகளை ஓபன் செய்வது கூடாது என்று போலீஸார் அடிக்கடி எச்சரிக்கை விடுத்த வண்ணம் இருக்கின்றனர். ஆனாலும் மக்கள் இந்த மோசடி வலையில் சிக்கிக் கொள்வது தொடர் கதையாகி வருகிறது.

1300 ஊழியர்களை நீக்கிய கையோடு.. கம்பெனி தலைவரையும் வேலையை விட்டு அனுப்பிய ஜூம்!

உங்களது வங்கிக் கணக்கு முடக்கப்பட்டு விட்டது, உங்களது நெட்பேங் லாகின் முடக்கப்பட்டுள்ளது.. அதை ரிலீஸ் செய்ய பின்வரும் இணைப்பை சொடுக்குங்கள் என்பது உள்பட விதம் விதமான முறையில் உங்களுக்கு லிங்க்குகளை மோசடியாளர்கள் அனுப்புவார்கள். அது எதையும் நீங்கள் ஓபன் செய்து விடக் கூடாது. மீறி செய்தால் மொத்தப் பணமும் காலிதான்.

மும்பை வங்கி மோசடியில் ஏமாந்த 40 பேரில் டிவி நடிகை ஸ்வேதா மேமனும் ஒருவராம். அவர் இதுகுறித்து போலீஸில் புகார் கொடுத்துள்ளார். தனக்கு வந்த இணைப்புக்குள் போய் கஸ்டமர் ஐடி, பாஸ்வேர்ட், ஓடிபி என எல்லாவற்றையும் கொடுத்த இவர் இப்போது, 57 ஆயிரத்து 638 ரூபாய் பணத்தை இழந்து விட்டு நிற்கிறார்.

உஷாரா இருங்க மக்களே!

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!